02:07 pm
دستور پاکستان کی اسلامی دفعات کے بارے میں مبینہ خدشات

دستور پاکستان کی اسلامی دفعات کے بارے میں مبینہ خدشات

02:07 pm

مجلس ارشاد المسلمین لاہور اصحابِ فکر و نظر کی پرانی تنظیم ہے جو وقتاً فوقتاً علمی و فکری مسائل پر باہمی تبادلہ خیالات کے لیے نشستوں کا اہتمام کرتی رہتی ہے۔ 25 اگست کو جامع مسجد گجومتہ لاہور میں دستور پاکستان کی اسلامی دفعات کے حوالہ سے درپیش خطرات و خدشات کے موضوع پر ایک نشست امیر مجلس مولانا حافظ عبد الوحید اشرفی کی صدارت میں منعقد ہوئی جس میں کچھ معروضات پیش کرنے کا موقع ملا، ان کا خلاصہ نذر قارئین ہے۔ 
 
 آج کی نشست کا موضوع گفتگو دستور پاکستان کی اسلامی دفعات کو درپیش خطرات و خدشات ہے اور مجھ سے قبل متعدد اصحابِ دانش نے اس کے مختلف پہلوئوں پر اظہار خیال کیا ہے۔ پہلی بات یہ ہے کہ یہ خدشات و خطرات کیسے سامنے آئے ہیں اور کیوں محسوس کیے جا رہے ہیں؟ 
قادیانی سربراہ مرزا مسرور احمد کا ایک ویڈیو کلپ ان دنوں سوشل میڈیا پر مسلسل گردش کر رہا ہے جس میں ان سے پوچھا گیا ہے کہ پاکستان میں حالات کی مبینہ تبدیلی کے تناظر میں کیا یہ توقع ہے کہ قادیانیوں کا مرکز پاکستان میں واپس چلا جائے گا؟ اس کے جواب میں انہوں نے دو باتیں کہی ہیں۔ ایک یہ کہ ہمارا اصل مرکز تو قادیان ہے اور دوسری بات یہ کہ پاکستان میں ہمارا مرکز واپس جائے یا نہ جائے مگر پاکستان کا دستور ضرور تبدیل ہوگا۔ یہ کسی سیاسی مبصر کی قیاس آرائی نہیں ہے بلکہ اس گروہ کے سربراہ کی پیش گوئی ہے جو گزشتہ چار عشروں سے پاکستان کے دستور کو تسلیم کرنے سے انکاری ہے اور تین عشروں سے اس دستور کے خلاف عالمی سطح پر محاذ آرائی جاری رکھے ہوئے ہے، اس لیے اسے نظر انداز نہیں کیا جا سکتا۔ 
دوسری بات یہ ہے کہ اقوام متحدہ کی جنرل اسمبلی کے ایجنڈے میں اس وقت قادیانیوں کے بارے میں پاکستان کے داخلی قوانین کا مسئلہ شامل ہے اور یہ تجویز بھی اس سلسلہ کی سفارشات میں موجود ہے کہ پاکستان کو قادیانیوں کے بارے میں قوانین ری سیٹ کرنے کے لیے کہا جائے۔ چونکہ پاکستان میں قادیانیوں سے متعلقہ قوانین کا براہ راست دستوری دفعات سے تعلق ہے اس لیے اگر خدانخواستہ ان میں کسی قسم کے ردوبدل کی نوبت آئی تو اس سے نہ صرف دستور پاکستان کی موجودہ حیثیت متاثر ہوگی بلکہ اس کی نظریاتی بنیاد کا بھی ازسرنو تعین کرنا ہوگا۔
تیسرا پہلو یہ ہے کہ ایک عرصہ سے مختلف اصحاب دانش بلکہ بعض مقتدر شخصیات کی طرف سے بھی نیا بیانیہ اور قومی بیانیہ کے عنوان سے تجاویز سامنے آرہی ہیں جبکہ کسی بھی ملک و قوم کا قومی بیانیہ اس کا دستور ہوتا ہے اس لیے دستور کی موجودگی میں اور اس پر عملدرآمد پر مختلف اداروں کے سنجیدہ نہ ہونے کی فضا میں نئے قومی بیانیہ کی بات خطرے سے خالی دکھائی نہیں دیتی، اور اس قسم کی باتیں سامنے آنے پر خود دستور مجسم سوالیہ نشان بن کر رہ جاتا ہے جیسے پوچھ رہا ہو کہ بھئی!  میرا کیا بنے گا؟ 
