12:46 pm
نہیں سرکار یہ مہنگائی غریبوں کو اب  جینے نہیں دے گی

نہیں سرکار یہ مہنگائی غریبوں کو اب  جینے نہیں دے گی

12:46 pm

یہ خبر12 اکتوبر کی اخبارات کی لیڈ سٹوری تھی کہ ’’مہنگائی روکنے کا کام ٹائیگر فورس کو سونپ دیا گیا … مہنگائی کے خلاف حکومتی
یہ خبر12 اکتوبر کی اخبارات کی لیڈ سٹوری تھی کہ ’’مہنگائی روکنے کا کام ٹائیگر فورس کو سونپ دیا گیا … مہنگائی کے خلاف حکومتی ایکشن پلان تیار، اشیائے ضروریہ کی قیمتوں میں کمی کا اطلاق پیر12 اکتوبر سے ہوگا‘‘ آج پیر کا دن اور 26 اکتوبر ہے یعنی13 دن قبل اشیائے ضروریہ کی قیمتوں میں کمی کے فیصلے کے اطلاق کا جو اعلان ہوا تھا … اشیائے خوردونوش یا ادویات کی قیمتوں میں کمی زمین کے کس ٹکڑے، کائنات کے کس حصے پر ہوئی اگر وزیراعظم قوم کو بتاسکیں تو ضرور بتائیں؟
نواز شریف تو مفرور ہے، شہباز شریف جیل میں بند ہے … پھر آج کس وزیراعظم کی نااہلی اور نالائقی سے ، ہر کوچہ و بازار میں ’’مہنگائی‘‘ نے ڈیرے ڈال لیے ہیں … وہ جو11 اکتوبر کو کسی وزیراعظم عمران خان نے مہنگائی کے خلاف ٹائیگر فورس کو میدان میں اتارنے کا فیصلہ کیا تھا … مہنگائی کے خلاف صرف نوٹس ہی نہیں بلکہ ایکشن لینے کا اعلان کیا تھا  اس کا کیا ہوا؟ عوام پوچھتے ہیں کہ و ہ’’نوٹس‘‘ اور ’’ایکشن‘‘ کدھر ہیں؟ ابھی تک اس نوٹس اور ایکشن کے ثمرات عوام تک کیوں نہیں پہنچے؟ کیا پاکستان بنانا ری پبلک ہے کہ جہاں حکومت کی رٹ بالکل ہی مفقود ہوکر رہ گئی ہے … اگر پی ٹی آئی کی حکومت ہے اور اس کے پاس ’’رٹ‘‘ بھی ہے … تو پھر وہ ’’رٹ‘‘ ’’مہنگائی‘‘ کو کم کرنے میں کیوں ناکام ثابت ہو رہی ہے؟ عوام بھوکوں مر رہے ہیں اور آپ انہیں سابق حکمرانوں کی کرپشن کہانیاں سنا سنا کر مطمئن کرنے کی کوشش کررہے ہیں۔
عوام چیخ رہے ہیں کہ آٹا مہنگا ہوگیا، دالیں مہنگی ہوگئیں… آپ منہ پر ہاتھ پھیر کر کہتے ہیں کہ میں نواز شریف کو عام جیل میں ڈالوں گا … عوام دہائیاں دے رہے ہیں کہ چینی مہنگی، دوائیاں مہنگی، آپ کہتے ہیں کہ آرمی چیف کو اپوزیشن کے لوگوں سے نہیں ملنا چاہیے تھا … عمران خان کو کوئی کہہ دے کہ وہ زمین پر اتر  آئیں … سبزی منڈیوں اور مارکیٹوں کے دورے کریں… بازاروں میں نکل کر عوام کے دکھ درد میں شامل ہونے کی کوشش کریں … بہت ہوگئیں ہوائی باتیں اور خلائی دعوے؟ شکر ہے کہ ’’شیخ چلی‘‘ عرصہ د راز پہلے ہی مر گیا تھا … اگر وہ آج زندہ ہوتا تو اسے ’’کپتان‘‘ کے دعوے اور باتیں سن سن کر  روز درجنوں دفعہ مرنا پڑتا … بجلی کے بلوں نے عوام کی چیخیں نکلوا دیں ہیں … گیس کی لوڈشیڈنگ نے گھروں کے چولہے بجھا دیئے ہیں … جہاں عمران حکومت کا کوئی کارنامہ ہوگا ہم اس کی تائید اور تعریف بھی کریں گے لیکن یہ نہیں ہوسکتا کہ عوام کی چیخیں سن کر … عوام کی بڑھتی ہوئی خودکشیاں دیکھ کر … غریبوں اور گداگروں کی تعدادمیں اضافہ دیکھ کر بھی میں حکومتی تعریف کے قلابے ملانا شروع کر دوں؟ ہم تو وزیراعظم سے سوال کریں کہ بھائی! ہر نئے سورج کے ساتھ ملک میں عدم استحکام کیوں بڑھتا جارہا ہے؟ ہم سوال اٹھائیں گے کہ سیاسی اور معاشی بحران اپنی انتہائوں کو کیوں چھو رہا ہے؟ قوم حکمرانوں سے یہ بات پوچھنے میں حق بجانب ہے کہ ایک طرف وزیراعظم ہر جگہ کہہ رہے ہیں کہ اپوزیشن کو این آر او نہیں ملے گا … جبکہ دوسری طرف مولانافضل الرحمن شہر شہر ، قریہ قریہ ، بستی بستی، جلسوں ، جلوسوں اور پریس کانفرنسوں میں کہہ رہے ہیں کہ عمران خان اور ان کی حکومت کو اس مرتبہ این آر او نہیں دیں گے ، اسلامی جمہوریہ پاکستان ایٹمی ملک کاوزیراعظم  منہ پر ہاتھ پھیر کے کہتاہے کہ ’’میں تمہیں دیکھ لوں گا‘‘ ’’میں تمہیں جیلوں میں ڈال دوں گا‘‘ ’’میں تمہیں این آر او نہیں دوں گا‘‘ لیکن اپوزیشن ڈرنے کی  بجائے مزید شیر ہوتی جارہی ہے … لوگ یہ بھی سوال اٹھا رہے ہیں کہ اسٹیبلشمنٹ کا کردار تو ہر دور میں حکومتوں کے ساتھ رہا … فوج کے بعض جرنیل بھی سیاسی آلودگیوں کا شکار رہے … لیکن یہ پہلا عمرانی دور حکومت ہے کہ جس میں آرمی چیف اور دیگر جرنیلوں پر بعض لوگ کھلے عالم تنقید کررہے ہیں … اگر عمران حکومت میں اہلیت ہوتی یا عوامی مفاد میں ان کاکوئی چھوٹا سا کارنامہ بھی ہوتا ، ان کی حکومت کی کہیں رٹ ہوتی … ان میں سیاسی سمجھ بوجھ ہوتی تو شائد ایسا کبھی نہ ہوتا … پہلے پہل ایک جملہ بولا جاتا تھا کہ ’’اداروں کو بدنام کیا جارہا ہے‘‘ اب تو باقاعدہ اداروں اور اپوزیشن میں تصادم کی سی کیفیت پیدا ہوتی جارہی ہے … اللہ نہ کرے کہ کبھی ایسا ہو۔
یہ کیسا دور حکومت ہے کہ جس میں نہ کسی عزت دار کی عزت محفوظ ہے اور نہ کسی صاحب دستار کی پگڑی؟ یہ کیسا دور حکومت ہے کہ جس میں عوام اور اپوزیشن تو پہلے ہی غیر محفوظ تھے … اب میڈیا اور اسٹیبلشمنٹ بھی غیر محفوظ ہوچکی، یہ کیسا دور حکومت ہے کہ جس میں پاکستان کے عوام سے روٹی کا نوالہ بھی چھیننے کی کوشش کی جارہی ہے … بے روزگاروں کی تعداد میں دن بدن اضافہ دیکھنے میں آرہا ہے … یہ کیسا دور حکومت ہے کہ جس میں کبھی قادیانی لابی متحرک ہو جاتی ہے اور کبھی اسرائیلی لابی؟
یہ کیسا دور حکومت ہے کہ جس میں چناب نگر میں ہونے والی ختم نبوتؐ کانفرنس میں ہزاروں لوگوں کے سامنے اکابر علماء نے دوٹوک اور واضح لفظوں میں یہ کہا کہ ’’کلیدی سرکاری عہدوں پر براجماں کچھ لوگ ملکی سلامتی کے لئے شدید خطرہ بن چکے ہیں‘‘ میرے سمیت پوری قوم کو پاکستان کی مایہ ناز خفیہ ایجنسی آئی ایس آئی کے کردار پر ہمیشہ فخر رہا … آئی ایس آئی ملکی سلامتی کا سب سے مضبوط ادارہ ہے لیکن ا س دور حکومت میں اس عظیم ادارے کے سربراہ پر بھی تنقید کے نشتر پھینکے جارہے ہیں … اسے میں حکومت کی نحوست نہ سمجھوں تو پھر کیا سمجھوں؟ آنکھوں سے پھوٹتے نفرت کے شرارے … الزامات اُگلتا ہوا منہ، دھمکیاں دیتی ہوئی زبانیں ، مہنگائی مافیا کے سامنے جھکی ہوئی گردنیں … کیا حکمران ایسے ہوتے ہیں؟ نہیں سرکار نہیں …آپ کسی کو گالی دے کر ، کسی پر الزام لگاکر، اس کی پگڑی اچھال کر اس کے خلاف طوفان بدتمیزی پیدا کرکے … نفرت کو بڑھاتو سکتے ہیں مگر اس کے دل میں کبھی جگہ نہیں بناسکتے … میرا کہنا یہ ہے کہ حکومت جس سیاست دان کو پھانسی دینا چاہتی ہے جلدی سے دے ڈالے … کیونکہ ملک اس طرح کی ڈرامہ  بازیوں کا اب مزید متحمل نہیں ہوسکتا۔ 
 

