01:54 pm
سعود یہ مخالف، ایران موافق، نئے امریکی عہد کی آمد

سعود یہ مخالف، ایران موافق، نئے امریکی عہد کی آمد

01:54 pm

جوبائیڈن عہد کی آمد سے ایران مخالف امریکی عہد ختم ہوچکا ہے۔ ایرن پر جو صدر ٹرمپ کے تیار کردہ نیتن یاہو و عرب اتحاد کا شد ید مخالفانہ   عہد تھا و ہ اب تمام ہوچکا ہے۔ اگر جذباتی ، مشتعل مذہبی ایرانی ذہن20 جنوری سے پہلے جنرل سلیمانی کے قتل کے انتقام کے نام پر کچھ ’’بڑا کام‘‘ کر دیتے تو یقینا ایران پر حملہ ہو جانا  تھا۔ ماہرین نجوم و فلکیات بار  بار میرے سامنے ان خدشات اور اندیشوں کا ذکر کرکے مجھے کہتے کہ لکھو کہ ایرانی اذہان 20 جنوری تک بہت زیادہ ضبط نفس اور صبر سے کام لے ورنہ مارے جائیں گے۔مقام شکر ہے کہ ایرانی مدبرین دور اندیش نکلے۔
قرآن پاک میں  ہے کہ ’’ہم یہ دن انسانوں میں تبدیل کرتے رہتے ہیں‘‘ صدر ٹرمپ کاعہد، محمد بن سلمان، نیتن یاہو، جیرڈکشنر کا ایران مخالف  کردار واضح طور پر  قدم قدم پر طلوع ہوتا تھا، صدر ٹرمپ نے جمال خاشقجی قتل کو نظر انداز کیا تھا، سعودیہ اور عربوں کی بھرپور مدد کی تھی، اپنا اسلحہ خوب بیچا، یمن جنگ میں حمایت کی۔ یمن جنگ کے حوالے سے تو میں بھی سعودیہ، امارات اتحاد کی مکمل حمایت کرتا رہا ہوں، آج بھی یمن کے حوالے سے سعودی اندیشے، خدشات، خطرات کو درست سمجھتا رہا ہوں۔ اسی لئے یمن کے حوالے سے  میں نے حوثیوں کے خلاف  اکثر کالم لکھے تھے آج بھی حوثیوں کو مکمل فتنہ سمجھتا ہوں اور فتنے کی سرپرستی کوئی بھی کرے اس پر تنقید کرنا ضروری سمجھتا ہوں۔
میری خواہش ہے کہ ماضی بعید کی یمن میں زیدی بادشاہت واپس لوٹ آئے۔ مگر یہ  اکیلے حوثیوں کی بادشاہت ہرگز نہ ہو بلکہ 70 فیصد شافعی اور زیدیوں کی مشترکہ متفقہ بادشاہت ہو۔
صدر بائیڈن انتظامیہ میں صدر اوبامہ عہد کے اور صدر بش عہد کے جنگجو جمع ہوچکے ہیں جبکہ صدر اوبامہ کا عہد عربوں سے بھرپور بے وفائی ، منافقت اور ایران سے بہت زیادہ قرب کا عہد تھا۔ بظاہر اب یہی عہد دوبارہ لوٹ آیا ہے جوبائیڈن انتظامیہ ایران کے ساتھ ایٹمی معاہدے کے حوالے سے مذاکرات کا آغاز کرچکی ہے جبکہ امریکہ یورپی اتحاد میں واپس آرہا ہے۔
جوبائیڈن عہد کے آنے سے ایران کی اپنی حکمت عملی بھی تبدیل ہو رہی ہے گزشتہ چالیس سال میں پہلی مرتبہ کسی ایرانی وزیر دفاع نے بھارت کا دورہ کیا ہے۔ مجھ سے کچھ اطراف نے بار بار کہا ہے کہ چین اور پاکستان کو چھوڑ کر  اب ایران    دوبارہ  سے بھارت اور امریکہ کا اتحاد بن رہا ہے؟
ماضی میں امارات، سعودیہ، بحرین وغیرہ مکمل بھارت نواز ہوچکے تھے۔ جبکہ چاہ بہار سے بھارت کو نکال دینے کے بعد ایران، چین اور پاکستان کی طرف کھل کر چلا گیا تھا  مگر اب یہ سب کچھ تبدیل ہوتا ہوا محسوس ہورہا ہے۔
صدر جوبائیڈن چین سے کشیدگی کم اور  روس کو اپنا اصل دشمن بتانے میں نئی امریکی سیاسی کارخ پیش کررہے ہیں۔ گویا خود امریکی رویئے میں اسٹرٹیجک یہ تبدیلی اور انسانی حقوق اور جمہوریت کے حوالے  سے شدید دبائو کا نیا عہد بن رہا ہے۔ میانمار کی فوجی حکومت پر شدید دبائو اس کا مظہر ہے مگر بھارت پر تاحال دبائو موجود نہیں۔
صدر جوبائیڈن نے محمد بن سلمان کو  واحد فیصلہ ساز سعودی ذہن قبول کرنے کی بجائے شاہ سلمان کے آئینی منصب سے رابطے بحال کرنے کا اعلان کیا ہے۔ گویا وائٹ ہائوس میں ذاتی طور پر محمد بن سلمان کی مخالفت کا عہد طلوع ہوچکا ہے یوں آل سعود کے دیگر شہزادوں کی اہمیت بحال ہوسکتی ہے۔ امریکہ معتوب شہزادوں کو سامنے لانے کی کوشش کرسکتا ہے ۔ کیا سعودی عرب کے لئے بائیڈن انتظامیہ کی پالیسیاں مستقبل میں کافی مسائل پیدا کریںگی؟ جوبائیڈن انتظامیہ اگلے ہفتے ایک انٹیلی جنس رپورٹ منظر عام پر لارہی ہے جس کے سبب جوبائیڈن انتظامیہ کے سعودی عرب سے تعلقات کافی کشیدہ ہوسکتے ہیں یعنی محمد بن سلمان سے ذاتی طور پر زیادہ تلخی  ، کشیدگی اور جواب میں محمد بن سلمان کا ردعمل کیا ہوگا؟
نیتن یاہو کے خلاف بھی جوبائیڈن انتظامیہ وہ رویہ اپنائے گی جو اسرائیل کی داخلی سیاست میں امریکہ کو غیر جانبدار بناسکے۔ شام میں نیتن یاہو کے حملے کا اندیشہ بڑھ رہا ہے۔  دیار الزور میں ایرانی ملیشیا اپنا اسلحہ زمین دوز تہہ خانوں اور سرنگوں میں منتقل کررہے ہیں جبکہ روس ایک ائیرپورٹ بند کرکے اسرائیلی حملے کے لئے  میدان صاف کرچکا ہے۔ گویا شام میں اگر لڑائی  ہو تو اس میں روس شامل نہ ہو بلکہ ایران و اسرائیل میں ہو، مطلب نیتن یاہو کے ساتھ۔

