11:43 am
قومی ہیروعلی سدپارہ کی تلاش میں پھر آپریشن شروع

قومی ہیروعلی سدپارہ کی تلاش میں پھر آپریشن شروع

11:43 am


سکردو(ویب ڈیسک )دنیا کی دوسری بلند چوٹی کے ٹو کو موسمِ سرما میں سر کرنے والے ملک کے عالمی شہرت یافتہ کوہ پیما علی سد پارہ کی تلاش میں آج پھر سرچ آپریشن شروع ہو چکا ہے۔ذرائع کے مطابق علی سدپارہ اور ٹیم کی تلاش میں مدد کے لیے ان کے گاؤں سدپارہ سے 2 کوہ پیما امتیاز اور اکبر کیمپ 2 روانہ ہوئے ہیں۔سدپارہ اور ان کی ٹیم کے ٹو کو موسمِ سرما میں سر کرنے کی کوشش کے دوران 1 روز سے لاپتہ ہیں اور ان سے تاحال کوئی رابطہ نہیں ہو سکا ہے، ان کی تلاش کے لیے گزشتہ روز بھی سرچ آپریشن کیا گیا۔علی سدپارہ اور ان کی ٹیم کو گزشتہ روز ہیلی کاپٹرز
کے ذریعے 7 ہزار میٹر کی بلندی تک تلاش کیا گیا۔کے ٹو پر موسم خراب اور ہوا تیز ہے، مہم جوؤں کے لیے کیئے گئے سرچ آپریشن میں تیز ہواؤں کے باعث مشکلات کا سامنا رہا۔دنیا کے دوسرے بلند ترین پہاڑ کے ٹو کو سردیوں میں فتح کرنے کی کوشش کرنے والے پاکستانی کوہ پیما محمد علی سدپارہ سمیت 3 کوہ پیماؤں کے لاپتہ ہونے کے حوالے سے تینوں کوہ پیماؤں کی مہم کے منیجر اور الپائن کلب آف پاکستان نے بتایا ہے کہ علی سد پارہ، آئس لینڈ کے جان اسنوری اور چلی سے تعلق رکھنے والے جان پبلو موہر کا جمعے کے روز سے بیس کیمپ، ٹیم اور اہلِ خانہ سے رابطہ منقطع ہوچکا ہے۔ان کی تلاش میں شروع کیئے گئے ریسکیو مشن کے دوران آرمی ہیلی کاپٹروں نے 7000 میٹر کی بلندی تک پرواز کی ہے تاہم ابھی تک تینوں کوہ پیماؤں کا کوئی سراغ نہیں مل سکا۔سیون سمٹ ٹریکس کے مینیجر داوا شرپا جو کے ٹو بیس کیمپ پر موجود ہیں نے بتایا کہ گزشتہ 30 گھنٹوں سے تینوں کوہ پیماؤں کا رابطہ منقطع ہو چکا ہے جبکہ جی پی ایس ٹریکرز نے کام کرنا چھوڑ دیا ہے۔اپنے ایک اور بیان میں انہوں نے بتایا کہ آرمی کے ہیلی کاپٹرز نے تقریباً 7000 میٹر کی بلندی تک پرواز کی اور واپس اسکردو لوٹ گئے۔انہوں نے بتایا کہ بدقسمتی سے انہیں کوئی سراغ نہیں ملا اور پہاڑ حتیٰ کہ بیس کیمپ میں بھی موسم بہت خراب ہو رہا ہے، ہم مزید پیش رفت کے منتظر ہیں لیکن موسم اور ہوا چلنے کی اجازت نہیں دے رہے۔الپائن کلب آف پاکستان کے سیکریٹری کرار حیدری کے مطابق آرمی ایوی ایشن کے 2 ہیلی کاپٹرز نے ریسکیو آپریشن کا آغاز کیا تھا اور انہوں نے اس سرچ آپریشن میں محمد علی سدپارہ کے علاقے سے تعلق رکھنے والے 8 کوہ پیماؤں اور نیپال کے 2 کوہ پیماؤں کے شریک ہونے کی اطلاع دی تھی۔داوا شرپا نے بتایا کہ علی سد پارہ کے بیٹے ساجد سد پارہ بحفاظت کیمپ ون میں پہنچ گئے ہیں اور وہ بہت جلد بیس کیمپ کی جانب بڑھیں گے۔