12:40 pm
بھارت میں جشن

بھارت میں جشن

12:40 pm

 پی ڈی ایم کے کوئٹہ جلسے کے موقعے پر ہزار گنجی بازار میں دھماکہ ہوا ۔ چند روز بعد پشاور مسجد  میں درس قرآن کے دوران دھماکے
 پی ڈی ایم کے کوئٹہ جلسے کے موقعے پر ہزار گنجی بازار میں دھماکہ ہوا ۔ چند روز بعد پشاور مسجد  میں درس قرآن کے دوران دھماکے میں قیمتی جانوں کا نقصان ہوا اور معصوم بچے زخمی ہوئے۔ دہشت گردی کا تسلسل دشمن کے ارادوں کی عکاسی کر رہا ہے۔  ایل او سی پر بھارت کی جارحیت میں تشویش ناک اضافہ دکھائی دے رہا ہے۔ افغانستان  کی صورتحال بھی  ہر گذرتے دن  کے ساتھ بگڑ رہی  ہے۔ گذشتہ ہفتوں میں جو شدت لڑائی میں آئی  ہے وہ  امن معاہدے کے بعد  اس پہلے کبھی  دکھائی نہیں دی۔ امریکی افواج کی جانب سے کئے گئے فضائی حملوں  کو  افغان طالبان  نے امن معاہدے کی خلاف ورزی قرار دے کر شدید رد عمل  ظاہر کیا  ہے۔  دوحہ مذاکرات کا معاملہ تاحال کھٹائی میں جا پڑا ہے۔ اگر افغانستان میں بدامنی کا سلسلہ دراز ہوا تو منفی اثرات پاکستان پر بھی مرتب ہوں گے۔  افغانستان میں بھارت کے پروردہ عناصر بھی یکلخت متحرک ہوئے ہیں ۔ پاکستان کے متعلق انتہائی منفی سوچ کے حامل شمالی اتحاد کے سیاستدان اور ایک صوبے کے سابق گورنر عطا نور نے بھارت کی یاترا کے دوران سفارتکاروں  اور اعلیٰ بیوروکریٹس سے ملاقاتوں کے دوران کھل کر دلی سرکار سے افغانستان میں بھرپور کردار ادا کرنے کا مطالبہ کیا  ہے۔ 
بھارتی میڈیا میں شائع ہونے والی رپورٹس کے مطابق افغان سیاستدان  کا موقف یہ ہے کہ اگر بھارت ہاتھ پر ہاتھ رکھ کر بیٹھا رہا تو  طالبان کی برتری  قائم  ہونے کے بعد افغانستان  میں پاکستان کا اثر و رسوخ بڑھ جائے گا ۔ اس سے قبل پاکستان کے بدترین مخالف جنر ل رشید دوستم  بھی ہندوستان کا دورہ کر چکے ہیں۔ ظاہر ہے ان دوروں سے افغانستان اور پاکستان کے لئے کوئی خیر کا پہلو  برآمد نہیں ہو سکتا ۔  افغانستان میں یکا یک خانہ جنگی کی آگ کا بھڑکنا بلاوجہ نہیں ہے۔ یہ کوئی اتفاق نہیں کہ افغانستان میں ایک مدرسے میں بچوں کو نشانہ بنانے کے چند دن بعد پشاور میں بھی ایسی  ہی مذموم حرکت کی گئی  ۔ بھارت کی شرپسندانہ حکمت عملی  کوئی دھکی چھپی بات نہیں ۔ کشمیر سمیت پورے خطے میں بالادستی قائم کرنے کے لئے بھارت دہشت گردی کا ہتھیار پوری قوت سے استعمال کر رہا ہے۔  چند روز قبل معروف افغان راہنما گلبدین حکمت یار نے پاکستان کا دورہ کیا ۔ اس موقع پر گلبدین حکمت یار  نے بھی  دلی سرکار کی  افغانستان میں شرپسندانہ مداخلت پر کڑی تنقید کی۔ اُن کا کہنا تھا کہ  دنیا میں بھارت اور ایران  ہی وہ دو ممالک ہیں جو اس وقت اشرف غنی کی  کٹھ پتلی حکومت کی پشت پناہی کر رہے ہیں۔  گلبدین حکمت یار نے بھارت کو کشمیر میں ریاستی دہشت گردی کے غیر انسانی سلسلے پر بھی متنبہ کیا ۔
