09:19 am
 آسٹریلیا کا بنگلہ دیش کے خلاف ٹاس جیت کر بیٹنگ کا فیصلہ

آسٹریلیا کا بنگلہ دیش کے خلاف ٹاس جیت کر بیٹنگ کا فیصلہ

09:19 am

اسلام آباد (مانیٹر نگ ڈیسک )ورلڈکپ کے اپنے اہم میچ میں آسٹریلیا نے بنگلہ دیش کےخلاف ٹاس جیت کر پہلے بیٹنگ کرنے کا فیصلہ کرلیا۔بنگلہ دیش اس وقت پوائنٹس ٹیبل پر پانچویں اور آسٹریلیا کی ٹیم دوسرے نمبر پر موجود ہے۔ناٹنگھم کے ٹرینٹ برج گراؤنڈ میں دونوں ٹیموں کے درمیان میچ پاکستانی وقت کے مطابق دوپہر ڈھائی بجے شروع ہوگا۔دونوں ٹیمیں ایونٹ میں اب تک پانچ میچز کھیل چکی ہیں،
بنگلادیش کو پانچ میچوں میں سے 2 میں کامیابی اور 2 میں ناکامی کا سامنا کرنا پڑا جب کہ ایک میچ بارش کے باعث منسوخ ہوگیا۔ادھر آسٹریلیا نے پانچ میچوں میں سے چار میں فتح اپنے نام کی جب کہ ایک میچ میں اسے شکست کا سامنا رہا۔آج آسٹریلیا کی ٹیم میں چند تبدیلیوں کا امکان ہے، بنگلادیش کیخلاف کھیلے جانے والے میچ میں بلے باز مارکس اسٹونس اور بولر نیتھن کولٹر نائل کو ٹیم میں شامل کیا جاسکتا ہے جب کہ بنگلادیش کی ٹیم میں اب تک کوئی تبدیلی کا امکان ظاہر نہیں کیا گیا۔

تازہ ترین خبریں