12:54 pm
محترمہ بینظیربھٹو عظیم سیاسی لیڈر 

محترمہ بینظیربھٹو عظیم سیاسی لیڈر 

12:54 pm

آج محترمہ بے نظیر بھٹو کی 66ویں سالگرہ منائی جارہی ہے  ۔وہ 21جون 1953ء کوقائدعوام، شہید ذوالفقار علی بھٹوکے ہاں پیدا ہوئیں اور 4جولائی 1974تک یقینا ایک شاندار زندگی گزاری ۔ پہلے کراچی سے تعلیم حاصل کی پھرآکسفورڈ چلی گئیں دوران تعلیم انہوں نے اپنے والد ذوالفقار علی بھٹوکی وزارت عظمیٰ کا دوردیکھا۔ وہ انہیں اپنی جانشین کے طور پر تیار کرنا چاہتے تھے ۔ شملہ مذاکرات کے موقع پر بھٹوصاحب انہیں اپنے ساتھ لے کر گئے ۔ آکسفورڈ میں اپنی تعلیم مکمل کرنے کے بعد 24جون 1977ء کو پاکستان واپس آئیں تو5جولائی 1977ء کو جنرل ضیاء الحق نے حکومت کا تختہ الٹ دیا ۔ بھٹو صاحب کو وزیراعظم ہاؤس سے حراست میں لے لیاگیا۔ اس کے بعد محترمہ بے نظیر بھٹو نے بھٹو صاحب کا پرچم اٹھا کر اپنی جنگ شروع کی ۔ قیدو بند کی صعوبتیں برداشت کیں اور اپنی والدہ نصرت بھٹوکے ہمراہ میدان جنگ میں اتریں اور آمرانہ ہتھکنڈوں کا مقابلہ کرتے ہوئے اپنی جدوجہد جاری رکھی ۔
 

