02:17 pm
سیاسی  استحکام  اور قومی یکجہتی

سیاسی  استحکام  اور قومی یکجہتی

02:17 pm

 گلگت بلتستان کے حالیہ انتخابات کئی اعتبار سے اہمیت کے حامل ہیں۔ اول، حکومتِ پاکستان نے عشروں سے نظرانداز ہونے والے اس اہم علاقے کی پسماندگی دور کرنے کے لیے گلگت بلتستان کو پانچویں صوبے کا درجہ دینے کا اعلان کر دیا ہے۔ تاریخی اعتبار سے ریاست کشمیر کا حصہ ہونے کی وجہ سے مستقبل میں ہونے والے استصواب رائے میں گلگت بلتستان کے عوام بھی رائے کا اظہار کریں گے لہٰذا اس خطے کو صوبے کا عبوری درجہ دیا جائے گا تاکہ حق رائے دہی کے استعمال میں کوئی قانونی پیچیدگی نہ پیدا ہو۔ دوم، بھارت کی شدت پسند حکومت کی جانب سے مقبوضہ جموں کشمیر کا بطور ریاست خصوصی آئینی تشخص ختم کرنے کے بعد پاکستان کی جا نب سے گلگت بلتستان کو عبوری صوبے کا درجہ دینے کا اقدام ریاستی رد عمل کے طور پر دیکھا جا رہا ہے جبکہ دراصل یہ اقدام خطے کی پسماندگی دور کرنے کی جانب ایک بھرپور پیش رفت ہے۔ سوئم ، بھارت کی حکومت اور بکائو میڈیا گلگت بلتستان کے الیکشن پر سیخ پا ہورہے ہیں ۔ بھارتی سرکاری ذرائع نے اٹوٹ انگ کا پرانا راگ الاپ کر پاکستان کی جانب سے منعقد کروائے گئے انتخابات کی قانونی حیثیت پر اعتراض کرتے ہوئے یہ درفنطنی بھی چھوڑی کہ پاکستان ان علاقوں میں انتخابات کروانے کا کوئی اختیار نہیں رکھتا۔ ملک سے باہر بیٹھے مٹھی بھر نام نہاد کشمیری اور بلتستانی دانشوروں کو پاکستان کے خلاف زہر اگلنے کے لیے بھارتی بدنام زمانہ ایجنسی نے نئی چابی بھر دی ہے۔ 
گزشتہ ڈیڑھ ماہ کے دوران بھارتی میڈیا پر ایسے جعلی دانشوروں کی بھرمار رہی ہے جو ہر قیمت پر پاکستان کی جانب سے گلگت بلتستان میں الیکشن سمیت دیگر سیاسی اقدامات کو سازش قرار دے کر کشمیریوں کے حقوق کا واویلا مچا رہے ہیں۔ ان عناصر کی پوری کوشش ہے کہ پاکستان کو دہشت گردی اور انسانی حقوق کی پامالی جیسے جعلی الزامات کا ہدف بنا کر عالمی برادری کی توجہ مقبوضہ کشمیر میں جاری تحریک حریت سے ہٹائی جائے۔ چہارم، پاکستان کی تین بڑی سیاسی جماعتیں پی ٹی آئی ، نون لیگ اور پی پی پی بھی بھرپور انداز میں مقابلہ کرنے کے لیے انتخابی اکھاڑے میں کود پڑیں۔ انتخابی مہم میں سب سے زیادہ مشقت اور تحرک پی پی پی کے چیئر مین نے دکھایا۔ نون لیگ کی مرکزی قیادت کی عدم موجودگی کی بنا پر بڑے میاں صاحب کی صاحبزادی بساط بھر انتخابی مہم کی قیادت کرتی رہیں۔ پی ٹی آئی کی جانب سے وزراء میدان میں سرگرم رہے۔ ان بڑی جماعتوں کی سیاسی کشمکش نے ایک جانب جلسوں میں عوامی شرکت میں خاطر خواہ اضافہ کیا تو دوسری جانب ماحول میں تلخی بھی بڑھا دی۔ بالآخر سیاسی کشیدگی کا زہر ان جماعتوں کے غیر ذمہ دارانہ روئیے کی بدولت گلگت بلتستان بھی پہنچ گیا۔ حسب روایت مرکز میں حکومت کرنے والی جماعت ہی گلگت بلتستان میں اکثریتی جماعت تو بن کر ابھری ہے لیکن سادہ اکثریت حاصل نہیں کرپائی۔ پی پی پی سر توڑ کاوش کے بعد تین نشستوں پر کامیاب ہو پائی جبکہ نون لیگ کے حصے میں دو نشستیں ہی آئیں۔ شکست خوردہ جماعتیں حسب عادت دھاندلی کے الزامات لگا رہی ہیں ۔ عجب بات یہ ہے کہ دونوں جماعتوں نے انتخابات سے کئی ہفتے پہلے ہی سے دھاندلی کا راگ الاپنا شروع کردیا تھا۔ نون لیگی قیادت کا موقف مضحکہ خیز ہے! ایک جانب کہا جارہا ہے کہ سادہ اکثریت حاصل کرنے میں ناکامی دراصل پی ٹی آئی پر عوامی عدم اعتماد کا اظہار ہے تو دوسری جانب پی ٹی آئی پر دھاندلی کے الزامات عائد کئے جا رہے ہیں۔ بدقسمتی سے اپنے تئیں قومی قائدین کہلانے والے سیاستدان یہ بات ملحوظِ خاطر رکھنے کو تیار نہیں کہ دھاندلی کے خیالی الزامات کو بنیاد بنا کر ازلی دشمن بھارت انتخابی عمل کو متنازعہ قرار دینے کے لیے تمام دنیا میں پروپیگنڈہ شروع کر دے گا۔ 
 پی پی پی کے چیئر مین نے گو سب سے طویل انتخابی مہم چلائی لیکن اس کا یہ مطلب کیسے نکلتا ہے کہ کامیابی نے صرف ان کے ہی قدم چومنے تھے۔ کل چوبیس میں سے سات نشستوں پر آزاد امیدوار کامیاب ہوئے ہیں ۔ دھاندلی کے الزامات ان کامیاب امیدواروں اور اُن پر اعتماد ظاہر کرنے والے ووٹرز کی بھی توہین ہے۔ ان انتخابات نے پی ڈی ایم جیسے سیاسی اتحاد کے کھوکھلے پن کو بھی نمایاں کیا ہے۔ جو جماعتیں پی ٹی آئی کو لگام ڈالنے کا ایجنڈا لے کر پورے ملک میں بھاگ دوڑ کر رہی ہیں وہ گلگت بلتستان کے الیکشن میں ایک پلیٹ فارم سے مقابلہ کرنے کے بجائے ایک دوسرے کے مد مقابل آگئیں۔ نتیجہ شکست کی صورت نکلا تو دھاندلی کے الزامات میں پناہ ڈھونڈی جا رہی ہے۔ صاف دکھائی دے رہا ہے کہ مستقبل میں جب بھی انتخابات ہوئے تو پی پی پی اور نون لیگ ایک دوسرے کے انتخابی حلیف نہیں بلکہ حریف بن کر میدان میں اتریں گے۔ پی ٹی آئی کی سادہ اکثریت حاصل کرنے میں ناکامی بھی ایک بڑا انتخابی جھٹکا اور دن بدن کم ہوتی مقبولیت کا واضح اشارہ ہے۔ بدقسمتی سے تینوں بڑی جماعتوں کی قیادت خود احتسابی کے بجائے بے جا الزام تراشی کی روش اپنا کر انتخابات کی ساکھ اور شفافیت کو داغدار کر رہی ہیں جس کا فائدہ سفارتی محاذ پر بھارت اُٹھا سکتا ہے۔ نون لیگ سے تعلق رکھنے والے گلگت بلتستان کے سابق وزیر اعلیٰ حافظ حفیظ الرحمان نے موجودہ انتخابی عمل میں مالی ترغیبات اور صوبہ سندھ میں ناقص کارکردگی کی بنیاد پر پی پی پی کو آئینہ دکھا کر پی ڈی ایم کے اتحاد کو اچھا خاصا جھٹکا لگانے کے ساتھ ساتھ سیاسی مبصرین کو بھی چونکایا ہے۔ ضرورت اس امر کی ہے کہ بے جا بیان بازی اور الزام تراشی سے گریز کرتے ہوئے سیاسی قیادت کھلے دل سے انتخابی نتائج کو تسلیم کر کے ووٹ کو عزت دے اور قومی یکجہتی کو برقرار رکھتے ہوئے گلگت بلتستان کو عبوری صوبے کا درجہ دینے کے عمل میں سنجیدگی کا مظاہرہ کرے۔ 

