02:02 pm
چائے ، پانی اور پیزا

چائے ، پانی اور پیزا

02:02 pm

چائے، پانی اور پاپا جونز کے پیزوں کی دھوم مچی ہوئی ہے، ڈی جی آئی ایس پی آر میجر جنرل بابر افتخا ر پنڈی کی طرف آنے پر مولانا فضل الرحمن اور پی ڈی ایم کے دیگر راہنمائوں کو چائے پانی پلانا چاہتے ہیں جبکہ ’’مولانا‘‘ پاپا جونز کے پیزے بھی ساتھ ہی کھاناچاہتے ہیں تو اس میں غلط کیا ہے؟ ایک دوسرے کو کھانے، ’’پلانے‘‘ اور دوستوں میں تحفے، تحائف تقسیم کرنے سے  آپس میں محبت اور پیار بڑھتا ہے’’پلانے‘‘ سے میری مراد چائے، پانی ہی ہے، تاکیداً یہ بات اس لئے لکھنا پڑی کہ ’’پلانے‘‘ سے کوئی غلط مطلب نہ نکال لے، ویسے ’’مولانا‘‘ کو چائے، پانی کے ساتھ ’’آب زم زم‘‘ پینے کا بھی یقینا شوق ہوگا، وہ بھی اگر کوئی پیش کرنا چاہے تو اس سے انکار کفران نعمت سمجھا جائے گا، وہ عناصر کہ جو جرنیلوں اور عسکری اداروں سے ڈراتے  رہتے ہیں کہ خبردار … ادھر کوئی گیا تو وہ ماریں گے ، گرفتار کرکے جیلوں میں ڈالیں گے، یہ کریںگے، وہ کریں گے ، ان مخصوص عناصر کے ان ساری ڈرونی باتوں پر میجر  جنرل بابر افتخار کے اس پیار بھرے جملے نے  خاک ڈال دی کہ اگر پی ڈی ایم والے پنڈی آئے تو چائے پانی پلائیں گے  لیکن یہاں جان کی امان ملے تو عرض کئے دیتا ہوں کہ کبھی وزیراعظم عمران خان بھی بڑے طمطراق سے اعلان کیا کرتے تھے کہ جسے دھرنا دینے کا شوق ہو وہ اسلام آباد آئے   تو ان کی طرف سے کنٹینر اور کھانا پیش کیا جائے گا  نجانے ان کا یہ اعلان اب تک برقرار ہے یا پھر وہ اس سے بھی یوٹرن لے چکے ہیں، اگر خدانخواستہ پی ڈی ایم والے چائے، پانی اور پیزہ کھانے پنڈی کی طرف چل پڑے تو  پھر سچ بتائیے گا ، ماریں گے تو نہیں؟
بہرحال سیاست میں یہ ہلکی پھلکی باتیں حس مزاح کی تسکین تک ہی محدود  رہیں تو بھلی لگتی ہیں  اس لئے کہ پاک فوج ہو یا پی ڈی ایم والے یہ سب اس دھرتی ہی کے بیٹے ہیں ، یہ سب پاکستانی ہیں اور ان سب کو پاکستان سے پیار ہے ،پاک فوج کے بانکے سجیلے جوان تو روز ملکی سرحدات کی پہریداری کے فرائض سرانجام دیتے ہوئے شہادتوں کے جام نوش کرتے ہیں… جی ہاں ’’شہادت‘‘ ’’پیرومرشد‘‘ کہا کرتے تھے کہ ’’شہادت‘‘ شہد سے میٹھا اور لذیذ موضوع ہے ، اسی لئے تو خاتم الانبیاءﷺ نے ارشاد فرمایا ہے کہ شہید کے خون کا قطرہ زمین پر گرنے سے پہلے … آسمان کا رب اس کے کبیرہ، صغیرہ گناہ معاف فرما دیتا ہے … قرآن پاک میں اللہ پاک نے ’’شہید‘‘ کو ’’مردہ‘‘ کہنے پر پابندی لگا رکھی ہے،ملکی سرحدات کو اپنے جوانوں کے لہو سے سیراب کرنے والی پاک فوج پر ملک کا ایک ایک بچہ فخر کرتا ہے  اور میں ذاتی طور پر جانتا ہوں کہ مولانا فضل الرحمن  بھی نہ صرف اس پاک فوج کا دل سے احترام کرتے ہیں بلکہ گزشتہ سال ہی ان کی جماعت نے ان کے حکم پر پاک فوج سے اظہار یکجہتی کا دن بھی منایا تھا۔
