12:57 pm
وفاق المدارس! تینوں رب دیاں رکھاں

وفاق المدارس! تینوں رب دیاں رکھاں

12:57 pm

’’وفاق المدارس العربیہ‘‘ کوئی کانچ کا برتن نہیں کہ جسے جب، جو چاہے زمین پر پھینک کر کرچی کرچی کر ڈالے، بلکہ وفاق المدارس وہ عظیم تعلیمی بورڈ ہے کہ جس کو پرویز مشرف جیسا رسوا کن ڈکٹیٹر بھی ایک بہت بڑی ایسی این اجی او قرار دیتا تھا کہ جس سے قوم  کے لاکھوں بچوں کا مستقبل جڑا ہوا ہے، یاد رہے کہ جب میں ’’وفاق المدارس‘‘ کی بات کرتا ہوں  تو اس سے مراد کوئی خاص شخصیت نہیں، بلکہ وہ تعلیمی بورڈہوتا ہے کہ جس کے جھنڈے تلے ہر سال  پاکستانی قوم کے ساٹھ سے ستر ہزار بچے حافظ قرآن بنتے ہیں۔ پاکستان کی تاریخ میں یہ واحد وہ تعلیمی بورڈ ہے کہ جس کے ساتھ 21ہزار سے زائد دینی مدارس اور ان دینی مدارس میں زیر تعلیم 30لاکھ کے لگ بھگ طلباء و طالبات وابستہ ہیں، میرا لنڈے کے لبرلز اور سیکولرز کو ایک دفعہ پھر چیلنج ہے کہ وہ ’’وفاق المدارس العربیہ پاکستان‘‘ کے مقابلے میں کوئی ایک ایسا تعلیمی بورڈ پیش کریں کہ جس کے نصاب تعلیم سے لے کر طریقہ امتحان تک ’’وفاق‘‘ سے بہتر ہو؟
وفاق المدارس کے تحت دینی مدارس کے نصاب تعلیم، طریقہ تعلیم و تربیت کو پوری دنیا کے مسلمانوں میں سراہا جاتا ہے، جبھی تو دنیا بھر کے مسلم اور غیر مسلم ممالک کے مسلمان طلباء سینکڑوں کی تعداد میں پاکستان کے دینی مدارس آکر نہ صرف داخلہ لیتے ہیں بلکہ سالہاسال تک اپنی علمی پیاس بھی بجھاتے ہیں، اس سب کے باوجود میرا یہ ماننا ہے کہ دینی مدارس کے نصاب میں اصلاح کی گنجائش موجود ہے اور میری معلومات کے مطابق وفاق المدارس اور دینی مدارس کے اکابرین وقتاً فوقتاً نصاب تعلیم میں مزید بہتری لانے کی کوششیں بھی کرتے رہتے ہیں، یادش بخیر، پاکستان کے نصاب تعلیم میں بہتری لانے کی فکر، سب سے پہلے ظلم و جبر میں بدنام زمانہ امریکی صدر جارج ڈبلیو بش کو لاحق ہوئی تھی کہ جب انہوں نے یہ بیان دیا تھا کہ ’’میں نے صدر پرویز مشرف سے تعلیمی نظام اور نصاب میں بہتری لانے کے لئے کہا ہے اور وہ یہ کام کر رہے ہیں‘‘ پھر جب پاکستان کے اس وقت کے وزیر تعلیم جاوید اشرف قاضی  دورہ امریکہ پر گئے تو ان سے بھی کہا گیا کہ ’’پاکستان کے درسی نصاب سے عیسائیوں اور یہودیوں کے خلاف مواد خارج کیا جائے، کیونکہ یہ سب کچھ ناقابل قبول ہے‘‘  اور پھر وہ دور بھی رسواکن ڈکٹیٹر کا ہی تھا کہ جب ایک خاتون زبیدہ جلال کو وزیر تعلیم بنایا گیا، پھر انہوں نے امریکہ کا خصوصی دورہ کیا تھا، لیکن اس خاتون  وزیر تعلیم کو امریکہ میں خصوصی پروٹوکول دیا گیا، وہی زمانہ تھا کہ جب شہنشاہ عالم پناہ! امریکہ نے مدارس کو جدید خطوط پر ڈھالنے اور تعلیم  اصلاحات کے نام پر ڈالرز فراہم کرنے کا ٹھیکہ بھی اٹھا لیا، اگر آپ کی یاد تازہ ہو تو آغا خان تعلیمی بورڈ کا قیام اسی سلسلے کی ایک کڑی تھا کہ شدید مخالفت کے باوجود جسے قائم کیاگیا، جارج ڈبلیو بش سے لے کر ’’جوبائیڈن‘‘ تک پاکستان کے دینی مدارس کو ایک خاص زاویہ نگاہ سے دیکھتے ہیں۔