 

تازہ ترین خبریں

پاکستان کے اہم شہر میں رشتہ مانگنے پر لڑکی کے باپ اور بھائیوں نے نوجوان کیساتھ ایسا لرزہ خیز کام کر ڈالا کہ پاکستانی سناٹے میں آگئے

پاکستان کے اہم شہر میں رشتہ مانگنے پر لڑکی کے باپ اور بھائیوں نے نوجوان کیساتھ ایسا لرزہ خیز کام کر ڈالا کہ پاکستانی سناٹے میں آگئے

پاکستانی اب موٹر سائیکل لینے سے پہلے یہ خبر ضرور پڑھ لیں ، رجسٹریشن کا طریقہ کار تبدیل کر دیا گیا

پاکستانی اب موٹر سائیکل لینے سے پہلے یہ خبر ضرور پڑھ لیں ، رجسٹریشن کا طریقہ کار تبدیل کر دیا گیا

یہ پاکستانی خاتون یولیس یونیفارم میں کیا شرمناک حرکتیں کیا کرتی تھی کہ گرفتار کر لیا گیا؟ جانیں 

یہ پاکستانی خاتون یولیس یونیفارم میں کیا شرمناک حرکتیں کیا کرتی تھی کہ گرفتار کر لیا گیا؟ جانیں 

طلبہ و طالبات متوجہ ہوں ، امتحانات کی نئی تاریخ مقرر کردی گئی، جان لیں پھر نہ کہنا خبر نہ ہوئی 

طلبہ و طالبات متوجہ ہوں ، امتحانات کی نئی تاریخ مقرر کردی گئی، جان لیں پھر نہ کہنا خبر نہ ہوئی 

عمران خان جمہوریت ختم کرکے ملک میں صدارتی نظام مسلط کرنے کی کوشش کررہے ہیں، بڑا دعویٰ کر دیا گیا

عمران خان جمہوریت ختم کرکے ملک میں صدارتی نظام مسلط کرنے کی کوشش کررہے ہیں، بڑا دعویٰ کر دیا گیا

شرمناک الزام ، ن لیگی رہنما کے بھائی سمیت 16 افراد کیخلاف مقدمہ درج

شرمناک الزام ، ن لیگی رہنما کے بھائی سمیت 16 افراد کیخلاف مقدمہ درج

 پنجاب کا بجٹ عوامی امنگوں کی ترجمانی کرے گا اور اپوزیشن کیلئے بجلی کا جھٹکا ثابت ہوگا۔فردوس عاشق اعوان

پنجاب کا بجٹ عوامی امنگوں کی ترجمانی کرے گا اور اپوزیشن کیلئے بجلی کا جھٹکا ثابت ہوگا۔فردوس عاشق اعوان

 فی الوقت کسی بھی ملک کو آم بھیجنے کا سوال ہی پیدا نہیں ہوتا ہے۔ترجمان دفتر خارجہ

فی الوقت کسی بھی ملک کو آم بھیجنے کا سوال ہی پیدا نہیں ہوتا ہے۔ترجمان دفتر خارجہ

کینیڈا میں پاکستانی خاندان پر حملے کے خلاف سخت ایکشن لینا ہوگا۔ وزیراعظم عمران

کینیڈا میں پاکستانی خاندان پر حملے کے خلاف سخت ایکشن لینا ہوگا۔ وزیراعظم عمران

 اسلام آبادیونائیٹڈنےلاہورقلندرزکو28 رنزسےہرادیا

اسلام آبادیونائیٹڈنےلاہورقلندرزکو28 رنزسےہرادیا

سعوددی عرب کی طرف سے حج کے فیصلہ کی مکمل تائید کرتے ہیں، کورونا کی بدلتی ہوئی صورتحال کی وجہ سے یہ مناسب اور درست فیصلہ ہے۔ طاہر اشرفی 

سعوددی عرب کی طرف سے حج کے فیصلہ کی مکمل تائید کرتے ہیں، کورونا کی بدلتی ہوئی صورتحال کی وجہ سے یہ مناسب اور درست فیصلہ ہے۔ طاہر اشرفی 

وزیراعلیٰ پنجاب اور اسپیکر چودھری پرویزالہٰی کےدرمیان ملاقات

وزیراعلیٰ پنجاب اور اسپیکر چودھری پرویزالہٰی کےدرمیان ملاقات

تعلیمی شعبہ کو ریلیف دینے اورتعلیمی بجٹ جی ڈی پی کا کم از کم چار فیصد نہ کرنا ملک کے مستقبل سے کھلواڑ کے مترادف ہے۔ ملک ابرارحسین

تعلیمی شعبہ کو ریلیف دینے اورتعلیمی بجٹ جی ڈی پی کا کم از کم چار فیصد نہ کرنا ملک کے مستقبل سے کھلواڑ کے مترادف ہے۔ ملک ابرارحسین

جمعیت علماء اسلام نےسندھ نے پیپلزپارٹی کےخلاف تحریک شروع کرنےکا اعلان کر دیا۔

جمعیت علماء اسلام نےسندھ نے پیپلزپارٹی کےخلاف تحریک شروع کرنےکا اعلان کر دیا۔