10:13 am
مارک ووڈ کا باؤنسر، افغان پلیئر حشمت اللہ شاہدی نے والدہ کی خاطر بیٹنگ جاری رکھی

مارک ووڈ کا باؤنسر، افغان پلیئر حشمت اللہ شاہدی نے والدہ کی خاطر بیٹنگ جاری رکھی

10:13 am

اسلام آباد(نیو زڈیسک)انگلینڈ کے خلاف میچ میں بیٹنگ کے دوران مارک ووڈ کا باؤنسر لگنے کے باوجود افغان بیٹسمین حشمت اللہ شاہدی نے اپنی والدہ کی خاطر بیٹنگ جاری رکھی۔حشمت اللہ شاہدی 24 رنز پر کھیل رہے تھے جب مارک ووڈ کی 90 میل فی گھنٹہ کی ڈلیوری پر باؤنسر ان کے ہیلمٹ پر لگا، جس سے وہ دھڑام سے نیچے گر گئے تاہم بعد میں انھوں نے نیا ہیلمٹ لے کر بیٹنگ جاری رکھی اور 76 رنز کے ساتھ اپنی ٹیم کے ٹاپ اسکورر رہے۔شاہدی
کا کہنا تھا کہ گزشتہ برس میرے والد کا انتقال ہوا ہے، اس لیے میں نہیں چاہتا تھا کہ میری والدہ پریشان ہوں اسی لیے تکلیف کے باوجود فوراً اٹھ کر کھڑا ہوا اور بیٹنگ جاری رکھی۔دوسری جانب مارک ووڈ کا کہنا تھا کہ انھیں حریف سائیڈ کو شاٹ پچ بالز کرنے پر کوئی افسوس نہیں ہے۔

تازہ ترین خبریں