وہ دینی مدارس کو دہشت گردی اور انتہا پسندی کے مراکز قرار دیتے ہیں کہ جہاں یہود و نصاریٰ کے خلاف نفرت کی تعلیم دی جاتی ہے، حالانکہ یہ بات سراسر لغو اور جھوٹ پر مبنی ہے، بہرحال امریکہ کا خیال یہ ہے کہ دینی مدارس کے نصاب کو اتنا جدید سانچوں میں ڈھال دیا جائے کہ جس میں قرآن و حدیث کی مرکزیت کو پس منظر میں دھکیل دیا جائے، دینی مدارس میں اگر قرآن و حدیث پڑھایا بھی جائے تو محض ایک  ایسے سبجیکٹ کے طور پر کہ جسے پڑھنے کے بعد مدرسے سے فارغ ہونے والا طالب علم جب عملی زندگی میں آئے تو اس کی آمدنی میں اضافہ تو ہو لیکن اس کے اندر پھڑکنے والی مخصوص اسلامی ’’رگ‘‘ اور غیرت بھی ’’آمدن‘‘ کے بوجھ تلے دب کر مصلحت کی چادر تان کر ہمیشہ ہمیشہ کے لئے گہری نیند میں ڈوب جائے۔
امریکہ صرف مدارس ہی نہیں بلکہ سکولوں، کالجوں اور یونیورسٹیوں کے نصاب تعلیم سے بھی جہادی آیات، نامور مسلم ہیروزاور نظریہ پاکستان کو بھی نکال باہر کرنے کا خواہش مند ہے، امریکہ چاہتا ہے کہ دینی مدارس ہوں یا سکولز، کالج اور یونیورسٹیاں طلباء و طالبات کو قرآن و حدیث کی ان قیمتی تعلیمات سے دور رکھا جائے کہ جو جہاد کا درس دیتی ہیں۔‘‘ رسواکن ڈکٹیٹر پرویز مشرف سے لے کر وزیراعظم عمران خان تک اور پاکستان میں موجود امریکی پٹاری کے اینکرز، اینکرنیاں اور دانش فروش بے چار مجبور محض ہیں، انہیں وہی کچھ کہنا اور کرنا پڑتا ہے کہ جو امریکہ کہتا اور کروانا چاہتا ہے، وفاق المدارس کو آج جو اپنی بقاء کی جنگ درپیش ہے اس کا  پس منظر اس خاکسار نے مختصراً اس لئے لکھنا ضروری سمجھا تاکہ قارئین تہہ در تہہ ہونے والی سازشوں سے بھی باخبر ہوسکیں، خدا گواہ ہے کہ دینی مدارس کے حوالے سے لکھتے ہوئے میرے ذہن میں نہ تو کسی خاص شخصیت کی محبت اور نہ  ہی خاص شخصیت کی نفرت ہوتی ہے، کیونکہ میں سمجھتا ہوں کہ ’’دینی مدارس‘‘ کسی مولوی کی جاگیر نہیں، بلکہ پاکستان کا وہ قیمتی اثاثہ ہیں کہ جن کے اعلیٰ کردار پر تاریخ ہمیشہ نازاں رہے گی، میں ’’دینی مدارس‘‘ کو جب عالمی سازشوں کے تناظر میں دیکھتا ہوں...تو مجھے ان ’’کٹھ پتلیوں‘‘ پر ترس آتا ہے کہ جو اپنے چھوٹے چھوٹے مفادات  اور بوٹی کے لئے دوسروں کا پورا بیل ذبح کرنے پر تل جاتے ہیں، اس دوران دینی مدارس کو این جی اوز کے جال میں پھنسانے کی کوششیں کی گئیں اور اس حوالے سے اس خاکسار کے کالمز روزنامہ اوصاف کے ادارئیے اور خبریں ریکارڈ پر موجود ہیں۔ قوم کے 30لاکھ کے لگ بھگ بچوں اور بچیوں کو زیور تعلیم سے آراستہ کرنے اور ان کی کفالت کرنے والے عظیم تعلیمی بورڈ ’’وفاق المدارس‘‘ سے اس کے بعض ذمہ داروں کی غلطیوں اور کوتاہیوں کے باوجود ہمیں اس لئے پیار ہے کہ گزشتہ 20سالوں سے اس نے اپنے خلاف اٹھنے والے بڑے بڑے طوفانوں میں بھی ’’علم‘‘ کی شمع کو جلائے رکھا۔

