12:48 pm
بھارت ہندوازم اور پاکستان سیکولرازم کی راہ پر

بھارت ہندوازم اور پاکستان سیکولرازم کی راہ پر

12:48 pm

انڈیا کی حکمران جماعت بھارتیہ جنتا پارٹی (بی جے پی) نے پیر کو 11 اپریل سے شروع ہونے والے عام انتخابات کے لئے اپنے انتخابی منشور کا اعلان کر دیا جس میں انڈیا کے آئین میں جموں و کشمیر کے متنازعہ خطے جموں کشمیر کی خصوصی آئینی حیثیت (آرٹیکل35اے) کا خاتمہ بھی ہے۔ منشور میں رام مندر کی تعمیر، یکساں سول قوانین، ایودھیا میں رام مندر کی تعمیر، ون نیشن ون الیکشن، قومی سلامتی، سرحدوں کی حفاظت، اقتصادی ترقی، دہشت گردی کے خاتمے اور کسانوں کی فلاح و بہبود سمیت عوام سے75وعدے کیے گئے ہیں۔
 
 انڈیا میں انتخابات اپریل کی 11 تاریخ سے شروع ہوکر مرحلہ وار 19 مئی کو اختتام پذیر ہوں گے۔نریندر مودی کشمیر کی خصوصی حیثیت کو ختم کرنے کی مسلسل وکالت کرتے رہے ہیں۔ انڈین آئین میں دی گئی خصوصی حیثیت  کی شق کے تحت غیر مقامی باشندوں پر جموں و کشمیر میں اراضی خریدنے پر پابندی ہے۔  بی جے پی کے منشور میں کہا گیا ہے کہ ہمارے خیال میں آئین کا آرٹیکل 35 اے ریاست کی ترقی میں رکاوٹ ہے۔انڈیا کی واحد مسلم اکثریتی ریاست کشمیر میں سیاسی لیڈران نے متنبہ کیا ہے کہ اس قانوں میں کوئی بھی تبدیلی ریاست میں بڑے پیمانے پر بے چینی اور انتشار کا سبب بن سکتی ہے۔پاکستان کے ساتھ حالیہ کشیدگی کے بعد مودی نے نیشنل سیکیورٹی کو اپنی جماعت کی انتخابی مہم کا اہم حصہ بنا دیا ہے۔بی جے پی کے منشور میں دوسرا متنازعہ وعدہ الیکشن جیتنے کی صورت میں پورے ملک کے لئے ایک واحد دیوانی قانون کا نفاذ بھی ہے۔ موجودہ آئین کے تحت مختلف مذاہب کے ماننے والوں کا الگ دیوانی قانون ہے، خصوصاً خاندانی اور وراثت کے قوانین کے حوالے سے۔
بی جے پی کا انتخابی منشور منظر عام پر آچکا ہے۔اس منشور کے مطابق بھارت جسے دنیا میں سیکولر اسٹیٹ مانا جاتا تھا، اب ہندو ریاست میں تبدیل کرنے کا ایجنڈا نظر آتا ہے۔اب تک تو یہ کہا جاتا تھا کہ پاکستان مذہب کے نام پروجود میں آیا ہے جبکہ بھارت ایک سیکولر ریاست ہے۔وہاں کے مسلمان سیکولرزم کو غنیمت سمجھتے تھے لیکن اب صورت بدل گئی ہے۔ایک اعتبار سے الٹی گنگا بہہ رہی ہے۔پاکستان اسلام کے نام پر بنا ۔ہم نے پاکستان میں اسلام کو قائم نہیں کیا۔اب جبکہ مودی کے ویژن کے مطابق بھارت ایک ہندو ریاست بنے گا تو وہاں کے مسلمان درجہ دوئم کے شہری شمار ہوں گے۔ستم در ستم یہ ہوا کہ اس حوالے سے آج بھی بھارت کو عالمی آشیرباد حاصل ہے۔
