بھارت میںتاریخی بابری مسجد ،مقبوضہ جموں وکشمیر میں حضرت بل پر حملے اور درگاہوں کو جلانے پر ان ممالک نے احتجاج کا ایک لفظ بھی نہیں ادا کیا ، بلکہ وہ بھارت کو مضبوط کرنے کے لئے  (100) ارب ڈالر کی امداد پیش کررہے ہیں۔ جو قبول کرلی گئی ۔ عالمی دہشت گردوں کے محافظ امریکہ نے12/13مئی سے شروع ہونے والے سلامتی کونسل کے اجلاس میں چین ،تیونس اور دیگر ممالک کی مشترکہ قرارداد پر مشترکہ اعلامیہ، آج 18مئی 2021تک  تیسری مرتبہ رکوادیا ۔ وہ اس عمل کو اس وقت تک رکوانا چاہتا ہے جب تک اسرائیل اپنی بحری ،زمینی اور فضائی حملوں کے ذریعے فلسطینیوں کو مکمل طورپر تباہ نہیں کردیتا ۔
اس وقت تک مسلم عوام کی چند تنظیموں ،اور ایران کے سوال کوئی ملک کھل کر فلسطینی عوام کے خلاف مظالم پرعملی طورپر سامنے نہیں آیا ۔سلامتی کونسل میں مکمل ناکامی کے بعد 20مئی 2021کو اقوام متحدی کی جنرل اسمبلی میں ہونے والی جذباتی تقریروں کے سوا کچھ نہیں ہوگا ،امریکہ ،فرانس انہیں مسترد کردیںگے ۔برما ،بھارت اور اسرائیل مسلمانوں کے خلاف ریاستی دہشت گردی جاری رکھیں گے ۔
 بدقسمت مسلمان ممالک مجرمانہ خاموشی سے خود کو محفوظ سمجھتے ہوئے غلامانہ پالیسیوں کے باوجود اپنی باری آنے پر تباہی کا شکار ہوں گے ،جس طرح کویت ،عراق، لیبیا،کے ساتھ ہوا ۔جن کے مقابلے میں،سپرپاور امریکہ کو افغانستان کے مجاہدوں نے فتح عظیم پائی ۔اورامریکہ کو بدترین شکست کے بعد خاک چاٹنے پر مجبورکردیا ۔    اسرائیل ہر قیمت پر مسلمانوں کے قبلہ اول کو شہید کردینا چاہتا ہے ۔وہ جانتا ہے کہ جو ملک بھارت میںبابری مسجد ،حضرت بل ،اور دیگر مساجدکی شہادت پر مجرمانہ خاموشی اختیار کئے رہے ۔وہ قبل اول کی شہادت پربھی خاموش ہی رہیںگے ۔جہاںتک احتجاج کا معاملہ ہے تو وہ ان ممالک کے لوگ بامقصد  مظاہروں اور پراثر حتجاج کی بجائے اپنے ہی ملکی اور عوامی اثاثوں کو توڑ پھوڑ اور جلائو گھیرائو سے تباہ کریں گے ۔ ، احتجاج کا موثر ترین طریقہ پرامن مظاہرے اور ان ممالک کی اشیاء  کا بائیکاٹ ہے ۔ اگر مسلم ممالک کے عوام اپنے برمی ،کشمیری اور فلسطینی عوام کے خلاف عالمی دہشتگردوں کی جارحیت رکوانا چاہتے ہیں تو وہ اجتماعی طورپر ان ممالک کے سامان اور اشیائے ضرورت کی مکمل طورپر بائیکاٹ کریں  ان کے خلاف اقوام متحدہ اور عالمی طاقتیں کبھی بھی کاروائی کا نہیں سوچ سکتی ماسوائے زبانی جمع خرچ کے  لیکن امت مسلمہ نام کی اگر کوئی چیز ہے تو اسے اپنے غلام اور لٹیرے حکمرانوں کی بجائے خود کو متحد کرنا ہوگا تاکہ وہ تجارتی بائیکاٹ کے ذریعے انہیں خاک چاٹنے پر مجبور کریں ۔ اللہ کرے یہ بیچاری قوم بیدار ہو اور اسے باعزت ، باوقار ،باکردار قیادت نصیب فرماوے ،جو صرف اور صرف اللہ سے ڈریں اور اس کے دین کی سربلندی اورامت کی بقاء کے لئے مفاہمت اور خوف سے بالاتر ہوکر جدوجہد کریں ۔ ورنہ اللہ کرے وہ وقت نہ آئے اسرائیلی بیت المقدس ،قبلہ اول کو شہید کردیں گے چند ہزار فلسطینی مسلمانوں کو بے دردی سے شہید کردیں گے ۔ مسلم امہ روتی پیٹتی رہے گی ۔ ناقابل تردید حقیقت یہ ہے کہ خواہ دنیا ساتھ دے یا نہ دے ویت نام اور افغانستان کی طرح مقبوضہ جموں وکشمیر اور فلسطین کے عوام اپنی جدوجہد آزادی کے لئے  لازوال جذ بوں ، اور بے مثال قربانیوں سے عالمی دہشت گرد طاقتوں کو عبرت ناک شکست دیکر آزادی حاصل کریں گے ۔
امریکہ اور اسرائیل کی بدحواسی اور پریشانی کی دوسری بڑی وجہ چین اور روس کا انہیں واضح الفاظ میں وارننگ دینا ہے کہ ، ’’اسرائیل کو کوئی حق نہیں کہ وہ فلسطینیوں کی زمین کے ایک انچ پر بھی قبضہ کرے‘‘
یہ ممالک امریکہ اور اسرائیل کو عالمی غنڈہ گردی سے روکنے کے لئے سبق سکھانا چاہتے ہیں۔ ان کی خفیہ ایجنسیوں نے انہیں اطلاع دے دی ہے کہ امریکہ اور اسرائیل کی حکومت اور یہودی تنظیموں کا اصل مقصد مسلمانوں کے قبلہ اول مسجد اقصیٰ کو شہید کرنا ہے ۔یہ حقیقت بھی واضح ہوگئی کہ فلسطینی تنظیم حماس نے امریکہ اور اسرائیل کے یہ دعوے غلط ثابت کردیئے کہ ان کا فضائی دفاع کا نظام آئرن ڈوم، ناقابل تسخیر ہے ۔ ان کے راکٹ اس کا تمسخر اڑاتے ہوئے اپنے اہداف کو نشانہ بنارہے ہیں۔ وہ اسرائیلی حملوں کا موثر جواب دے رہے ہیں۔حماس نے مسجد اقصی ٰ میں موجود فلسطینی مسلمانوں کو واضح پیغام دیاہے کہ تم یہودی فوج کو مسجد اقصیٰ میں داخل نہ ہونے دو،اس کی حفاظت کرو ۔جانیں قربان کرنے اور اسرائیلیوں کو سبق سکھانے کے لئے ہم موجود ہیں۔اب وہ دن دور نہیں جب اللہ تعالیٰ کے فضل وکرم سے فلسطین اور قبلہ اول یہودیوں کے قبضہ سے آزاد ہوں گے۔ان شااللہ