11:27 am
توقعات کے برعکس پاکستان کو حیرت انگیز پایا: جے پلفری

توقعات کے برعکس پاکستان کو حیرت انگیز پایا: جے پلفری

11:27 am

لاہور(ویب ڈیسک )برطانیہ سے تعلق رکھنے والے نومسلم یوٹیوبر جے جارج ولیم پلفری المعروف جے پلفری کا کہنا ہے کہ انہوں نے پاکستان کو توقعات کے برعکس حیرت انگیز خوبصورتی سے مالا مال پایا ہے۔اسلامی تعلیمات سے متاثر ہو کر دائرہ اسلام میں داخل ہونے والے جے پلفری نے دو ماہ پاکستان میں گزارنے کے بعد یہاں سے رخصت ہوتے ہوئے اپنے تجربات، مشاہدات کا اظہار اپنی ایک سوشل میڈیا پوسٹ میں کیا۔انہوں نے گُڈ بائے پاکستان کا کیپشن دیتے ہوئے دورہ پاکستان
کے دوران کی یادگار تصاویر و ویڈیوز شیئر کیں، جس میں وہ پاکستان کے خوبصورت اور حسین نظاروں سے لطف اندوز ہورہے ہیں اور یہاں کے مقامی لوگوں کے ساتھ گھل مل گئے ہیں۔انہوں نے اپنی سوشل میڈیا پوسٹ میں کہا کہ یہاں (پاکستان میں) حیران کن دو ماہ گزارنے کے بعد میرے رخصت ہونے کا وقت ہوگیا ہے اور میں نے اس ملک کو حیرت انگیز طور پر خوبصورت پایا ہے۔یوٹیوبر نے کہا کہ یہاں کے مقامی لوگ ہوں یا مناظر، موسیقی ہو یا ثقافت سب ہی کچھ باکمال ، شاندار تھا۔انہوں نے اپنے چاہنے والوں کو مشورہ دیا کہ جیسا ہی آپ کا کسی ملک جانے کا پلان بنے پاکستان کا انتخاب ضرور کریں کیونکہ یہ ملک سب کیلئے ہے۔خیال رہے کہ برطانیہ سے تعلق رکھنے والے معروف یوٹیوبر جے جارج ولیم پلفری نے ستمبر 2020 میں دورہ ترکی کے دوران دائرہ اسلام میں داخل ہونے کا فیصلہ کیا۔ انہوں نے اپنے یوٹیوب چینل پر ’میں مسلمان ہوگیا‘ کے عنوان سے ایک ویڈیو بھی شیئر کی جس میں باضابطہ طور پر دائرہ اسلام میں داخل ہونے کا اعلان کیا گیا۔اس سے قبل بھی وہ پاکستان کا مختصر دورہ کر چکے ہیں، جے پلفری کا کہنا تھا کہ گزشتہ ماہ کے آخر میں دورہ پاکستان کے دوران دلکش نظاروں اور پاکستانیوں کی بھرپور مہمان نوازی نے انہیں پاکستان کی محبت میں مبتلا کردیا ہے۔معروف وی لاگر یوٹیوبر جے پلفری نے تین ہفتوں پر مشتمل اسکردو ، ہنزہ اور گلگت بلتستان سمیت پاکستان کے مختلف شہروں کا دورہ کیا تھا۔پاکستانی سیاحت کے فروغ کے لیے یوٹیوبر جے پلفری کی جانب سے ان کے دورہ پاکستان کی کئی ویڈیو سیریز ریلیز کی جاچکی ہیں۔ ویڈیو میں برف سے ڈھکی وادی اسکردو، سیاحوں کی توجہ کا بہترین مرکز اور دنیا کے دوسرے بلند ترین میدان دیوسائی کا نظارہ پیش کیا گیا۔ویڈیو میں شمالی خطے سے لاہور تشریف لانے کے بعد جے پلفری نے بادشاہی مسجد اور فیصل مسجد سمیت مختلف پرکشش مقامات پر مبنی سیریز نشر کی۔اپنی ایک ویڈیو میں یوٹیوبر جے پلفری کا کہنا تھا کہ وہ دنیا کو پاکستان کا اصل امیج دکھانے کی کوشش کررہے ہیں۔نومسلم یوٹیوبر کے مطابق مغرب کے بہت سے لوگمغربی میڈیا کی جانب سے کھینچے گئے پاکستان کے خوفناک خاکے پر یقین رکھتے ہیں کیونکہ وہ پرامن، متحرک اور محبت کرنے والے پاکستان سے متعلق آگاہی نہیں رکھتے۔اپنی دوسری پوسٹ میں جے پلفری کا کہنا تھا کہ میرا نہیں خیال کہ میں کبھی اتنا پرجوش ہوا ہوں، پہلے ہی دن میرا استقبال خوبصورت مسکراہٹوں اور نہایت گرم جوشی سے کیا گیا، میں اس ملک کی تلاش کی جستجو میں مزید چند ہفتوں کا انتظار نہیں کرسکتا۔واضح رہے کہ یہ پہلے وی لاگر نہیں جو پاکستان میں سیاحت کے فروغ کے لیے اپنا کردار ادا کر رہے ہیں بلکہ اس سے قبل متحدہ عرب امارات سے تعلق رکھنے والےمعروف وی لاگر خالد العامری، ٹریول وی لاگر ایوا زوبیک، معروف یوٹیوبر کارل راک، اُن کی اہلیہ اور بھارتی وی لاگر منیشا، لاس اینجلس سے تعلق رکھنے والی ٹریول وی لاگر ایلین تامیر سمیت دیگر بھی پاکستان میں سیاحت کے فروغ کے لیے وی لاگز شیئر کرتے رہے ہیں۔