 یہ امر شبے سے بالا ہے کہ بھارت پوری قوت سے پاکستان کی سا لمیت اور استحکام کو نشانہ بنا رہا ہے۔ ایسے نازک وقت میں مشکوک عزائم کے حامل نام نہاد قوم پرست ملک میں لسانی نفرتوں کا پرچار کر کے تفرقہ بازی کا بازار گرم کر رہے ہیں۔ پی ٹی ایم  کے سوشل میڈیا پلیٹ فارم سے پشاور مدرسہ دھماکے کو پشتون نسل کشی قرار دیا جا رہا ہے۔ لیکن حیرت انگیز طور پر دہشت گردی میں ملوث بھارت کے خلاف ایک لفظ بھی پی ٹی ایم کی قیادت یا حمایتیوں کی زبان پر نہیں آیا ۔ اسی طرح افغانستان میں دہشت گردی کا نشانہ بننے والے معصوم بچوں کے غم میں مگر مچھ کے آنسو  بہاتے ہوئے ان جعلی قوم پرستوں نے ایک مرتبہ بھی کابل حکومت کی کارکردگی پر انگلی نہیں اٹھائی لیکن پشاور دھماکے کو بنیاد بنا کر پاک افغان سرحدی باڑ کو بھی ہدف تنقید بنایا جا رہا ہے اور ملک کے ریاستی اداروں کے خلاف دشام طرازی کا سلسلہ بھی زوروں پر ہے۔ مخدوش حالات کا تقاضا تھا کہ حزب اقتدار اور حزب اختلاف پارلیمان میں بامقصد بحث کر کے حساس قومی مسائل پر یکساں موقف اختیار کرتے ۔ اس کے برعکس قومی منظر نامے پر اتحاد کے بجائے تقسیم کی دراڑیں گہری ہوتی جا رہی ہیں۔ متضاد نظریات کی حامل گیارہ جماعتیں پی ڈی ایم کے پلیٹ فارم سے قومی مسائل پر جس طرح عوام سے مخاطب ہو رہی ہیں وہ کئی اعتبار سے ضرر رساں ہے۔ صاف دکھائی دے رہا ہے کہ ان مختلف الخیال جماعتوں کے درمیان حکومت دشمنی کے علاوہ کوئی قدرِ مشترک نہیں۔ تین جلسوں کے بعد ملک میں فکری انتشار اور سیاسی ابہام میں اضافہ ہوا ہے۔ لندن میں بغرض علاج مقیم میاں صاحب عدالت سے ملی ضمانت کی مدت ختم ہونے کے بعد اشتہاری قرار دئیے جاچکے ہیں ۔ 
اُن کے دو متنازعہ خطابات نے کئی مباحث کو جنم دیا ہے۔ بھارتی میڈیا نے جس انداز میں پی ڈی ایم کی سرگرمیوں کو پاکستان کے خلاف استعمال کیا ہے اُس پر ملک کی اکثریت کو شدید تشویش ہے ۔ اگر کوئی مطمئن ہے تو وہ پی ڈی ایم کی قیادت ہے  یا اُن کے پیشہ ور حمایتی ہیں۔ کراچی جلسے میں قومی زبان اردو کو ہدف تنقید بنایا گیا ۔ لندن سے سابق وزیر اعظم نے دو جلسوں میں ریاستی اداروں کے سربراہوں کو نام لے کر سیاسی معاملات میں ملوث کیا۔ دیگر قائدین کے سر پر بھی یہی بھوت سوار ہے۔ پہلے ایک صاحب کی زبان پھسلی تو پاکستان کے بجائے بلوچستان کو آزاد ریاست بنانے کا نعرہ لگا دیا ۔ اب سابق سپیکر کی رگ حمیت بے وقت پھڑک اٹھی اور انہیں بھارتی پائلٹ کی رہائی کا معنی خیز درد محسوس ہونے لگا ، رہی سہی کسر وزیر سائنس نے پوری کردی ہے جنہیں اپنے محکمے کے علاوہ ہر معاملے میں زبانی گولہ باری کرنے کا شوق ہے۔ بیان داغنے والے تمام حضرات کا دعویٰ ہے کہ اُن کی گفتگو توڑ مروڑ کر پیش کی گئی ۔ تاہم  ان تمام بیانات پر بھارت میں جشن کا سماں ہے جبکہ سادہ لوح پاکستانی سر پکڑ کر بیٹھے ہیں۔
 

