12:53 pm
 عبداللہ عبداللہ کا افغانستان اور طالبان

 عبداللہ عبداللہ کا افغانستان اور طالبان

12:53 pm

 عبداللہ عبداللہ‘ ایک افغانستانی اہم کردار‘ پچھلے دنوں اسلام آباد میں تھے۔ وہ صدر عارف علوی‘ وزیراعظم عمران خان‘ وزیر خارجہ شاہ محمود قریشی‘ چیئرمین سینٹ صادق سنجرانی‘ آرمی چیف جنرل باجوہ سے ملاقاتیں کرتے رہے۔ اسلام آباد میں انہیں مفاہمت پیدا کرتے کردار کے طورپر بھی دیکھا گیا۔ ماضی بعید میں عبداللہ عبداللہ پاکستانی مخالف موقف بھی اپناتے رہے تھے۔ مگر اسلام آباد میں موجود فیصلہ ساز تدبر و فراست نے افغانستان کے حوالے سے کبھی خود غرضی‘ اناپرستی‘ مطلب پرستی کا راستہ نہیں اپنایا‘ تازہ منظر میں افغانستان کے لئے ویزوں کا حصول بھی کافی آسان بنا دیاگیا ہے۔ یہ بات اسپیکر قومی اسمبلی اسد قیصر نے بتائی ہے۔ کیا عبداللہ عبداللہ خود کو ماضی بعید کے متنازعہ کردار سے بلند تر عملاً ثابت کر سکیں گے؟ اگر وہ ایسا کر سکے تو پاکستان کی افغانستان میں امن و سلامتی لانے کی کوششوں میں ’’برکت‘‘ ہوگی۔ پاکستان سے یہ توقع رکھنا‘ امید کرنا کہ وہ صرف طالبان پر شدید دبائو ڈالے کہ وہی ہر حال میں‘ غیر مشروط طور پر ہتھیار رکھ دیں‘ صدر اشرف غنی اور عبداللہ عبداللہ کی حکومت کو تسلیم کرلیں۔ یہ سوچ تو بہت ہی سادہ لوحی ہے۔ طالبان ماضی بعید کی افغان حکومت کا نام ہے۔ انہوں نے ہی امریکی  وناٹو افواج کے سامنے استقامت‘ صبر‘ عزیمت پیش کی ہے‘ ویسے بھی ملا عمر کا عہد اقتدار‘ کچھ جزوی غلط باتوں کے سوا اکثر پرامن اقتدار کا عرصہ تھا جس میں افیون کی کاشت کو بہت کم کیا گیا‘ افیون سے نشہ آور مواد کی تیاری کو کچل دیا گیا۔ مگر جونہی طالبان کی حکومت ختم کی گئی۔ اقتدار صدر کرزئی اور امریکی جنرلز کے پاس آیا تو پھر سے معدوم ہوچکی ہیروئن کی تیاری‘ نشہ آور مواد کی تیاری‘ فراوانی سے دیکھی گئی۔ ایسے محسوس ہوتا رہتا تھا کہ صدر کرزئی اور امریکی جنرلز مل کر افغانستان کی سرزمین کو ’’خیر‘‘ سے زیادہ ’’شر‘‘ کی سرزمین میں تبدیل کرنا چاہتے  ہیں۔ صدر کرزئی کے  بھائی پر الزام لگتے رہے کہ وہ نشہ مافیاء سے قرب رکھتے ہیں۔
افغانستان اور پاکستان لازم و ملزوم ہیں۔ برصغیر اور افغان سرزمین کا گہرا تعلق اس وقت سے موجود ہے۔ جب موجودہ افغانستان نہیں تھا بلکہ یہ علاقہ خراسان کہلاتا تھا۔ برصغیر میں جو ترک مغل آئے‘ محمود غزنوی آئے اور جو جو صوفیائے کرام آئے‘ خواہ وہ نقشبندی ہوں‘ چشتی ہوں‘ سہروردی ہوں‘ یہ سب مسلمان فاتحین دین و دنیا افغانستان ہی سے برصغیر میں آتے رہے ہیں۔ امیر تیمور ہوں‘ بابر ہوں‘ غلامان سربراہان ہوں‘ غرضیکہ برصغیر  کے ساتھ خراسان یا افغانستان کا تعلق تو بہت گہرا رہا ہے۔ اگر افغانستان میں امن نہیں ہوگا تو برصغیر میں بھی امن نہیں ہوگا نہ ہی پاکستان میں‘ علامہ اقبالؒ  کو افغانستان سے شدید محبت رہی۔ ان کی شاعری میں افغانوں کے لئے شدید محبت‘ پیار موجود ہے اور بہت سی نصیحتیں بھی موجود ہیں جن میں آپس کا اتفاق بہت اہم نصیحت ہے۔