تازہ ترین خبریں

حکومت کی موثر اقتصادی پالیسیوں کے باعث ملکی معیشت استحکام کی جانب گامزن ہے، شفقت محمود

حکومت کی موثر اقتصادی پالیسیوں کے باعث ملکی معیشت استحکام کی جانب گامزن ہے، شفقت محمود

 حاملہ خواتین بھی کورونا ویکسین لگواسکتی ہیں۔ڈاکٹر فیصل سلطان

حاملہ خواتین بھی کورونا ویکسین لگواسکتی ہیں۔ڈاکٹر فیصل سلطان

انسداد دہشتگردی عدالت نے رکن قومی اسمبلی  علی وزیر پر فرد جرم عائد کردی۔

انسداد دہشتگردی عدالت نے رکن قومی اسمبلی  علی وزیر پر فرد جرم عائد کردی۔

انگلینڈ کا دورہ پاکستان کے انکار پر دکھ ہوا. چئیرمین پی سی بی رمیز راجہ 

انگلینڈ کا دورہ پاکستان کے انکار پر دکھ ہوا. چئیرمین پی سی بی رمیز راجہ 

 ملکی سربراہ کو ملنے والے تحائف ماضی کی طرح غائب نہیں ہوتےبلکہ توشہ خانہ میں جمع کروائے جاتے ہیں۔ شہباز گل

ملکی سربراہ کو ملنے والے تحائف ماضی کی طرح غائب نہیں ہوتےبلکہ توشہ خانہ میں جمع کروائے جاتے ہیں۔ شہباز گل

چہلم امام حسینؓ کے موقع پر موبائل فون سروس بند کرنے کا فیصلہ

چہلم امام حسینؓ کے موقع پر موبائل فون سروس بند کرنے کا فیصلہ

قومی کرکٹ ٹیم  کے کھلاڑی 23 ستمبر سے نیشنل ٹی ٹوئنٹی کپ میں جلوہ گر ہوں گے

قومی کرکٹ ٹیم کے کھلاڑی 23 ستمبر سے نیشنل ٹی ٹوئنٹی کپ میں جلوہ گر ہوں گے

پی ٹی آئی،مسلم لیگ ن اورپاکستان پیپلز پارٹی کاتصادم صرف دکھاوے کی سیاست ہے۔سراج الحق 

پی ٹی آئی،مسلم لیگ ن اورپاکستان پیپلز پارٹی کاتصادم صرف دکھاوے کی سیاست ہے۔سراج الحق 

ڈرائیونگ لائسنس بنوانے والوں کیلئے ایک اور سہولت کا اعلان

ڈرائیونگ لائسنس بنوانے والوں کیلئے ایک اور سہولت کا اعلان

 سواتی صاحب الیکشن کمشنر کس کی گھڑی کس کی چھڑی ہے اس سے ہمیں مطلب نہیں۔ ناصر حسین شاہ

سواتی صاحب الیکشن کمشنر کس کی گھڑی کس کی چھڑی ہے اس سے ہمیں مطلب نہیں۔ ناصر حسین شاہ

ملک کے مختلف شہروں میں تیز بارش ۔۔۔۔ بجلی فراہم کرنے والے متعدد فیڈرز پر فالٹ اور ٹرپنگ جاری

ملک کے مختلف شہروں میں تیز بارش ۔۔۔۔ بجلی فراہم کرنے والے متعدد فیڈرز پر فالٹ اور ٹرپنگ جاری

 اپوزیشن جماعتیں صرف ذاتی مفادات کا تحفظ چاہتی ہیں۔عثمان بزدار

اپوزیشن جماعتیں صرف ذاتی مفادات کا تحفظ چاہتی ہیں۔عثمان بزدار

مریم نواز نے جاتی امرااراضی انتقال منسوخی کیس میں دوبارہ فریق بنانے کی درخواست دائر کردی

مریم نواز نے جاتی امرااراضی انتقال منسوخی کیس میں دوبارہ فریق بنانے کی درخواست دائر کردی

 بی آر ٹی میں سفر کرونا ویکسینیشن سرٹیفکیٹ سے مشروط کر دیا گیا ہے۔

بی آر ٹی میں سفر کرونا ویکسینیشن سرٹیفکیٹ سے مشروط کر دیا گیا ہے۔