گزشتہ سال آزادی مارچ کے موقع پر سابق ڈی جی آئی ایس پی آر مولانا فضل الرحمن کی حب الوطنی کو ہر قسم کے شک و شبہ سے بالاتر قرار دے چکے ہیں، نجانے وزیراعظم عمران خان اور ان کے وزراء کی فوج ظفر موج کو کس  ’’حکیم‘‘ نے اطلاع دی کہ پی ڈی ایم والے غدار ہیں پی ڈی ایم  والے  انڈین اور اسرائیلی ایجنڈے پر عمل پیرا ہیں، حکمرانوں کاکام غداری کے سرٹیفکیٹ بانٹنا نہیں ہوتا بلکہ اگر کوئی غدار ہو تو اس  کے عدالت کے سامنے ثبوت پیش کرکے اسے قرا ر واقعی سزا دلوانا ہوتا ہے، کیا یہ حیرت کی بات نہیں ہے کہ وزیراعظم اور وفاقی وزراء کا بیانیہ جس پی ڈی ایم کے حوالے سے یہ ہے کہ یہ غدا  ر ہیں، یہ انڈیا اور اسرائیل کے ایجنڈے پر عمل پیرا ہیں۔ یہ فوج اور حکومت کے خلاف سازش کررہے ہیں، اسی پی ڈی ایم کے حوالے سے جب آئی ایس پی آر کے ترجمان سے سوال کیا جاتا ہے تو وہ بڑے نرم  انداز میں جواب دیتے ہیں کہ ’’پی ڈی ایم والے پنڈی آئے تو چائے پانی پلائیں گے‘‘ اس کا واضح مطلب ہے کہ ’’ادارہ‘‘ پی ڈی ایم والوں کو غدا ر نہیں سمجھتا، عمران خان وزیراعظم بننے کے بعد بھی اگر نفرت کے گھوڑے سے نیچے  اتر کر اپوزیشن کے ساتھ مل بیٹھتے تو آج یقینا حالات مختلف ہوتے ، یاد رہے کہ اپوزیشن سے مراد وہ سیاست دان ہیں کہ جن پر نہ  تو کوئی کرپشن کا الزام ہے اور نہ ثبوت، جارج ڈبلیو بش کا یہ کروسیڈی اصول کہ جو دہشت گردو ں کے خلاف جنگ میں امریکہ کا ساتھ نہیں دے گا اس کا دوسرا مطلب یہ کہ  وہ دہشت گردوں کا ساتھی ہوگا، یہاں بھی اپنالیا گیا، یعنی جو عمران خان کا ساتھی یا حکومت کا حامی نہیں ہوگا دراصل وہ کرپٹ ہوگا، اس ’’اصول‘‘ کو بنیاد بناکر سیاست میں نفرت بھرے نعروں کا زہر گھولا گیا، پگڑیاں اچھالی گئیں … میڈیا ٹرائل کیا گیا، اس سے بڑا ظالم کون ہوگا کہ جو فوج کے ادار ے کو متنازعہ بنانے کی کوشش کرے گا؟ غلطیاں حکمرانوں سے بھی ہوتی ہیں، غلطیوں سے مبراء جرنیل بھی نہیں ہیں ، فوج  ایک خالص پروفیشنل ادار ہ ہے ، اسے نہ سیاست میں مداخلت کرنی چاہیے اور نہ ہی کسی شخص کو اسے جان بوجھ کر سیاست میں گھسیٹنا چاہیے، پرویز مشرف جیسے ڈکٹیٹروں نے اس ادارے کو بدنام کرنے کی جو کوشش کی تو جوانوں نے  اپنے لہو کا خراج دے کر اس مقدس ادارے کو نہ صرف مضبوط کیا بلکہ اس کی حرمت پر حرف بھی نہ آنے دیا۔
سیاست دان ہوں، حکمران ہوں، اسٹیبلشمنٹ ہو یا میڈیا ہم سب کو بحیثیت قوم ماضی کی غلطیوں سے سبق سیکھنے کی ضرورت ہے، آج پاکستان جس خوفناک معاشی اور سیاسی بحران کا شکار  ہے اس سے پہلے شائد یہی اس ملک پر اتنا برا وقت آیا ہو، عوام یہ بات بڑی شدت سے محسوس کررہے ہیں … حکمران مہنگائی کو عروج بخش کر ان کے منہ سے روٹی کا نوالہ چھیننے کی کوشش کررہے ہیںجنہوں نے عوام کیلئے امید کی کرن بننا ہے، اگر وہ آپس میں ہی دست و گریبان رہیں گے تو پھر ملک و قوم کاکیا بنے گا؟