امریکی افواج‘ ناٹو حمایتیوں کے ساتھ بے پناہ تبانی مچانے‘ اخراجات کرنے کے باوجود سادہ لوح عام سے مسلمان افغانیوں کو شکست نہیں دے سکی تو عبداللہ عبداللہ کو چاہیے کہ وہ صدر اشرف غنی کو سمجھائیں کہ افغانستان میں مفاہمت کی منزل پانے کے لئے طالبان کو شرکت اقتدار کریں۔ عملاً جب تک طالبان شریک اقتدار نہیں ہوتے تب تک افغانستان میں امن کا حصول ناممکن رہے گا۔ طالبان نے بہت اچھا کیا کہ ماضی بعید کا القاعدہ سے تعلق اپنے ہاتھوں سے ختم کر دیا۔ اب داعش کو کچھ امریکی‘ کچھ بھارتی جنگ و جدل میں استعمال کر رہے ہیں تاکہ افغانستان غیر مستحکم رہے اور غیر مستحکم افغانستان  پاکستان کو غیر مستحکم کرنے کا راستہ بنانا ہے۔ کیا امریکی بھی سوویت یونین آف رشیاء کی طرح اچانک‘ افغانی اقوام میں معاہدہ کروائے بغیر اپنی افواج کو نکالیں گے؟ سوویت یونین آف رشیاء نے جو ظلم کیا تھا کیا امریکہ بھی یہی ظلم کریں گے؟
عبداللہ عبداللہ‘ کیا بھارتی اہداف اور مقاصد افغانستان کی سرزمین سے معدوم رکھتے ہیں جو بھارت پاکستان کے خلاف ماضی بعید سے رکھتا رہا ہے؟ افغانستان کے تاجک ازبک ہوں‘ افغانی ہوں‘ ہزارہ ہوں‘ یا دوسرے قبائل‘ انہیں ہمیشہ افغانستان میں رہنا ہے۔ اگر وہ مل جل کر مفاہمت کے ساتھ افغانستان میں امن کے خواہش مند نہیں بنیں گے تو ان کی اگلی نسلیں انہیں ہدف تنقید بناتی رہیں گی۔ اپنی اگلی نسلوں کے لئے ’’خیر‘‘ تلاش کرنا تب ہی ممکن ہوگا جب طالبان بھی ماضی بعید کے شمالی اتحاد والوں سے مفاہمت کا راستہ اپنائیں گے۔ درگزر اورعفو کے قرآنی احکامات پر عمل پیرا ہونگے۔  طالبان کو بھی معاصر دنیا کے تقاضوں‘ مطالبوں پر ہمدردانہ غور کرنا چاہیے کہ دنیا ان سے کیا تواقع رکھتی ہے؟
افغانستان کی تاریخ بتاتی ہے کہ جب بیرون ملک سے ان پر یلغار اور حملہ ہوتا رہا ہے۔ خواہ یہ برطانیہ عظمیٰ کا تھا‘ خواہ یہ سوویت یونین آف رشیاء کا حملہ تھا‘ خواہ امریکہ اور ناٹو افواج کا تھا‘ تو حملہ آوروں کو ہمیشہ ناکامی ہوئی۔ افغان سرزمین کبھی مفتوح نہیں بنی‘ مگر یہ بھی تلخ تاریخ ہے کہ جونہی بیرونی قوتیں شکست سے دوچار ہوکر  واپس جاتی  ہیں تو افغانستان میں بستی اقوام  اور قبائل آپس میں طویل جنگوں میں مشغول ہو جاتے ہیں۔ یوں پڑوسی ممالک‘ پاکستان و ایران بھی‘ شدید متاثر ہوتے ہیں۔ بہرحال ہمیں امید رکھنی چاہیے کہ عبداللہ عبداللہ کا قیام اسلام آباد افغانستان میں قیام امن کے حوالے سے دوررس اور مفید نتائج پیدا کرے گا۔ انشاء اللہ۔

