04:02 pm
مصباح الحق کو سابق کوچ مکی آتھر کے برابر ہی تنخواہ دی جائے گی

مصباح الحق کو سابق کوچ مکی آتھر کے برابر ہی تنخواہ دی جائے گی

04:02 pm

لاہور (مانیٹرنگ ڈیسک) پاکستان کرکٹ بورڈ نے سابق کپتان مصباح الحق کو قومی کرکٹ ٹیم کے ہیڈ کوچ کی ذمہ داریاں سونپ ڈالیں۔ کرکٹ بورڈ نے آج باضابطہ طور پر مصباح الحق کو ہیڈ کوچ نامزدکیے جانے کااعلان کیا۔مصباح الحق اور ایم ڈی کرکٹ بورڈ سے مصباح الحق کی تنخواہ کے حوالے سے جب سوالات کیے گئے تو انھوںنے کچھ دلچسپ جوابات دیے۔ صحافیوں نے سوا ل و جواب کے وقفے کے دوران پوچھا
کہ ’’ مصباح الحق کا معاوضہ سابق ہیڈ کوچ مکی آرتھر کے برابر ، کم یازیادہ ہے ۔‘‘ جس پر مصباح الحق نے فوری مسکراتے ہوئے رد عمل دیا کہ ’’ ایف بی آر ‘‘ ، مصباح کی بات سن کر سب ہنسنے لگے۔ صحافیوں کی جانب سے پھر اصرار کیا گیا کہ کتنی تنخواہ طے پائی ہے جس پر چیف ایگزیکٹو وسیم خان نے مصباح کی طرف دیکھا اور پوچھا کہ جواب دینا چاہیں گے ، آگے سے ہیڈ کوچ نے کہا کہ جی آپ جواب دیں ، دیں آپ جواب۔وسیم خان نے دوبارہ گفتگو کاآغاز کرتے ہوئے کہا کہ ان کی جو پوزیشن ہو گی انہیں پوری عزت اور ذمہ داری ملے گی ، تنخواہ خفیہ بات ہے۔ صحافیوں نے ایک مرتبہ پھر اصرا ر کیا تو وسیم نے کہا کہ ان کی تنخواہ مکی آرتھر کے برابر ہی ہے ، یہ ہیڈ کوچ ہیں اور چیف سلیکٹر بھی ، ان کی قدر ہے ، تو ان کو ہم کیوںکم پیسے دیں گے۔یاد رہے کہ سابق ہیڈ کوچ مکی آرتھر 20 ہزار ڈالر معاوضہ لیتے تھے جو کہ پاکستان تقریبا 32 لاکھ روپے بنتے ہیں

تازہ ترین خبریں