پاکستان کو ہمیں اپنے دین کے مطابق ایک اسلامی ریاست بنانا سیکولر قوتوں کو منظور نہیں تھا۔ہندوستان میں ہندو کو ایک مذہبی ریاست بناکر پیش کرنا اور اس کے مطابق چلنا ساری دنیا کے لئے قابل قبول ہے۔اسی ایجنڈے کا ایک مظہر یہ ہے کہ بابری مسجد کو رام مندر میں تبدیل کرنے کا اعلان کیا گیا ہے۔ساری کڑیاں جڑتی جارہی ہیں۔یہ اعلان دراصل بھارت میں دوسری مساجد کو بھی مندروں میں تبدیل کرنے کی طرف پہلا قدم ہے۔مسلمان اپنے دین سے دور سے دور تر ہورہا ہے اور ہندووں میں اپنے مذہب کی طرف رجحان میں شدت کے ساتھ اضافہ ہورہا ہے۔کشمیر میں مسلمانوں کی نسل کشی کا سلسلہ ایک طویل عرصے سے جاری ہے ۔اب بھارت کے دستور کی دفعہ 35-Aکو ختم کرکے دراصل وہاں کے مسلمانوں کو اقلیت میں تبدیل کرنے کا منصوبہ بروئے کار لایا جارہا ہے۔ساری عالمی قوتیں اپنی آنکھوں کو بند کرکے نہ صرف یہ کہ اس صورتحال کو قبول کررہی ہیں بلکہ بھار ت کے ساتھ بھرپور تعاون کررہی ہیں۔
دوسری جانب امریکی صدر ڈونلڈ ٹرمپ نے ایران کے پاسداران انقلاب تنظیم کو عالمی سطح پر دہشت گرد تنظیم قرار دے دیا ہے۔یہ عالمی قوتوں کے دوہرے معیا ر کا واضح ثبوت ہے۔ہمیں اس کی شدید مذمت کرنی چاہئے۔اسرائیل کو مذہبی ریاست قرار دینے کی ترغیب دی جارہی ہے ۔امریکی صدر کا یہ اعلان ہماری عسکری قوتوں کے لئے ایک وارننگ کی حیثیت رکھتا ہے۔صاف نظر آرہا ہے کہ امریکہ اس خطے میں فوجی قوت بڑھاکر پاکستان اور چین کے خلاف کوئی فیصلہ کن قدم اٹھانا چاہتا ہے۔
گویا ہمارے گرد گھیرا بتدریج کم کیا جارہا ہے۔ہمارے پاس اللہ کا دامن تھامنے کے علاوہ کوئی آپشن نہیں ہے۔علامہ اقبال نے کہا تھا ۔    
فضائے بدر پیدا کر فرشتے تیری نصرت کو    
اترسکتے ہیں گردوں سے قطا ر اندر قطار اب بھی
ہم اللہ اور اس کے دین کے وفادار بن جائیں ،وہ ہماری مدد کے لئے فرشتوں کو بھیجے گا۔اللہ تعالی ہمیں اس انداز سے آگے بڑھنے کی توفیق عطا فرمائے۔ آمین یا رب العالمین۔


 

تازہ ترین خبریں

پی آئی اے، ریلوے،اسٹیل ملزکوئی ادارہ ٹھیک نہیں ،بجٹ میں 3 ہزار 400 ارب روپیہ سود کی ادائیگی پر خرچ کیا گیا۔ سراج الحق

پی آئی اے، ریلوے،اسٹیل ملزکوئی ادارہ ٹھیک نہیں ،بجٹ میں 3 ہزار 400 ارب روپیہ سود کی ادائیگی پر خرچ کیا گیا۔ سراج الحق

وزیراعلیٰ پنجاب کاعشائیہ ۔۔۔کیاجہانگیرترین گروپ شرکت کرے گا؟فیصلہ ہوگیا

وزیراعلیٰ پنجاب کاعشائیہ ۔۔۔کیاجہانگیرترین گروپ شرکت کرے گا؟فیصلہ ہوگیا

اب کرایہ دیں بس کے سفر جتنا، اور سفر کریں ہوائی جہاز پر، پی آئی اے نے کرایوں میں 40 فیصد تک کمی کر دی