 

تازہ ترین خبریں

ایئرپورٹ پر آتشزدگی، پی آئی اے کا طیارہ۔۔۔ملتان سے انتہائی افسوسناک خبرآگئی

ایئرپورٹ پر آتشزدگی، پی آئی اے کا طیارہ۔۔۔ملتان سے انتہائی افسوسناک خبرآگئی

سدھو موسے والا کے بعد ایک اور گلوکار پر قاتلانہ حملہ، ہسپتال منتقل

سدھو موسے والا کے بعد ایک اور گلوکار پر قاتلانہ حملہ، ہسپتال منتقل

اسحاق ڈار واقعی جادوگر ثابت ہونے لگے ، ڈالر کی قیمت 200سے بھی کم ۔۔ ! عقل کو دنگ کر دینے والی خبر آگئی

اسحاق ڈار واقعی جادوگر ثابت ہونے لگے ، ڈالر کی قیمت 200سے بھی کم ۔۔ ! عقل کو دنگ کر دینے والی خبر آگئی

ایک اورخطرناک آڈیو لیک ہوگئی ،اہم ترین سیاسی رہنماء کی دہشتگردوں کومالی تعاون کی یقین دہانی

ایک اورخطرناک آڈیو لیک ہوگئی ،اہم ترین سیاسی رہنماء کی دہشتگردوں کومالی تعاون کی یقین دہانی

آخرکار وہ گھڑی آہی گئی جس کاسب کوانتظار تھا،سابق وزیراعظم عمران خان آخری کال کب دیں گے ،بتادیا

آخرکار وہ گھڑی آہی گئی جس کاسب کوانتظار تھا،سابق وزیراعظم عمران خان آخری کال کب دیں گے ،بتادیا

طاقت ور حلقوں سے مذاکرات کے دوران بات باہر نہیں کرنی چاہیے،عمران خان  کا طاقت ورحلقوں سے مذاکرات کا اعتراف

طاقت ور حلقوں سے مذاکرات کے دوران بات باہر نہیں کرنی چاہیے،عمران خان کا طاقت ورحلقوں سے مذاکرات کا اعتراف

وہ بلوچ خاتون جس نے صوبے کی عورتوں کو تحصیلدار اور نائب تحصیلدار بننے کا حق دلوایا

وہ بلوچ خاتون جس نے صوبے کی عورتوں کو تحصیلدار اور نائب تحصیلدار بننے کا حق دلوایا

والدین کی بیٹے کی خواہش تھی جو پوری ہوگئی ۔۔ایسا انوکھا واقعہ جب ایک لڑکی لڑکا بن گئی، مکمل واقعہ جان کرآپ حیران رہ جائیں گے

والدین کی بیٹے کی خواہش تھی جو پوری ہوگئی ۔۔ایسا انوکھا واقعہ جب ایک لڑکی لڑکا بن گئی، مکمل واقعہ جان کرآپ حیران رہ جائیں گے

’’سر منڈواتے ہی اولےپڑ گئے ‘‘ عمران خان اور شیخ رشید کو نوٹسز جاری

’’سر منڈواتے ہی اولےپڑ گئے ‘‘ عمران خان اور شیخ رشید کو نوٹسز جاری

سوناایک مرتبہ پھرسستا۔۔۔فی تولہ قیمت میں کتنی کمی ہوگئی ،شادی کے خواہشمندافرادکےلیے خوشی کی خبرآگئی

سوناایک مرتبہ پھرسستا۔۔۔فی تولہ قیمت میں کتنی کمی ہوگئی ،شادی کے خواہشمندافرادکےلیے خوشی کی خبرآگئی

منی لانڈرنگ کا مقدمہ، مونس الٰہی کی درخواست پر عدالتی فیصلہ آگیا

منی لانڈرنگ کا مقدمہ، مونس الٰہی کی درخواست پر عدالتی فیصلہ آگیا

ہر چیز ٹھیک ہوگئی تھی، یقین تھا اب حکومت مجھے نہیں نکالے گی، مفتاح اسماعیل کا شکوہ

ہر چیز ٹھیک ہوگئی تھی، یقین تھا اب حکومت مجھے نہیں نکالے گی، مفتاح اسماعیل کا شکوہ

میرا جادو مسلمانوں پر کام نہیں کرتا ۔۔ خاتون جادوگرنی نے مسلمانوں کے حوالے سے کون سا انکشاف کر دیا؟

میرا جادو مسلمانوں پر کام نہیں کرتا ۔۔ خاتون جادوگرنی نے مسلمانوں کے حوالے سے کون سا انکشاف کر دیا؟

آٹھویں دن ہی طلاق ہوگئی تھی۔۔ ایاز امیر نے قتل ہونے والی بہو کے بارے میں کیا نئے انکشافات کردیے؟

آٹھویں دن ہی طلاق ہوگئی تھی۔۔ ایاز امیر نے قتل ہونے والی بہو کے بارے میں کیا نئے انکشافات کردیے؟