 عوام کے ہجوم کو دیکھ کر جنرل ضیاء الحق نے انتخابات ملتوی کردئیے لیکن محترمہ نے ہمت نہ ہاری اور ضیاء حکومت کے خلاف اپنی جنگ جاری رکھی اور کچھ عرصے کے لئے انہیں جلاوطن ہونا پڑا ۔ بیرون ملک بیٹھ کر پاکستان میں پارٹی کو متحد رکھا جب 10اپریل 1986ء کو لاہور پہنچیں تو ان کا استقبال اتنا بڑا تھا کہ آج تک اس کی مثال دی جاتی ہے ۔ 1988ء میں اسٹیبلشمنٹ کی مخالفت کے باوجود پاکستان کی پہلی خاتون وزیراعظم بنیں لیکن ان کی حکومت کو نہ چلنے دیا گیا اور1990ء میں ان کی حکومت کو ختم کر دیا گیا اور محترمہ پر دباؤ ڈالا گیا کہ وہ سیاست سے ریٹائر ہوجائیں ورنہ انہیں فوجداری مقدمات میں سزا دلواکر جیل بھیج دیا جائے گا لیکن آزمائش کے ان کٹھن لمحات میں محترمہ بے نظیر بھٹو کو اپنے والد کی تمام باتیں یاد آئیں جو انہوں نے جیل میں انہیں سیاست کے اسرارورموز سکھانے کے لئے بتائی تھیں ۔
 1990ء کے انتخابات میں بے نظیر بھٹو کو اندازہ تھا کہ سیاسی مخالفین ان پر قاتلانہ حملہ کرنے کی کوشش کریں گے اس لئے انتخابی مہم کے دوران انہوں نے دوٹوک الفاظ میں عوام کو بتا دیا تھا کہ شہید بابا کا مشن پورا کروں گی چاہے اس کی خاطر میری جان ہی کیوں نہ چلی جائے ۔ 1993ء کے انتخابات جیت کر دوبارہ وزیراعظم منتخب ہوئیں اور عوامی فلاح و بہبود کے لئے کئی منصوبے شروع کئے ۔ محترمہ کا دوسرا دور بھی ملک میں ترقی و خوشحالی کا دور ثابت ہوا۔ ان کی انتھک کوششوں سے وطن کے دفاع کو ناقابل تسخیر بنانے کے لئے جدید میزائل ٹیکنالوجی کی بنیاد رکھی گئی ۔ 
امریکہ کی طرف سے پاکستان کو بلیک لسٹ سے خارج کر دیا گیا ۔ پاکستان اور ہانگ کانگ کے درمیان توانائی کے بارے معاہدوں پر دستخط ہوئے ، اس کے علاوہ فرانس کی طرف سے پاکستان کے توانائی کے مسئلے پر قابو پانے کے لئے ایٹمی بجلی گھر لگانے کی یقین دہانی کرائی گئی ۔6نومبر1996ء کو صدر فاروق احمد لغاری نے محترمہ بے نظیر بھٹو کو ان کے عہدے سے معزول کردیا اور ماضی کی طرح ان پر بے بنیاد الزامات لگائے گئے ۔ 1996ء سے 1999ء تک محترمہ نے اپوزیشن لیڈر کا کردار ادا کیا جب جنرل مشرف نے اقتدار پر قبضہ کیا تو وہ دل برداشتہ ہو کر وطن چھوڑ کر چلی گئیں ۔ اس دوران ان کے شوہر آصف علی زرداری پر  مقدمات بنائے گئے اور انہیں 8سال جیل کی سزا بھگتنی پڑی ۔ 18اکتوبر 2007ء کو 8سال کی جلاوطنی کے بعد محترمہ بے نظیر بھٹو وطن تشریف لائیں تو ان کا والہانہ استقبال کیا گیا ۔ ائیرپورٹ سے مزار قائد کی طرف جاتے ہوئے راستے میں کارساز کے مقام پر دہشت گردوں نے بزدلانہ کارروائی کرتے ہوئے انہیں شہید کرنے کی کوشش کی ۔ اس حادثے میں 150سے زائد کارکنان شہید ہوئے اور سینکڑوں زخمی ہوئے لیکن محترمہ نے اتنے بڑے حادثے کے باوجود ہمت نہ ہاری اور عوام کا ساتھ نہیں چھوڑا کیونکہ انہیں اپنی جان سے زیادہ پاکستان اور پاکستان کی عوام کی فکر تھی ۔
 سانحہ کارساز کے بعد ان کا کہنا تھا کہ ’’بھٹو خاندان نے پاکستان کے محکوم عوام کو کبھی تنہا نہیں چھوڑا اور اس مرحلے پر جب ملک دشمنوںاور وحشیوں کی پناہ بن چکا تھا اور اس ملک کے آنگن میںضیاء الحق کی بوئی ہوئی فصلیں تن آور بن چکی ہیںاور دروبام تک سرایت کر چکی ہیں وہ نہ عوام کا ساتھ چھوڑیں گی نہ ملک سے فرار ہو ں گی‘‘۔محترمہ بے نظیر بھٹو  نے دہشت گردوںکے خوف سے عوام کے ساتھ رابطہ ختم کرنے سے انکار کر دیا اور ہمیشہ عوام ہی کو مقدم رکھا اور عوام ہی بے نظیر بھٹو کی سیاست کامرکز ومحور رہے۔
بالآخر 27دسمبر 2007ء کو راولپنڈی میں انتخابی جلسے سے خطاب کے بعد عوام کے نعروں کا جواب دیتے ہوئے عوام کے ساتھ ہی لہو میں تر ہو کر پاکستان پر قربان ہوگئیں ۔ بلا شبہ محترمہ ایک باصلاحیت اور محب وطن سیاستدان تھیں جن کی قربانی کو تاریخ میں ہمیشہ یاد رکھا جائیگا ۔ محترمہ وہ وزیراعظم تھیں جنہوں نے اپنی صلاحیتوں کے بل بو تے پر دنیا کے بڑے بڑے ممالک سے روابط قائم کئے ۔ دنیا کا کوئی ایسا معروف حکمران نہ ہوگا جو محترمہ کو نہ جانتا ہو اور ان کی قابلیت وصلاحیت کا قائل نہ ہو۔ اس قدر شہرت ، عزت و بلند مقام قسمت والوں کو ملتا ہے اوربینظیر بھٹو جیسی عظیم قائد صدیوں بعد پیدا ہوتی ہے ۔ 

تازہ ترین خبریں

نئے مون سون سسٹم کی پاکستان میں دھماکے دار انٹری۔۔ کراچی سے خیبر تک بارشیں ہی بارشیں ؟محکمہ موسمیات نے الرٹ جاری کردیا 

نئے مون سون سسٹم کی پاکستان میں دھماکے دار انٹری۔۔ کراچی سے خیبر تک بارشیں ہی بارشیں ؟محکمہ موسمیات نے الرٹ جاری کردیا 

بچوں کے مستقبل سے کھلواڑ۔۔پاکستان کی بڑی سرکاری یونیورسٹی نے جعلی ڈگریاں جاری کردیں، گندے دھندے میں کون کون ملوث ہے؟والدین اور طلبا یہ ضرور

بچوں کے مستقبل سے کھلواڑ۔۔پاکستان کی بڑی سرکاری یونیورسٹی نے جعلی ڈگریاں جاری کردیں، گندے دھندے میں کون کون ملوث ہے؟والدین اور طلبا یہ ضرور