 

تازہ ترین خبریں

آرمی چیف جنرل قمر جاوید باجوہ کا دورہ سیالکوٹ گیریژن ، جوانوں اور افسران سے خطاب بھی کیا

آرمی چیف جنرل قمر جاوید باجوہ کا دورہ سیالکوٹ گیریژن ، جوانوں اور افسران سے خطاب بھی کیا

دارالامان میں موجود 13سالہ لڑکی تین مہینے کی حاملہ نکل آئی

دارالامان میں موجود 13سالہ لڑکی تین مہینے کی حاملہ نکل آئی

فارن فنڈنگ کیس کا معاملہ ، پی ٹی آئی کو کسی اسرائیلی نے فنڈز نہیں دئے ۔  پی ٹی آئی کے رہنما فرخ حبیب کا تہلکہ خیز انکشاف 

فارن فنڈنگ کیس کا معاملہ ، پی ٹی آئی کو کسی اسرائیلی نے فنڈز نہیں دئے ۔  پی ٹی آئی کے رہنما فرخ حبیب کا تہلکہ خیز انکشاف 

چارجڈ پارکنگ سے غیر قانونی پیسے کمانے کا معاملہ ۔۔ کے ایم سی نے چارجڈ پارکنگ نیلام کرنے کا فیصلہ کرلیا 

چارجڈ پارکنگ سے غیر قانونی پیسے کمانے کا معاملہ ۔۔ کے ایم سی نے چارجڈ پارکنگ نیلام کرنے کا فیصلہ کرلیا 

ڈائریکٹرایف آئی اے کو عہدے سے ہٹا دیا

ڈائریکٹرایف آئی اے کو عہدے سے ہٹا دیا

پولیس اہلکار نے پڑوسی خاتون سے زبردستی کر ڈالی

پولیس اہلکار نے پڑوسی خاتون سے زبردستی کر ڈالی

حیات بلوچ کو قتل کرنے والے ایف سی اہلکار کو سزائے موت

حیات بلوچ کو قتل کرنے والے ایف سی اہلکار کو سزائے موت

جو بائیڈن پاکستان کیساتھ کام کرنے کے خواہشمند ، عمران خان اور ان کے مابین پہلے ہی پیغامات کا تبادلہ ہو چکا ہے۔شاہ محمود قریشی

جو بائیڈن پاکستان کیساتھ کام کرنے کے خواہشمند ، عمران خان اور ان کے مابین پہلے ہی پیغامات کا تبادلہ ہو چکا ہے۔شاہ محمود قریشی

امریکہ کے نامزد وزیر دفاع کا پاکستان کیساتھ ملٹری تعلقات بڑھانے کا اعلان ۔۔ باہمی تعاون کو فروغ دیں گے۔ لائڈ آسٹن 

امریکہ کے نامزد وزیر دفاع کا پاکستان کیساتھ ملٹری تعلقات بڑھانے کا اعلان ۔۔ باہمی تعاون کو فروغ دیں گے۔ لائڈ آسٹن 

سندھ میںمیٹرک اور انٹر میڈیٹ کے امتحانات کی تاریخ کا اعلان

سندھ میںمیٹرک اور انٹر میڈیٹ کے امتحانات کی تاریخ کا اعلان

 وزیراعظم کافارن فنڈنگ کیس کی اوپن سماعت کا چلنج

وزیراعظم کافارن فنڈنگ کیس کی اوپن سماعت کا چلنج

 عمران خان این آراو نہ دینے کی رٹ لگا کر اپوزیشن سے این آراو کی بھیک مانگ رہے ہیں۔ شازیہ مری

عمران خان این آراو نہ دینے کی رٹ لگا کر اپوزیشن سے این آراو کی بھیک مانگ رہے ہیں۔ شازیہ مری

 مولانا مدرسے کے بچوں کو استعمال کرکے حکومت کو بلیک میل کرتے ہیں ۔  فار ن فنڈنگ کو پبلک کرنے کے حق میں ہوں۔ عمران خان 

 مولانا مدرسے کے بچوں کو استعمال کرکے حکومت کو بلیک میل کرتے ہیں ۔  فار ن فنڈنگ کو پبلک کرنے کے حق میں ہوں۔ عمران خان 

لکی مروت میں جیل سے رہائی پانے والے افراد پر فائرنگ ۔۔۔ 5 افراد موت کے گھاٹ اتار دئے گئے 

لکی مروت میں جیل سے رہائی پانے والے افراد پر فائرنگ ۔۔۔ 5 افراد موت کے گھاٹ اتار دئے گئے