09:18 am
 خوبصورت ترین خاتون سپورٹس اینکر زینب عباس نے شادی کرلی

خوبصورت ترین خاتون سپورٹس اینکر زینب عباس نے شادی کرلی

09:18 am

لاہور (ویب ڈیسک) پاکستان کی نامور اور خوبصورت ترین خاتون سپورٹس اینکر زینب عباس نے شادی کرلی ہے۔ زینب اور انکے دولہا حمزہ کی نکاح کی تصاویر سامنے آئی ہیں جنہیں خوب پسند کیا جارہا ہے۔ شادی کی تقریب لاہور میں ہوئی جس میں قریبی
دوست احباب اور رشتہ داروں نے شرکت کی۔چند روز قبل زینب عباس کی ڈھولک کی رسم کی تصاویر بھی سوشل میڈیا پر سامنے آئی تھیں۔ ڈھولک کی تصاویر میں زینب عباس کے ساتھ کرکٹر محمد عامر کی اہلیہ نرجس عامر بھی نظر آئیں. زینب عباس نے اپنے کیریئر کا آغاز نجی ٹی وی سے بطور نیوز کاسٹر کیا تھا۔ وہ نجی ٹی وی چینل میں سپورٹس کی خبریں پڑھا کرتی تھیں، بعد ازاں انہیں وہیں ا سپورٹس کا پروگرام دے دیا گیا۔ زینب عباس نے خبریں پڑھنے اور پروگرام کرنے پر ہی اکتفا نہیں کیا بلکہ وہ کرکٹ کے عالمی مقابلوں کی میزبانی کے فرائض سرانجام دیتی بھی نظر آتی ہیں، انہوں نے ورلڈکپ 2019 میں بھی آئی سی سی کی طرف سے میزبانی کے فرائض سر انجام دیے تھے۔ وہ پاکستان کے پی ٹی وی سپورٹس کے علاوہ انٹرنیشنل چینلزپر بھی کرکٹ میچز کے دوران میزبانی کرتی ہوئی نظر آتی ہیں۔