12:35 pm
بھارت پاکستان کے ساتھ کرکٹ کھیلنے کیلئے تیار۔۔مگر کہاں،اہم اعلان کر دیا گیا

بھارت پاکستان کے ساتھ کرکٹ کھیلنے کیلئے تیار۔۔مگر کہاں،اہم اعلان کر دیا گیا

12:35 pm

نئی دہلی(مانیٹرنگ ڈیسک) بھارتی سپریم کورٹ کی جانب سے تعینات کئے گئے ایڈمنسٹریٹر کمیٹی کے چیئرمین ونود رائے نے کہا ہے کہ بھارت پاکستان کے ساتھ نیوٹرل وینیو پر کرکٹ کھیلنے کے لئے تیار ہے۔ایک بھارتی اخبار کو دیئے گئے انٹرویو میں ان کا کہنا تھا کہ وہ اس نظریے کے خلاف ہیں کہ پاکستان کو دنیائے کرکٹ سے تنہا کر دیا جائے۔ انہوں نے کہا کہ پاکستان کے حوالے سے حکومت کی بڑی واضح پالیسی رہی ہے کہ نیوٹرل وینیو میں دونوں ممالک کے درمیان کرکٹ کھیلی جا سکتی ہے۔
عالمی کپ 2019 ءکے دوران پاکستان کے خلاف میچ نہ کھیلنے کے خلاف بیان پر ان کا کہنا تھا کہ اس وقت عوام میں یہ رائے پائے جاتی تھی کہ بھارت پاکستان کے خلاف میچ سے دستبردار ہو جائے تب بھی میں نے کہا تھا کہ اگر سیمی فائنل یا فائنل میں ان سے ٹاکرا پڑ گیا تو کیا ہم میچ نہ کھیلیں، یوں کرنا تو پاؤں پر کلہاڑی مارنے کے برابر ہو گا۔ یاد رہے پاکستان اور بھارت کے درمیان آخری مرتبہ سیریز 2012ءمیں کھیلی گئی تھی جب قومی ٹیم نے بھارتی سورماؤں کو ان کے ہوم گراؤنڈ میں ون ڈے مقابلوں میں 2-1 سے شکست دی تھی۔

تازہ ترین خبریں