ہمیں دور دراز علاقوں میں پٹرول پمپ کی فراہمی  کو یقینی بنانا چاہیے۔عارف علوی

ہمیں دور دراز علاقوں میں پٹرول پمپ کی فراہمی کو یقینی بنانا چاہیے۔عارف علوی

 ماسک صحیح طریقے سے نہ پہننے کامعاملہ ۔۔۔ پاکستانی نژاد برطانوی باکسر عامر خان کو امریکی ائیرلائن  اتاردیاگیا 

 ماسک صحیح طریقے سے نہ پہننے کامعاملہ ۔۔۔ پاکستانی نژاد برطانوی باکسر عامر خان کو امریکی ائیرلائن  اتاردیاگیا 

ویلکم ۔۔خوش آمدید۔۔ڈاکٹر ذاکر نائیک کب پاکستان آ رہے ہیں۔۔؟ دشمنوں کی نیندیں حرام کردینےوالی خبر

ویلکم ۔۔خوش آمدید۔۔ڈاکٹر ذاکر نائیک کب پاکستان آ رہے ہیں۔۔؟ دشمنوں کی نیندیں حرام کردینےوالی خبر

ظلم کی انتہائی ، بااثرملزمان نے لڑکی کا نازک اعضا کات دیا، افسوسناک واقعہ پاکستان کے کون سے شہر میں پیش آیا؟جانیے

ظلم کی انتہائی ، بااثرملزمان نے لڑکی کا نازک اعضا کات دیا، افسوسناک واقعہ پاکستان کے کون سے شہر میں پیش آیا؟جانیے

شہباز شریف اور بلاول بھٹو ٹھپہ مافیا کے ساتھ رہنا چاہتے ہیں، فرخ حبیب

شہباز شریف اور بلاول بھٹو ٹھپہ مافیا کے ساتھ رہنا چاہتے ہیں، فرخ حبیب

 سندھ میں کورونا ویکسینیشن نہ کروانے والوں کو گرفتار کرنے کا فیصلہ

سندھ میں کورونا ویکسینیشن نہ کروانے والوں کو گرفتار کرنے کا فیصلہ

 لاہور  ایئرپورٹ سے اڑان بھرنے والے جہاز پر نا معلوم شخص کی جانب سے  لیزر لائٹ  مارنے کا واقعہ،  مقدمہ درج

لاہور ایئرپورٹ سے اڑان بھرنے والے جہاز پر نا معلوم شخص کی جانب سے لیزر لائٹ مارنے کا واقعہ، مقدمہ درج

صوابی یونیورسٹی سے جعلی ڈگریاں جاری ہونے کا انکشاف،یونیورسٹی کے چار اہلکاروں کے ملوث ہونے کی تصدیق

صوابی یونیورسٹی سے جعلی ڈگریاں جاری ہونے کا انکشاف،یونیورسٹی کے چار اہلکاروں کے ملوث ہونے کی تصدیق

خیبر پختونخوامیں کل شام سے بارشوں اور تیز ہواؤں کا نیاسلسلہ شروع ہونے کاامکان

خیبر پختونخوامیں کل شام سے بارشوں اور تیز ہواؤں کا نیاسلسلہ شروع ہونے کاامکان

تحریک انصاف سے لوٹے اور آزاد امیدوار نکا ل دیں توباقی کون بچتاہے؟عظمیٰ بخاری نے ایسی بات کہہ دی جس سے کھلاڑی غصے سے آگ بگولہ ہوگئے

تحریک انصاف سے لوٹے اور آزاد امیدوار نکا ل دیں توباقی کون بچتاہے؟عظمیٰ بخاری نے ایسی بات کہہ دی جس سے کھلاڑی غصے سے آگ بگولہ ہوگئے

 مسلم لیگ (ن) نے  الیکشن کمیشن سے وفاقی وزراء کو سزا دینے کا مطالبہ کر دیا

مسلم لیگ (ن) نے الیکشن کمیشن سے وفاقی وزراء کو سزا دینے کا مطالبہ کر دیا

 انتخابات میں الیکٹرونک ووٹنگ مشین کا استعمال ناگزیر ہے کوئی ‏بھی الیکشن ہوں دھاندلی کےالزامات لگائےجاتےہیں۔سینیٹر فیصل جاوید 

 انتخابات میں الیکٹرونک ووٹنگ مشین کا استعمال ناگزیر ہے کوئی ‏بھی الیکشن ہوں دھاندلی کےالزامات لگائےجاتےہیں۔سینیٹر فیصل جاوید