ہم اس سے قبل ایک تجربہ سے گزر چکے ہیں کہ پاکستان بننے کے نو سال بعد ہمیں پہلا دستور 1956 میں میسر آیا جس میں ملک کو اسلامی جمہوریہ پاکستان کا نام دیا گیا تھا اور اس میں نفاذ اسلام کی بات کی گئی تھی، وہ دستور صرف دو سال چل سکا اور 1958 میں مارشل لا کے ذریعے اسے ختم کر دیا گیا ۔ اس کی جگہ 1962 میں جو پہلا عبوری آئین نافذ ہوا اس میں ملک کے نام سے اسلامی کا حصہ ختم کر کے اسے صرف جمہوریہ پاکستان کا عنوان دیا گیا، مگر پرزور عوامی احتجاج پر اس تبدیلی کو واپس لیا گیا۔ اس کے بعد 1962 ء کا باضابطہ دستور آیا جو ایک نیم سیکولر دستور تھا اور اس میں ملک کا حکومتی نظام پارلیمانی کی بجائے صدارتی کر دیا گیا تھا، مگر یہ دستور بھی ایک عشرہ سے زیادہ نہ چل سکا اور ایک اور مارشل لا کی نذر ہوگیا، مگر اس تلخ تجربہ کے بعد ہم پاکستان کو متحد نہ رکھ سکے اور ملک دو حصوں میں بٹ گیا۔ اس کے بعد 1973 میں نئے پاکستان کی دستور ساز اسمبلی نے متفقہ دستور منظور کیا جسے اب تک ایک اسلامی اور جمہوری ریاست کے دستور کے طور پر پوری قوم کا اتفاق و اعتماد حاصل ہے، البتہ اس پر عملدرآمد کی صورتحال یہ ہے کہ قومی زندگی کے مختلف شعبوں میں نہ اسلام ایک نظام کی صورت میں دکھائی دے رہا ہے اور نہ ہی غیر جمہوری قوتوں کی مداخلت سے جمہوریت آزادی حاصل کر پائی ہے۔ 
اس پس منظر میں جب نئے قومی بیانیہ کی بات سننے یا پڑھنے میں آتی ہے تو سابقہ دستوری تجربات کے تلخ نتائج کے باعث ڈر لگنے لگتا ہے کہ خدا جانے اب کیا ہونے جا رہا ہے؟ اس لیے دستور کی اسلامی دفعات کے تحفظ کی بات کرنا ایک اہم دینی و قومی تقاضہ ہے لیکن تاریخ و سیاست کے ایک طالب علم کے طور پر مجھے خود دستور پاکستان کی طرف خدانخواستہ خدشات کی دھند بڑھتی دکھائی دے رہی ہے، اللہ تعالیٰ ہمارے حال پر رحم فرمائے، آمین یا رب العالمین۔ 
اس کے ساتھ میں دستور پاکستان کی تین اسلامی دفعات کا بطور خاص ذکر کرنا چاہوں گا جو اس وقت سب سے زیادہ نشانے پر ہیں اور جنہیں تبدیل کرنے کے لیے عالمی سطح پر اور ملک کے اندر بھی کوششیں جاری ہیں۔ پہلی چیز تو قرارداد مقاصد ہے جو پاکستان کی اسلامی اور نظریاتی شناخت کی علامت اور اساس ہے، جبکہ بعض حلقوں کی شدید خواہش ہے کہ اگر اسے ختم نہیں کیا جا سکتا تو کم از کم ملک کے نظام و قانون پر اثر انداز ہونے کے قابل نہ رہنے دیا جائے۔ دوسرا حصہ عقیدہ ختم نبوت کے تحفظ کی دستوری اور قانونی دفعات پر مشتمل ہے جو ہمارے عقیدہ و ایمان کی اساس ہیں اور اس وقت تبدیلی کے لیے سب سے زیادہ زور انہی پر دکھائی دیتا ہے۔ تیسرے نمبر پر ناموس رسالتﷺ کے تحفظ کا قانون ہے جو ہمارے عقیدہ و ایمان اور ملی حمیت و غیرت سے تعلق رکھتا ہے۔ 
ان حوالوں سے خدشات اب خطرات میں بدلتے جا رہے ہیں جبکہ ہمارے پاس اصل قوت قوم کے ایمانی جذبات کی ہے جس کی بدولت اب تک ایسی کوئی کوشش کامیاب نہیں ہونے پائی، البتہ ہمیں اس صورتحال کو برقرار رکھنے کے لیے رائے عامہ کو بیدار و منظم رکھنے ، دینی قوتوں میں وحدت و یکجہتی کے فروغ ، پالیسی ساز اداروں کے دیندار افراد تک رسائی اور انہیں متوجہ کرنے کے لیے مسلسل سکردار ادا کرنا ہوگا اور اس کے ساتھ عالمی سطح پر متعلقہ بین الاقوامی اداروں میں لابنگ کے لیے بہرحال کوئی نہ کوئی صورت ضرور نکالنا ہوگی۔ ان مقاصد کے لیے ہر طبقہ کے باشعور حضرات کو متحرک ہونا چاہیے اور ہر مسلمان کو اس جدوجہد میں اپنی شرکت کے مواقع تلاش کر کے اس میں عملاً شریک ہونا چاہیے، اللہ تعالیٰ ہم سب کو اس کی توفیق سے نوازے، آمین یا رب العالمین۔

تازہ ترین خبریں

مہنگائی پی ٹی آئی حکومت کو لے ڈوبی، وزیراعظم عمران خان کو عہدے سے ہٹانے کا بندوبست کر لیا گیا

