02:52 pm
کوئٹہ: کا سانحہ اور وزیراعظم کا جہاز

کوئٹہ: کا سانحہ اور وزیراعظم کا جہاز

02:52 pm

٭کوئٹہ: وزیرداخلہ ناکام: تادم تحریر ہزارہ قبیلے کا دھرنا جاریO مَچھ سانجہ، مقتولین کے ورثاء کے لئے 25 لاکھ فی کس امدادO سعودی عرب قطر تعلقات بحال سرحدیں کھل گئیںOآج بنوں میں اپوزیشن کا مظاہرہ ہو گاO تعلیمی ادارے 18 جنوری سے کھلیں گے، 14 جنوری کو حتمی فیصلہ O کرونا، برطانیہ، مکمل لاک ڈائون، تعلیمی ادارے بندO پنجاب الیکشن کمیشن، پرچے آئوٹ کرنے کا سنگین سکینڈل، فی پرچہ آٹھ لاکھ روپے، متعدد گرفتار O پنجاب میں بارشیں، کراچی میں سردی بڑھ گئیO کروڑوں روپے کے 700 شکاری پرندوں ’شِکروں‘ کی سمگلنگ!O ’’مولانا حکم دیں، عوام کا سمندر اسلام آباد کی طرف موڑ دوں گی‘‘ مریم نوازO ٹرمپ: فوج کو حکم، ’’مجھے صدر برقرار رکھا جائے‘‘۔
٭کوئٹہ سے کچھ فاصلہ پر کوئلے کی کانوں پر وحشیانہ فائرنگ سے شہید کئے جانے والے گیارہ محنت کشوں کے لواحقین کا احتجاجی دھرنا تا دم تحریر جاری تھا۔ وفاقی وزیر داخلہ وزیراعظم کے طیارے میں کوئٹہ پہنچے، ہر شہید کان کن کے لواحقین کے لئے 25 لاکھ روپے امداد کا اعلان بھی کیا، دھرنے کے مظاہرین کے ایک کے سوا تمام مطالبات تسلیم کر لئے، البتہ بلوچستان کی حکومت کے استعفے کا مطالبہ منظور نہیں کیا۔ مظاہرین نے مطالبہ کیا کہ وزیراعظم عمران خاں خود آ کر بات کریں۔ ماضی میں ایسا ہوتا رہا ہے۔ مگر…مگر!! وزیرداخلہ نے زخموں پر نمک چھڑکنے والا بیان دیا کہ آپ لوگ اسلام آباد آ جائیں، وزیراعظم سے ملاقات کرائوں گا! ’’کیا یہ کم ہے کہ وزیراعظم نے اپنا طیارہ بھیجا ہے!!‘‘ کیسا سنگ دلانہ رویہ ہے! ماضی میں ایک ایسے واقعہ پر پیپلزپارٹی کے وزیراعظم (راجہ پرویز اشرف!) اور آرمی چیف فوری طور پر کوئٹہ پہنچ کر مظاہرین کے درمیان زمین پر بیٹھ گئے تھے! اور موجودہ دَور! وزیراعظم کو شائد سرخاب کے پَر یا پائوں میں مہندی لگی ہوئی ہے، پشاور کے آرمی سکول جیسا اتنا ہولناک المیہ، اور وزیراعظم نے خود جانے کی بجائے اپنا ہوائی جہاز بھیج دیا!!
ممکن ہے کالم کی اشاعت تک کوئی نئی خبر آ چکی ہو۔ کوئلے کی سیاہ تاریک کانوں میں کام کرنے والے غریب کان کنوں کو جس بہیمانہ طریقے سے شہید کیا گیا اس پر ملک بھر میں شدید ردعمل ہو رہا ہے۔ مگر!… مگر! ایک مذہبی سیاسی جماعت کے ترجمان نے احتجاج کیا ہے کہ قاتلوں کی تلاش کے لئے چھاپے کیوں مارے جا رہے ہیں؟؟ کیا تبصرہ کیا جائے؟ یہ بات ثابت ہو چکی ہے کہ یہ سب کچھ بھارت کرا رہا ہے۔ اس کے ایجنٹ مختلف مذہبی گروپوں میں شامل ہو کر فرقہ واریت پھیلا رہے ہیں۔ بھارت کی مودی حکومت واضح الفاظ میں ایسی کارروائیوںکی دھمکیاں دے چکی ہے، بلوچستان کو خاص طور پر نشانہ بنایا جا رہا ہے جہاں افغانستان اور ایران سے بھارتی دہشت گرد بآسانی آتے جاتے رہتے ہیں۔ دِل نہائت دُکھی اور دماغ سُن ہے۔ مگر میں بھارت کو کیا کہوں؟ اپنوں کا رویہ کیا ہے؟ قوم، مذہب، فرقہ کوئی بھی ہو، اس کی جان و مال کا تحفظ کس کی ذمہ داری ہے؟؟
٭کسی ملک کی معیشت اور صنعتی و تجارتی کارروائیوں کی رفتار کا اندازہ اس کے سٹاک ایکس چینج کی صورت حال سے لگایا جاتا ہے۔ 100 انڈیکس کے معنی 100 سب سے بڑی کمپنیوں کے کاروبار کی تخصیص ہوتی ہے۔ موجودہ حکومت کے ابتدائی دور میں پاکستان کا سٹاک انڈیکس 29 ہزار تک گر گیا تھا مگر اب رفتہ رفتہ 44686 (منگل صبح 10 بجے) تک بلند ہو گیا ہے۔ یہ امر اس بات کی علامت ہے کہ ملک میں کاروبار میں تیزی آ رہی ہے، برآمدات بڑھ رہی ہیں اور ملک کے اندر صنعتی اور تجارتی سرگرمیاں اور روزگار کے مواقع بڑھ رہے ہیں۔ یہ سرگرمیاں اس حقیقت کے باوجود پھیل رہی ہیں کہ کرونا کے باعث ایک سال سے ہر قسم کا صنعتی، تعلیمی اور سماجی کاروبار بند پڑا ہے! اور حکومت کی نااہلیوں کے باعث قومی خزانے کو اربوں کھربوں کا نقصان پہنچ چکا ہے۔
٭برطانیہ کو کرونا کی بدترین صورت حال کا سامنا کرنا پڑ رہا ہے! پورے ملک میں سخت ترین لاک ڈائون کے اعلان کے ساتھ تمام تعلیمی ادارے بند کر دیئے گئے ہیں۔ وزیراعظم بورس جانسن نے عوام کو ہدائت کی ہے کہ وہ گھروں سے باہر نہ نکلیں، اس وقت برطانیہ کو روزانہ آنے جانے والی دنیا بھر کی ہزاروں پروازیں اور ہوائی اڈے بند پڑے ہیں منگل کی صبح تک برطانیہ میں 407 مزید اموات ہو چکی تھیں، تقریباً 83 ہزار نئے مریض آ چکے تھے، اب تک اموات کی تعداد 76 ہزار تک پہنچ چکی ہے۔ ہر قسم کا کاروبار بند ہو چکا ہے۔ امریکہ میں ہلاک ہونے والوں کی تعداد تین لاکھ 62 ہزار سے اوپر ہو گئی ہے۔ اس میں اضافہ ہوتا چلا جا رہا ہے! خدا کا شکر کہ پاکستان میں صورت حال قابو میں آ رہی ہے۔ ہلاکتوں کی تعداد تین دنوں میں89 سے کم ہو کر39 تک آ گئی ہے، نئے مریضوں کی تعداد بھی 3700 سے کم ہو کر 1900 تک ہو گئی ہے۔ خدا تعالیٰ ہمارا حامی و ناصر ہو!
