05:54 pm
سٹیو سمتھ جلدی آئوٹ ہونے پر خود کو سزا اور انعام دیتے ہیں

سٹیو سمتھ جلدی آئوٹ ہونے پر خود کو سزا اور انعام دیتے ہیں

05:54 pm

ایڈیلیڈ (مانیٹرنگ ڈیسک) آسٹریلیاکے مڈل آرڈر بلے باز اور دنیائے کرکٹ کے عظیم کھلاڑی سٹیو سمتھ کے بارے میں ایک انتہائی دلچسپ اور حیران کن انکشاف ہوا ہے۔ سمتھ سنچری کرنے کے بعد خود کوانعام دیتے ہیں اور جلدی آئوٹ ہوجانے پر وہ خود کو ہی سزا دیتے ہیں۔ پاکستان کے خلاف برسبین ٹیسٹ میچ یوں تو آسٹریلیا نے یکطرفہ مقابلے کے بعد جیت لیا تاہم آسٹریلیا کی جانب سے کھیلی گئی واحد اننگز میں سمتھ حیران کن طور پر صرف چار رنز بنا کر آئوٹ ہو گئے
۔ ذرائع نے دعویٰ کیا ہے کہ سٹیو سمتھ نے اپنی اس ناکامی پر خود کو سزا دی اور مسلسل تین کلومیٹر تک دوڑ لگائی۔ اسی طرح یہ بھی بتایا گیا ہے کہ سٹیو سمتھ سنچری بنانے کے بعد اپنے مداحوں کی داد اور کرکٹ بورڈ سے خصوصی رقم تو پاتے ہی ہیں وہ خود کو چاکلیٹ بار انعام کے طور پر گفٹ کردیتے ہیں۔سٹیو سمتھ کا شمار بلاشبہ اس وقت دنیا کے عظیم ترین بلے بازوں میں ہوتا ہے جو ایک بائولنگ آل رائونڈ ر کے طور پر ٹیم میں آئے لیکن بلے بازی سے اپنی خداد اد صلاحیتوں کا لوہا انھوںنے دنیا کے ہر گرائونڈ پر منوایا۔

تازہ ترین خبریں