تازہ ترین خبریں

بلاول بھٹو کی چودھری برادران سے ملاقات، سیاسی صورتحال پر تبادلہ خیال

بلاول بھٹو کی چودھری برادران سے ملاقات، سیاسی صورتحال پر تبادلہ خیال

یااللہ خیر،3.4شدت کازلزلہ،لوگ کلمہ طیبہ کاوردکرتے ہوئے گھروں سے باہرنکل آئے

یااللہ خیر،3.4شدت کازلزلہ،لوگ کلمہ طیبہ کاوردکرتے ہوئے گھروں سے باہرنکل آئے

شیخ رشید کی عمران خان سے مصافحہ کی خبروں کی وضاحت

شیخ رشید کی عمران خان سے مصافحہ کی خبروں کی وضاحت

’’وزیراعظم نے مہنگائی کیخلاف جہاد کا اعلان کردیا‘‘

’’وزیراعظم نے مہنگائی کیخلاف جہاد کا اعلان کردیا‘‘

اعتماد کا ووٹ لینے کے بعد وزیراعظم عمران خان کو ایک اور چیلنج کا سامنا

اعتماد کا ووٹ لینے کے بعد وزیراعظم عمران خان کو ایک اور چیلنج کا سامنا

مسلم لیگ ن کا این اے 249 کے لیے مفتاح اسماعیل کو ٹکٹ دینے کا فیصلہ

مسلم لیگ ن کا این اے 249 کے لیے مفتاح اسماعیل کو ٹکٹ دینے کا فیصلہ

لوٹوں کے متعلق خوب جانتا ہوں ، ووٹ لینا مجبوری تھی لیکن ۔۔۔ عمران خان آگے  کیا کرنے جا رہے ہیں ؟

لوٹوں کے متعلق خوب جانتا ہوں ، ووٹ لینا مجبوری تھی لیکن ۔۔۔ عمران خان آگے کیا کرنے جا رہے ہیں ؟

حمزہ کا بلاول کیلئے ظہرانہ، کھانے میں کیا ہوگا؟خبر پڑھ کر آپ بھی ششدر رہ جائینگے

حمزہ کا بلاول کیلئے ظہرانہ، کھانے میں کیا ہوگا؟خبر پڑھ کر آپ بھی ششدر رہ جائینگے

وہی ہوا جس کا خدشہ تھا !!پی ڈی ایم میں سینیٹ الیکشن کے معاملے پر اختلافات سر اٹھانے لگے

وہی ہوا جس کا خدشہ تھا !!پی ڈی ایم میں سینیٹ الیکشن کے معاملے پر اختلافات سر اٹھانے لگے

بزرگ افراد کو کورونا سے بچائو کی ویکسین10 مارچ سے لگائی جائیگی

بزرگ افراد کو کورونا سے بچائو کی ویکسین10 مارچ سے لگائی جائیگی

 بلاول حمزہ شہباز سے ملاقات کیلئے ماڈل ٹاؤن پہنچ گئے

بلاول حمزہ شہباز سے ملاقات کیلئے ماڈل ٹاؤن پہنچ گئے

لیگی رہنمائوں پر حملہ :واقعہ کی مکمل انکوائری کرائی جائے گی، سپیکر قومی اسمبلی

لیگی رہنمائوں پر حملہ :واقعہ کی مکمل انکوائری کرائی جائے گی، سپیکر قومی اسمبلی

چھٹی کے دن خوفناک دھماکا،بچوں سمیت متعددافرادبارے انتہائی افسوسناک خبرآگئی

چھٹی کے دن خوفناک دھماکا،بچوں سمیت متعددافرادبارے انتہائی افسوسناک خبرآگئی

گوادر میں پاک فوج کی گاڑی پرحملہ ،جوانوں کی شہادت کی اطلاعات

گوادر میں پاک فوج کی گاڑی پرحملہ ،جوانوں کی شہادت کی اطلاعات