٭سعودی عرب کو بالآخر انتہا پسندانہ غرور اور تکبر چھوڑنا پڑا اور تین سال کے بعد قطر کے ساتھ صلح کرنا پڑی ہے۔ سعودی عرب اور اس کے زیر سایہ دوسرے عرب ممالک نے تین سال تک تیل اور گیس کی دولت سے مالا مال قطر کا معاشی بائیکاٹ کیا اور اس کے ساتھ زمینی اور فضائی سرحدیںبند رکھیں مگر اس سے قطر کو کوئی فرق نہیں پڑا۔ اس کی کرنسی اب بھی سعودی کرنسی سے زیادہ مضبوط ہے۔ قطر کی معاشی حالت کا اندازہ اس بات سے لگایا جا سکتا ہے کہ یہ نہائت چھوٹا سا ملک ہے، صرف دو شہر ہیں۔ مگر اس کے معاشی اور سیاسی استحکام کا عالم یہ ہے کہ اس کی سرکاری، ’’قطر ایئر لائنز‘‘ کے پاس ہر قسم کے 222 بڑے بڑے مسافر طیارے ہیں۔ جو دنیا بھر میں ایک سو سے زیادہ ممالک کے ساتھ پروازوں کا سلسلہ قائم کئے ہوئے ہیں کرونا کے باعث تقریباً 25 ممالک کے ساتھ پروازوںکا سلسلہ رک گیا ہے اور چند بڑے طیاروں کی پروازیں روکنا پڑی ہیں، پھر بھی قطر ایئرلائنز کا شمار دنیا کی چند بڑی ایئر لائنز میں ہوتا ہے۔ دوسری طرف سعودی عرب کی معیشت بہت نیچے چلی گئی ہے۔ اس کے بائیکاٹ سے قطر کی معیشت پر کوئی فرق نہیں پڑا اور بالآخر قطر کے ساتھ تعلقات بحال کرنے پڑے ہیں جس کے سعودی عرب کے کٹڑ دشمن ایران کے ساتھ گہرے تعلقات قائم ہو چکے ہیں۔
٭قارئین کرام! چھوڑیں دوسروں کی باتیں۔ آیئے کچھ ہلکی پھلکی باتیں کرتے ہیں۔ ن لیگ پاکستان کے اس وقت صدر شہباز شریف ہیں۔ وہ جیل میں ہیں اور مریم نواز نے خود بخود ن لیگ کی صدارت سنبھال لی ہے۔ ان کی صرف ایک بات کا ذکر، مگر اس سے پہلے یہ کہ مسلم لیگ نے پاکستان بنایا تھا اور مولانا فضل الرحمان کے اکابرین نے پاکستان کے قیام کی سخت مخالفت کی تھی۔ اب مریم نواز نے مولانا فضل الرحمان کو ن لیگ کا سرپرست تسلیم کرتے ہوئے بلندو بانگ اعلان (بڑھک!) کیا ہے کہ ’’مولانا جب حکم دیں گے میں عوام کے سمندر کا رُخ اسلام آباد کی طرف موڑ دوں گی۔‘‘ اس پر کیا تبصرہ کیا جائے؟ مجھے ایک پرانا واقعہ یاد آ گیا ہے۔ میں لاہور کے موچی دروازے کے میدان میں ایک چھوٹی سی پارٹی کے جلسے میں موجود تھا۔ تقریباً 250 حاضرین، نماز کی صفوں کی شکل میں بیٹھے تھے۔ پارٹی کے صدر نے مائیک پر کہا کہ ’’ضیاء الحق، دیکھو! عوام کا ٹھاٹھیں مارتا ہوا یہ عظیم الشان سمندر!!!…‘‘
٭ایک بہت اہم بات!! ایک ٹرانسپورٹ کمپنی نے لاہور سے کمالیہ تک بس چلانے کا اعلان کیا ہے…کمپنی سے گزارش ہے کہ کسی طرح چند روزکے لئے سہی، لاہور سے تلہ گنگ تک ایک بس چلا دے، ایک عزیز بیٹی کافی عرصہ سے میرے لئے ساگ (مکھن والا) پکا کر بیٹھی ہے،  بھیجنا مشکل ہو رہا ہے!