اب کرایہ دیں بس کے سفر جتنا، اور سفر کریں ہوائی جہاز پر، پی آئی اے نے کرایوں میں 40 فیصد تک کمی کر دی

ہمیں اپنی ایکسپورٹ میں اضافہ کرنا ہوگا،اگلے مالی سال میں  ایکسپورٹ9سینٹ رہے گی۔مشیر تجارت رزاق داود

ہمیں اپنی ایکسپورٹ میں اضافہ کرنا ہوگا،اگلے مالی سال میں ایکسپورٹ9سینٹ رہے گی۔مشیر تجارت رزاق داود

بارشیں ہی بارشیں ۔۔۔ معمول سے زیادہ گرج برس۔۔ آئندہ کتنے دن کیلئے ہر طرف جل تھل ایک ہونےوالاہے؟۔۔۔

بارشیں ہی بارشیں ۔۔۔ معمول سے زیادہ گرج برس۔۔ آئندہ کتنے دن کیلئے ہر طرف جل تھل ایک ہونےوالاہے؟۔۔۔

اپوزیشن جماعتیں غیرآئینی بجٹ کو سینیٹ سے منظور نہیں ہونے دیں گی۔ یوسف رضا گیلانی

اپوزیشن جماعتیں غیرآئینی بجٹ کو سینیٹ سے منظور نہیں ہونے دیں گی۔ یوسف رضا گیلانی

حکومت کا کام ہے کہ وہ اپنے فلم میکرز کو سپورٹ کرے، اس کے لئے فلم پالیسی لا رہے ہیں،فواد چوہدری

حکومت کا کام ہے کہ وہ اپنے فلم میکرز کو سپورٹ کرے، اس کے لئے فلم پالیسی لا رہے ہیں،فواد چوہدری

 سینیٹر بننے نہیں آیاپاکستان کی اقتصادی حالت درست کرنے آیاہوں۔۔ شوکت ترین

سینیٹر بننے نہیں آیاپاکستان کی اقتصادی حالت درست کرنے آیاہوں۔۔ شوکت ترین

 احساس پروگرام کی قسط 12 ہزار سے بڑھا کر تیرہ ہزار روپے کرنے کا اعلان

احساس پروگرام کی قسط 12 ہزار سے بڑھا کر تیرہ ہزار روپے کرنے کا اعلان

پاکستان سپر لیگ سینز سکس ۔۔۔۔ کوئٹہ گلیڈی ایٹرز کاپشاور زلمی کے خلا ف بلے با زی جا ری

پاکستان سپر لیگ سینز سکس ۔۔۔۔ کوئٹہ گلیڈی ایٹرز کاپشاور زلمی کے خلا ف بلے با زی جا ری

بجٹ میں بڑی گاڑیاں مزید مہنگی ہوں گی

بجٹ میں بڑی گاڑیاں مزید مہنگی ہوں گی

 آزادکشمیرالیکشن،الیکٹورل لسٹ میں گڑبڑکی جارہی ہے،ایسی حرکتوں کوبہت برداشت کرلیااب ایسانہیں ہوگا۔بلاول بھٹو

آزادکشمیرالیکشن،الیکٹورل لسٹ میں گڑبڑکی جارہی ہے،ایسی حرکتوں کوبہت برداشت کرلیااب ایسانہیں ہوگا۔بلاول بھٹو

حج درخواستیں کب وصول کی جائیں گی ۔۔۔تاریخ کااعلان کردیاگیا

حج درخواستیں کب وصول کی جائیں گی ۔۔۔تاریخ کااعلان کردیاگیا

روس امریکا تعلقات میں کشیدگی کے باوجود پیوٹن کی امریکی صدر کو بڑی پیش کش

روس امریکا تعلقات میں کشیدگی کے باوجود پیوٹن کی امریکی صدر کو بڑی پیش کش