انہوں نے یہ بھی بتایا ہے کہ ساجد سدپارہ کی کسی بھی قسم کی مدد کے لیے انہوں نے اپنی ٹیم کے 2 شرپاؤں کو تیار رہنے کا حکم دے رکھا ہے۔واضح رہے کہ ساجد سدپارہ بھی اپنے والد کے ہمراہ کے ٹو سر کرنے کی مہم میں شامل تھے لیکن آکسیجن ریگولیٹر خراب ہونے کے باعث وہ نیچے کیمپ تھری پر آ گئے تھے۔غیر ملکی میڈیا کے مطابق انہیں محمد علی سدپارہ، ان کے ساتھی کوہ پیما آئس لینڈ کے جان اسنوری اور چلی کے جے پی موہر کے قریبی عزیزوں اور ٹیم نے بتایا کہ تینوں نے جمعے کی شام تک 8 ہزار میٹر کا سنگِ میل عبور کر لیا تھا جس کے بعد توقع کی جا رہی تھی کہ وہ جلد ہی اپنی منزل پر پہنچ جائیں گے۔ٹورسٹ پولیس اسکردو کے مطابق ان تینوں کی تلاش کا آپریشن شروع کیا جا چکا ہے اور تمام تر ممکنہ اقدامات کیئے جا رہے ہیں۔تینوں کوہ پیماؤں کے ساتھ رابطے کے لیے جان اسنوری کے پاس موجود ٹریکر کے علاوہ تینوں کے پاس موجود سیٹلائیٹ فون اور واکی ٹاکی کا استعمال کیا جاتا تھا۔رابطوں کے لیے جان اسنوری اپنے پاس موجود ٹریکر ہر 1 گھنٹے بعد آن کر کے اطلاع فراہم کر دیتے تھے، تاہم انہوں نے جمعے کے روز آخری مرتبہ اپنی موجودگی کی اطلاع 4 بجے فراہم کی تھی۔محمد علی سد پارہ اور ساجد علی سدپارہ باپ بیٹے ہیں جن کا تعلق گلگت بلتستان میں اسکردو کے علاقے سد پارہ سے ہے، سدپارہ کا علاقہ مہم جوؤں کی وجہ سے شہرت رکھتا ہے۔محمد علی سد پارہ کو اعزاز حاصل ہے کہ وہ اس ٹیم کا حصہ تھے جنہوں نے 2016ء میں سردیوں کی مہم جوئی کے دوران پہلی مرتبہ نانگا پربت کو سر کیا تھا۔محمد علی سد پارہ کو یہ اعزاز بھی حاصل ہے کہ انہوں نے 8 ہزار میٹر کی 8 چوٹیاں فتح کرنے کے علاوہ 1 سال کے دوران 8 ہزار میٹر کی 4 چوٹیاں سر کی ہیں۔ان کے بیٹے ساجد علی سد پارہ کو بھی کے ٹو اور ماوئنٹ ایورسٹ فتح کرنے کا اعزاز حاصل ہے، ساجد علی سد پارہ نے کوہ پیمائی کی تربیت اپنے والد ہی سے حاصل کی ہے۔جان اسنوری کا تعلق آئس لینڈ سے ہے، انہیں کے ٹو سمیت دنیا کی 10 مختلف چوٹیاں سر کرنے کا اعزاز حاصل رہا ہے، جس میں دنیا کی دشوار گزار چوٹیاں بھی شامل ہیں۔جے پی موہر کا تعلق چلی سے ہے اور وہ بھی ایک کہنہ مشق مہم جو سمجھے جاتے ہیں۔وزیرِ اعلیٰ گلگت بلتستان خالد خورشید نے قومی ہیرو علی سدپارہ اور غیر ملکی کوہ پیماؤں کی بحفاظت واپسی کے لیے قوم سے دعا کی اپیل کی ہے۔انہوں نے کہا ہے کہ کے ٹو کی کامیاب مہم جوئی کرنے والی ٹیم کی بحفاظت واپسی کے لیے آپریشن جاری ہے۔پاکستان پیپلز پارٹی کے چیئرمین بلاول بھٹو زرداری کہتے ہیں کہ محمد علی سدپارہ پاکستان کے قابلِ فخر ہیرو ہیں، ان کی تلاش اوّلین ترجیح ہونی چاہیئے۔قومی ہیرو کی تلاش کا عمل کامیاب ہونے کے لیے پوری قوم دعاگو ہے۔