تازہ ترین خبریں

شیریں مزاری کی گرفتاری، پی ٹی آئی نےملک گیر احتجاج کی کال دیدی

شیریں مزاری کی گرفتاری، پی ٹی آئی نےملک گیر احتجاج کی کال دیدی

پی ٹی آئی کی خاتون رہنما شیریں مزاری کو گرفتار کر لیا گیا

پی ٹی آئی کی خاتون رہنما شیریں مزاری کو گرفتار کر لیا گیا

منی لانڈنگ کیس کی سماعت، وزیراعظم اور وزیراعلیٰ عدالت میں پیش 

منی لانڈنگ کیس کی سماعت، وزیراعظم اور وزیراعلیٰ عدالت میں پیش 

الیکشن کمیشن نے تحریک انصاف کے منحرف اراکین کو نااہل قرار دے دیا

الیکشن کمیشن نے تحریک انصاف کے منحرف اراکین کو نااہل قرار دے دیا

پنجاب حکومت کو بڑا جھٹکا لگ گیا، لاہور ہائیکورٹ نے اہم فیصلہ سنا دیا

پنجاب حکومت کو بڑا جھٹکا لگ گیا، لاہور ہائیکورٹ نے اہم فیصلہ سنا دیا

بلاول بھٹو زرداری کا عمران خان کے دورہ روس کا دفاع

بلاول بھٹو زرداری کا عمران خان کے دورہ روس کا دفاع

سپریم کورٹ نے پراسیکیوشن کو ہائی پروفائل کیسز واپس لینے سے روک دیا

سپریم کورٹ نے پراسیکیوشن کو ہائی پروفائل کیسز واپس لینے سے روک دیا

آپ کی شکل اچھی ہو تو آپ کے مرد ساتھی ۔۔۔پی ٹی آئی کی خاتون رہنما زرتاج گل کا معنی خیز بیان آگیا

آپ کی شکل اچھی ہو تو آپ کے مرد ساتھی ۔۔۔پی ٹی آئی کی خاتون رہنما زرتاج گل کا معنی خیز بیان آگیا

حکومت قائم رہے گی یا اسمبلیاں تحلیل ہوں گی؟ اگلے دو دن انتہائی اہم قرار۔۔وزیراعظم شہباز شریف کو کس کی یقین دہانی کا انتظار ہے؟

حکومت قائم رہے گی یا اسمبلیاں تحلیل ہوں گی؟ اگلے دو دن انتہائی اہم قرار۔۔وزیراعظم شہباز شریف کو کس کی یقین دہانی کا انتظار ہے؟

حمزہ شہباز عہدے پر برقرار رہیں گے یا نہیں؟  حکومتی اتحادیوں نے فیصلہ سنا دیا

حمزہ شہباز عہدے پر برقرار رہیں گے یا نہیں؟ حکومتی اتحادیوں نے فیصلہ سنا دیا

وزیراعلیٰ بلوچستان عبدالقدوس بزنجونےتحریک عدم اعتماد پر دستخط  کرنے والے ارکان کیخلاف انتہائی اقدام اٹھانے کا اعلان کر دیا

وزیراعلیٰ بلوچستان عبدالقدوس بزنجونےتحریک عدم اعتماد پر دستخط کرنے والے ارکان کیخلاف انتہائی اقدام اٹھانے کا اعلان کر دیا

عمران خان سے متعلق ہوشربا انکشافات، فرح گوگی اور مانیکاخاندان کے پول کھول کر رکھ دیئے

عمران خان سے متعلق ہوشربا انکشافات، فرح گوگی اور مانیکاخاندان کے پول کھول کر رکھ دیئے

 اسلام آباد ہائیکورٹ نے عمر سرفراز چیمہ کو بڑا جھٹکا دیدیا

اسلام آباد ہائیکورٹ نے عمر سرفراز چیمہ کو بڑا جھٹکا دیدیا

بطورگورنر پنجاب عہدے سے برطرفی کیخلاف درخواست، اسلام آباد ہائیکورٹ نے عمر سرفراز چیمہ کو بڑا جھٹکا دیدیا

بطورگورنر پنجاب عہدے سے برطرفی کیخلاف درخواست، اسلام آباد ہائیکورٹ نے عمر سرفراز چیمہ کو بڑا جھٹکا دیدیا