مہنگائی پی ٹی آئی حکومت کو لے ڈوبی، وزیراعظم عمران خان کو عہدے سے ہٹانے کا بندوبست کر لیا گیا

پیٹرول کی قیمتوں میں 20روپے تک کمی کی خوشخبری سنا دی گئی

پیٹرول کی قیمتوں میں 20روپے تک کمی کی خوشخبری سنا دی گئی

عالمی منڈی میں تیل قیمتوں میں اضافے کے بعد مسلسل چوتھی بار پیٹرول کی قیمت میں اضافہ کر نا پڑ گیا،پریشان کن خبر آگئی

عالمی منڈی میں تیل قیمتوں میں اضافے کے بعد مسلسل چوتھی بار پیٹرول کی قیمت میں اضافہ کر نا پڑ گیا،پریشان کن خبر آگئی

خاتون اول بشریٰ بی بی کی صاحبزادی کا نکاح کس ملک میں ہو گیا، دولہا کون ہے؟ تصاویر بھی لیک ہو گئیں

خاتون اول بشریٰ بی بی کی صاحبزادی کا نکاح کس ملک میں ہو گیا، دولہا کون ہے؟ تصاویر بھی لیک ہو گئیں

شدید سردی کی پہلی لہر آگئی ، ملک بھر کے کن کن شہروں میں بارش کا امکان ہے؟ محکمہ موسمیات کی ٹھنڈی ٹھنڈی پیشنگوئی آگئی

شدید سردی کی پہلی لہر آگئی ، ملک بھر کے کن کن شہروں میں بارش کا امکان ہے؟ محکمہ موسمیات کی ٹھنڈی ٹھنڈی پیشنگوئی آگئی

پاک بھارت ٹاکرا ، وزیر اعظم پاکستان بھی پر جوش ، عمران خان نے اہم اعلان کر دیا

پاک بھارت ٹاکرا ، وزیر اعظم پاکستان بھی پر جوش ، عمران خان نے اہم اعلان کر دیا

ماہرین کی لرزہ خیز پیشن گوئی ، پاکستان میں زلزلے سے کس بڑ ے شہر کے 2ٹکڑے اور پاکستان کے کئی شہر صفحہ ہستی سے مٹ جائیں گے؟ جانیں 

ماہرین کی لرزہ خیز پیشن گوئی ، پاکستان میں زلزلے سے کس بڑ ے شہر کے 2ٹکڑے اور پاکستان کے کئی شہر صفحہ ہستی سے مٹ جائیں گے؟ جانیں 

ڈی جی آئی ایس آئی کی وزیراعظم کے ہمراہ سعودی عرب روانگی کی اطلاعات، حہقیقت منظر عام پر

ڈی جی آئی ایس آئی کی وزیراعظم کے ہمراہ سعودی عرب روانگی کی اطلاعات، حہقیقت منظر عام پر

مہوش حیات کا وزیر اعظم عمران خان بارے حیران کن بیان ، عوام سے کیا درخواست کر دی ؟ 

مہوش حیات کا وزیر اعظم عمران خان بارے حیران کن بیان ، عوام سے کیا درخواست کر دی ؟ 

ایک بار پھر شدید بارش اور ژالہ باری ۔۔ پاکستان کے کون کون سے شہر جل تھل ایک ہو رہے ہیں ؟ جانیے تفصیل

ایک بار پھر شدید بارش اور ژالہ باری ۔۔ پاکستان کے کون کون سے شہر جل تھل ایک ہو رہے ہیں ؟ جانیے تفصیل

یا اللہ خیر ! پولیس کے 30ہزار جوان اسلام آباد طلب کر لیے گئے ، کیا ہونے والا ہے ؟ جانیں 

یا اللہ خیر ! پولیس کے 30ہزار جوان اسلام آباد طلب کر لیے گئے ، کیا ہونے والا ہے ؟ جانیں 

اللہ پاک کی قدرت ، چھپکلی اپنی دم خود کیوں توڑ دیتی ہے؟ حیران کن وجہ

اللہ پاک کی قدرت ، چھپکلی اپنی دم خود کیوں توڑ دیتی ہے؟ حیران کن وجہ

دودھ کی قیت میں دس، بیس یا تیس نہیں بلکہ اکٹھے کتنے روپے اضافہ کیا جا رہا ہے ؟ پاکستانی جان لیں 

دودھ کی قیت میں دس، بیس یا تیس نہیں بلکہ اکٹھے کتنے روپے اضافہ کیا جا رہا ہے ؟ پاکستانی جان لیں 

پٹرول کی قیمت میں 20 روپے کمی کر دی گئی مگر اصل قیمت سے 20 روپے کم پٹرول صرف کن پاکستانیوں کو مل سکے گا ؟ جانیں 

پٹرول کی قیمت میں 20 روپے کمی کر دی گئی مگر اصل قیمت سے 20 روپے کم پٹرول صرف کن پاکستانیوں کو مل سکے گا ؟ جانیں