تازہ ترین خبریں

پاکستان دنیا میں چوتھا سب سے زیادہ موٹر سائیکل بنانے والا ملک ہے۔ شہباز گل 

پاکستان دنیا میں چوتھا سب سے زیادہ موٹر سائیکل بنانے والا ملک ہے۔ شہباز گل 

 قومی پرائش کمیٹی کا اجلاس ۔۔۔ وزیر خزانہ شوکت ترین کی جانب سے 20 لاکھ ٹن گندم فوری درآمد کرنے کی ہدایت

قومی پرائش کمیٹی کا اجلاس ۔۔۔ وزیر خزانہ شوکت ترین کی جانب سے 20 لاکھ ٹن گندم فوری درآمد کرنے کی ہدایت

کورونا ایس او پیز کی خلاف ورزیاں ۔۔۔ سندھ پولیس کو کاروائی کا اختیار دے دیا گیا

کورونا ایس او پیز کی خلاف ورزیاں ۔۔۔ سندھ پولیس کو کاروائی کا اختیار دے دیا گیا

افغان سفیر کی بیٹی کے مبینہ اغوا کا معاملہ ۔۔۔۔ افغانستان کی تحقیقاتی ٹیم پاکستان پہنچ گئی 

افغان سفیر کی بیٹی کے مبینہ اغوا کا معاملہ ۔۔۔۔ افغانستان کی تحقیقاتی ٹیم پاکستان پہنچ گئی 

 ہم کشمیر پریمیئر لیگ کو پروموٹ کررہے ہیںبھارت بھی ایسے ہی ایونٹس مقبوضہ کشمیر میں کروائے ان کو کس نےروکاہے۔ شاہ محمود قریشی 

 ہم کشمیر پریمیئر لیگ کو پروموٹ کررہے ہیںبھارت بھی ایسے ہی ایونٹس مقبوضہ کشمیر میں کروائے ان کو کس نےروکاہے۔ شاہ محمود قریشی 

پاکستان مسلم لیگ ن میں بڑوں کی نہیں بچوں کی جنگ چل رہی ہے ۔ شہریار آفریدی 

پاکستان مسلم لیگ ن میں بڑوں کی نہیں بچوں کی جنگ چل رہی ہے ۔ شہریار آفریدی 

 افغانستان میں بڑھتی کشیدگی اور خطے پر پڑنے والے اثرات۔۔۔ پی پی پی نے قومی سلامتی کمیٹی کا اجلاس بلانے کا مطالبہ کرلیا 

 افغانستان میں بڑھتی کشیدگی اور خطے پر پڑنے والے اثرات۔۔۔ پی پی پی نے قومی سلامتی کمیٹی کا اجلاس بلانے کا مطالبہ کرلیا 

عالمی وبا کورونا وبا کے بڑھتے کیسز ۔۔۔۔سندھ میں قیدیوں سے ملنے پر پابندی عائد 

عالمی وبا کورونا وبا کے بڑھتے کیسز ۔۔۔۔سندھ میں قیدیوں سے ملنے پر پابندی عائد 

5لاکھ ووٹوں سے 6 سیٹیں جبکہ  6 لاکھ ووٹوں سے 26 سیٹیں۔۔۔۔  پی ٹی آئی کی ایسی فتح پر کون یقین کرے گا؟ نواز شریف 

5لاکھ ووٹوں سے 6 سیٹیں جبکہ  6 لاکھ ووٹوں سے 26 سیٹیں۔۔۔۔  پی ٹی آئی کی ایسی فتح پر کون یقین کرے گا؟ نواز شریف 

شہنشاہِ غزل مہدی حسن کے بیٹے آصف مہدی طویل علالت کےبعد انتقال کر گئے

شہنشاہِ غزل مہدی حسن کے بیٹے آصف مہدی طویل علالت کےبعد انتقال کر گئے

کراچی میں لاک ڈاون کے اثرات ۔۔۔۔۔  کورونا کے مثبت کیسز کی شرح ایک فیصد گر گئی ہے

کراچی میں لاک ڈاون کے اثرات ۔۔۔۔۔ کورونا کے مثبت کیسز کی شرح ایک فیصد گر گئی ہے

مہنگائی کا ایک اور بم ۔۔۔ سیمنٹ کی بوری کی قیمت میں 10 سے 15 روپے اضافہ کر دیا گیا

مہنگائی کا ایک اور بم ۔۔۔ سیمنٹ کی بوری کی قیمت میں 10 سے 15 روپے اضافہ کر دیا گیا

اسلام سلامتی، امن، رواداری، تحمل، برداشت اور عدم تشدد کا مذہب ہے، وفاقی وزیر اطلاعات چوہدری فواد حسین

اسلام سلامتی، امن، رواداری، تحمل، برداشت اور عدم تشدد کا مذہب ہے، وفاقی وزیر اطلاعات چوہدری فواد حسین

 نریندرمودی کشمیرپریمیئرلیگ سےخوفزدہ ہے۔فرخ حبیب

نریندرمودی کشمیرپریمیئرلیگ سےخوفزدہ ہے۔فرخ حبیب