ضص

تازہ ترین خبریں

شہباز شریف بڑے سمجھدار ہیں، وہ قدم پھونک پھونک کر رکھیں گے، وزیر داخلہ

شہباز شریف بڑے سمجھدار ہیں، وہ قدم پھونک پھونک کر رکھیں گے، وزیر داخلہ

پرانا وقت دوبارہ لوٹ آیا ۔۔۔۔۔اب سحر و افطار کا اعلان صدیوں پرانی توپ سے ہو گا۔

پرانا وقت دوبارہ لوٹ آیا ۔۔۔۔۔اب سحر و افطار کا اعلان صدیوں پرانی توپ سے ہو گا۔

ملک بھر کی شاہراہوں پر اس وقت کیا چل رہا ہے ؟؟؟ فواد چوہدری نے خوشخبری سنادی

ملک بھر کی شاہراہوں پر اس وقت کیا چل رہا ہے ؟؟؟ فواد چوہدری نے خوشخبری سنادی

حکومت اور اپوزیشن کا ڈیڈ لاک برقرار ۔۔اپوزیشن نے کیا مانگ لیں جس پر حکومت نے صاف انکار کردیا

حکومت اور اپوزیشن کا ڈیڈ لاک برقرار ۔۔اپوزیشن نے کیا مانگ لیں جس پر حکومت نے صاف انکار کردیا

آئی جی پنجاب ہسپتال پہنچ گئے ۔۔۔ وجہ کیا بنی؟ ۔۔ انتہائی اہم خبر سامنے آگئے

آئی جی پنجاب ہسپتال پہنچ گئے ۔۔۔ وجہ کیا بنی؟ ۔۔ انتہائی اہم خبر سامنے آگئے

ویکسین سے خون جمنے لگا ۔۔۔۔ عارضی طور پر فراہمی روک دی گئی ۔۔۔انتہائی اہم خبر سامنے آگئی

ویکسین سے خون جمنے لگا ۔۔۔۔ عارضی طور پر فراہمی روک دی گئی ۔۔۔انتہائی اہم خبر سامنے آگئی

ویکسین سے خون جمنے لگا ۔۔۔۔ عارضی طور پر فراہمی روک دی گئی ۔۔۔انتہائی اہم خبر سامنے آگئی

ویکسین سے خون جمنے لگا ۔۔۔۔ عارضی طور پر فراہمی روک دی گئی ۔۔۔انتہائی اہم خبر سامنے آگئی

کورونا کی تیسری لہر ۔۔۔۔ ملک کا ایسا صوبہ بھی ہے جہاں 24 گھنٹوں میں کوئی ہلاکت نہیں ہوئی ۔۔۔ جان کر آپ بھی خوش ہوجائنگے

کورونا کی تیسری لہر ۔۔۔۔ ملک کا ایسا صوبہ بھی ہے جہاں 24 گھنٹوں میں کوئی ہلاکت نہیں ہوئی ۔۔۔ جان کر آپ بھی خوش ہوجائنگے

آئندہ مالی سال کا بجٹ کتنا ہوگا ۔۔۔۔انتہائی اہم خبر سامنے آگئی

آئندہ مالی سال کا بجٹ کتنا ہوگا ۔۔۔۔انتہائی اہم خبر سامنے آگئی

قیدیوں کو لے کر آنے والی وین کو حادثہ، دو پولیس اہلکار جاں بحق

قیدیوں کو لے کر آنے والی وین کو حادثہ، دو پولیس اہلکار جاں بحق

پاکستان میں سیاست مفادات کا ٹکرائو، سیاسی جماعتیں ایک دوسرے کو استعمال کرتی رہیں، تجزیہ کار

پاکستان میں سیاست مفادات کا ٹکرائو، سیاسی جماعتیں ایک دوسرے کو استعمال کرتی رہیں، تجزیہ کار

جہانگیر ترین جانتے ہیں کہ ان کے خلاف کارروائی کے پیچھے خود عمران خان ہیں،حامدمیر

جہانگیر ترین جانتے ہیں کہ ان کے خلاف کارروائی کے پیچھے خود عمران خان ہیں،حامدمیر

آرمی چیف سے امریکی وزیرخارجہ کا رابطہ،دو طرفہ تعاون پر تبادلہ خیال

آرمی چیف سے امریکی وزیرخارجہ کا رابطہ،دو طرفہ تعاون پر تبادلہ خیال

کابینہ میں تبدیلی ۔ کون کون سی 3وزرا کی چھٹی ہوئی ہے ؟وزیراعظم نے تصدیق کردی۔۔ آج کی بڑی خبر

کابینہ میں تبدیلی ۔ کون کون سی 3وزرا کی چھٹی ہوئی ہے ؟وزیراعظم نے تصدیق کردی۔۔ آج کی بڑی خبر