تازہ ترین خبریں

فن لینڈ کی کم عمر وزیراعظم سنا مارین کی پارٹی کرتے ہوئے ویڈیو لیک ہوگئی، ویڈیو لنک میں ، عوام شدید غصے میں 

فن لینڈ کی کم عمر وزیراعظم سنا مارین کی پارٹی کرتے ہوئے ویڈیو لیک ہوگئی، ویڈیو لنک میں ، عوام شدید غصے میں 

عمران خان کی نااہلی کا فیصلہ چیف الیکشن کمشنر کو موصول ہوگیا، نااہلی پکی ، کپتان نے فائنل اننگز کھیلنےکیلئے کمر کس لی

عمران خان کی نااہلی کا فیصلہ چیف الیکشن کمشنر کو موصول ہوگیا، نااہلی پکی ، کپتان نے فائنل اننگز کھیلنےکیلئے کمر کس لی

’’استاد پھر استاد ہوتا ہے ‘‘

’’استاد پھر استاد ہوتا ہے ‘‘

اصل خبرتو اب سامنے آئی ، نواز شریف پاکستان واپس کیوں آرہے ہیں ؟ جاوید لطیف نے بتا دیا

اصل خبرتو اب سامنے آئی ، نواز شریف پاکستان واپس کیوں آرہے ہیں ؟ جاوید لطیف نے بتا دیا

 آنکھیں بے انتہا طاقتور! نبی کریم ﷺ نے پاکستان میں ملنے انتہائی سستی مگر بے حد فائدہ مند سبزی حضرت علی ؓ کو کھانے کا حکم دیا

آنکھیں بے انتہا طاقتور! نبی کریم ﷺ نے پاکستان میں ملنے انتہائی سستی مگر بے حد فائدہ مند سبزی حضرت علی ؓ کو کھانے کا حکم دیا

’’یہ تو میری منہ بولی بہن ہے ‘‘

’’یہ تو میری منہ بولی بہن ہے ‘‘

اسلام آباد کا گھیراؤ۔۔۔ تحریک انصاف کی شہر اقتدار کو چاروں طرف سے بند کرنے کی دھمکی

اسلام آباد کا گھیراؤ۔۔۔ تحریک انصاف کی شہر اقتدار کو چاروں طرف سے بند کرنے کی دھمکی

پٹرول مہنگا گاڑیاں سستی ۔۔ قیمتوں میں بڑی کمی۔ ۔۔ خریداروں کاشورومز پررش۔۔ پاکستانیوں کیلئے بڑی خوشخبری

پٹرول مہنگا گاڑیاں سستی ۔۔ قیمتوں میں بڑی کمی۔ ۔۔ خریداروں کاشورومز پررش۔۔ پاکستانیوں کیلئے بڑی خوشخبری

بڑی خبر۔۔۔وزیر اعظم شہباز شریف نےملک میں ہنگامی بنیادوں پر بڑافیصلہ کر لیا

بڑی خبر۔۔۔وزیر اعظم شہباز شریف نےملک میں ہنگامی بنیادوں پر بڑافیصلہ کر لیا

ڈالر کی قیمت کی گیئر لگ گئے

ڈالر کی قیمت کی گیئر لگ گئے

شام کی بڑی خبر ، ہر پندرہ دن بعد پٹرول کی قیمت بڑھانے والے مفتاح اسماعیل نے عوام کو ایسی خوشخبری سنا دی کہ پاکستانی جھوم اٹھے

شام کی بڑی خبر ، ہر پندرہ دن بعد پٹرول کی قیمت بڑھانے والے مفتاح اسماعیل نے عوام کو ایسی خوشخبری سنا دی کہ پاکستانی جھوم اٹھے

پٹرول کی قیمت بڑھانےپر مریم نواز اور نواز شریف کے بعد عظمیٰ بخاری کے بھی مفتاح اسماعیل پر طنزیہ وار

پٹرول کی قیمت بڑھانےپر مریم نواز اور نواز شریف کے بعد عظمیٰ بخاری کے بھی مفتاح اسماعیل پر طنزیہ وار

آئی ایم ایف کی شرط پربہت بڑی پابندی ختم ہو گئی، عوام کیلئے بڑی خوشخبری

آئی ایم ایف کی شرط پربہت بڑی پابندی ختم ہو گئی، عوام کیلئے بڑی خوشخبری

کپتان کا دورہ کراچی بھی ملتوی اور کل ہونے والا جلسہ بھی منسوخ ہو گیا ۔۔۔ وجہ کیا رہی۔۔۔۔

کپتان کا دورہ کراچی بھی ملتوی اور کل ہونے والا جلسہ بھی منسوخ ہو گیا ۔۔۔ وجہ کیا رہی۔۔۔۔