تازہ ترین خبریں

پنڈی ٹیسٹ کا چوتھا روز: 158 رنز کے خسارے میں پاکستان کی بیٹنگ جاری

پنڈی ٹیسٹ کا چوتھا روز: 158 رنز کے خسارے میں پاکستان کی بیٹنگ جاری

اگر حکومت مارچ کے آخر تک الیکشن پر تیار ہے تو ہم اسمبلیاں ۔۔۔۔عمران خان نے بڑا اعلان کر دیا 

اگر حکومت مارچ کے آخر تک الیکشن پر تیار ہے تو ہم اسمبلیاں ۔۔۔۔عمران خان نے بڑا اعلان کر دیا 

کراچی اور حیدرآباد سمیت سندھ بھر میں آج یوم ثقافت منایا جا رہا ہے

کراچی اور حیدرآباد سمیت سندھ بھر میں آج یوم ثقافت منایا جا رہا ہے

پنجاب اور کے پی میں آج بھی دھند کا راج، موٹر وے مختلف مقامات پر ٹریفک کیلئے بند

پنجاب اور کے پی میں آج بھی دھند کا راج، موٹر وے مختلف مقامات پر ٹریفک کیلئے بند

چینی پھرمہنگی۔۔فی کلوقیمت میں کتنااضافہ ہوگیا،غربت کی چکی میں پسی عوام کےلیے بری خبرآگئی

چینی پھرمہنگی۔۔فی کلوقیمت میں کتنااضافہ ہوگیا،غربت کی چکی میں پسی عوام کےلیے بری خبرآگئی

اکلوتی اولاد کے انتقال کے بعد اہلیہ دماغی مریضہ بن گئیں ۔۔ ان مشہور شخصیات کے بچوں کے ساتھ پیش آئے حادثات جس سے ان کی زندگی بد ل گئی

اکلوتی اولاد کے انتقال کے بعد اہلیہ دماغی مریضہ بن گئیں ۔۔ ان مشہور شخصیات کے بچوں کے ساتھ پیش آئے حادثات جس سے ان کی زندگی بد ل گئی

پیپلزپارٹی نہ ایم کیوایم ۔۔۔کراچی کااگلامیئرکس جماعت سے ہوگا،بڑادعویٰ کردیاگیا

پیپلزپارٹی نہ ایم کیوایم ۔۔۔کراچی کااگلامیئرکس جماعت سے ہوگا،بڑادعویٰ کردیاگیا

پڑھائی تمہارے بس کی نہیں تم کھیتی باڑی کرو، کھیتوں سے مائیکرو سافٹ تک پہنچ جانے والا نوجوان جس نے اپنی زندگی خود بدلی

پڑھائی تمہارے بس کی نہیں تم کھیتی باڑی کرو، کھیتوں سے مائیکرو سافٹ تک پہنچ جانے والا نوجوان جس نے اپنی زندگی خود بدلی

تحریک انصاف کی طرف سے استعفوں کاسلسلہ شروع ،پہل کس نے کردی ،سیاسی میدان میں ہلچل مچادینے والی خبرآگئی

تحریک انصاف کی طرف سے استعفوں کاسلسلہ شروع ،پہل کس نے کردی ،سیاسی میدان میں ہلچل مچادینے والی خبرآگئی

 اس ایک چیز کا روزانہ کھانے سے قبل استعمال آپ کو بیماریوں سے لڑنے کی طاقت کیسے فراہم کرتا ہے؟ جانیں

اس ایک چیز کا روزانہ کھانے سے قبل استعمال آپ کو بیماریوں سے لڑنے کی طاقت کیسے فراہم کرتا ہے؟ جانیں

قبر سے چپٹ کر رو رہی تھی ۔۔ مالک کی وفادار بلی، جو اس کی تدفین کے بعد بھی قبر سے نہ ہٹی

قبر سے چپٹ کر رو رہی تھی ۔۔ مالک کی وفادار بلی، جو اس کی تدفین کے بعد بھی قبر سے نہ ہٹی

جنرل باجوہ کو ایکسٹینشن دینے کا فیصلہ غلط تھا، سب پشیمان ہیں: اسد قیصرنے حیران کن بات کہہ دی

جنرل باجوہ کو ایکسٹینشن دینے کا فیصلہ غلط تھا، سب پشیمان ہیں: اسد قیصرنے حیران کن بات کہہ دی

ارشد شریف قتل کیس : چیئرمین پی ٹی آئی عمران خان نے بڑااقدام اٹھالیا

ارشد شریف قتل کیس : چیئرمین پی ٹی آئی عمران خان نے بڑااقدام اٹھالیا

آخری وقت میں بھی بیڈ نہیں دیا، اسپتال میں دوسرے مریض کے ساتھ لٹا دیا گیا ۔۔ انتقال سے پہلے افضال احمد نے بولنا کیوں بند کر دیا تھا؟

آخری وقت میں بھی بیڈ نہیں دیا، اسپتال میں دوسرے مریض کے ساتھ لٹا دیا گیا ۔۔ انتقال سے پہلے افضال احمد نے بولنا کیوں بند کر دیا تھا؟