12:43 pm
مسلم کش فسادات کی سازش

مسلم کش فسادات کی سازش

12:43 pm

مقبوضہ کشمیر میں چند ہندو اور سکھ شہریوں کی پر اسرارہلاکتوں کے بعد 500سے زیادہ مسلم نوجوانوںکی کریک ڈائون اورچھاپوں کے دوران پے درپے گرفتاریوں سے حالات کشیدہ ہو گئے ہیں۔قابض فورسز کی چھاپہ مار کارروائیوں کے دوران صرف سرینگر سے 100جیلوں سے رہا ہونے والے نوجوان، سنگباز حراست میں لئے گئے ہیں۔عوام معصوم افراد کی گرفتاریوں کے خلاف احتجاج کر رہے ہیں۔ قابض لیفٹیننٹ گورنر انتظامیہ ان ہلاکتوں سے مسلم کش فسادات کو ہوا دینے کی کوشش کر رہی ہے۔ قابض فورسز کو کشمیر پولیس پر اعتماد نہیں۔ اس لئے بھارت سے انسداد دہشت گردی کے خلاف متحرک نیشنل انویسٹی گیشن ایجنسی کو طلب کیا گیا ہے جس نے سری نگر میں اتوار کو سکولوں کے 40 اساتذہ کو حراست میں لے لیا۔گزشتہ 6دنوں میں نامعلوم بندوق برداروں نے سات شہریوں کو گولی مار کر ہلاک کیا۔گزشتہ ہفتوں میں بھارت کی ریاستوں میں زیر تعلیم نوجوانوں، کاروباری شخصیات اور ملازمت کرنے والے کشمیریوں کو قتل کرنے کے کئی واقعات رونما ہوئے۔کشمیریوں کو خدشہ ہے کہ ان واقعات کی آڑ میں مسلمانوں کے خلاف تشدد بھڑکانے کے لئے راہ ہموارکی جا رہی ہے۔
سری نگر کے شہر پائین میں گورنمنٹ بوائز ہائر سیکنڈری سکول عید گاہ میں جمعرات7اکتوبر کی صبح نامعلوم مسلح افراد نے دو غیر مسلم اساتذہ کو گھات لگا کر گولیوں کا نشانہ بناکر قتل کر دیا۔ہلاک ہونے والوں میں حضوری باغ سری نگر کی رہائشی اور سکول کی سکھ پرنسپل سپندر کور اور جانی پور جموں کے ہندو رہائشی دیپک چند شامل ہیں۔اس سے قبل 5 اکتوبر کی شام کو نامعلوم مسلح افراد نے سری نگر کے علاقے سول لائنز میں اقبال پارک کے نزدیک معروف کشمیری پنڈت دوا فروش مکھن لال بندرو کو ان کی دکان بندرو برادرز ہیلتھ زون کے سامنے گولیاں مار کر ہلاک کر دیا ۔مکھن لال بندرو کشمیری پنڈت اور ہندو برہمن تھے۔مکھن لال بندرو کی ہلاکت کے چند منٹ بعد نامعلوم اسلحہ برداروں نے سری نگر کے لال بازار علاقے میں وریندر پسوان نامی ایک پانی پوری بیچنے والے کو کر دیا ۔وریندر پسوان بھارتی ریاست بہار کے رہنے والے تھے اور علم گری بازار، جڈی بل میں رہائش پذیر تھے۔مقبوضہ کشمیر میں غیر مسلموں کی ان پر اسرار ہلاکتوں کا سلسلہ رواں برس کے پہلے دن یکم جنوری کو شروع ہوا ۔ نامعلوم اسلحہ برداروں نے سری نگر کے مرکزی علاقے لال چوک کے قریب سرائے بالا میں ایک غیر مسلم سنار ستہ پال نسچل شرما کو گولیاں مار کر ہلاک کر دیا۔ 17 فروری کو سری نگر کے علاقے سونہ وار میں اقوام متحدہ کے فوجی مبصرین کے گرمائی ہیڈ کوارٹرز کے قریب نامعلوم مسلح افراد نے مشہور ہندو کرشنا ڈھابہ کے مالک رمیش کمار مہرا کے بیٹے آکاش کمار پر گولیاں برسائیںجو چند دن ہسپتال میں زیر علاج رہنے کے بعد چل بسا۔مقبوضہ کشمیر میں غیر مسلموں کی ٹارگٹ کلنگزکے واقعات میں اچانک آنے والی تیزی نے تشویش کا ماحول پیدا کیا ہے۔ کشمیری مسلمان ان ہلاکتوں کی مذمت کر رہے ہیں۔ان کا کہنا ہے کہ قابض انتظامیہ ریاستی دہشت گردی سے توجہ ہٹانے کے لئے ایسا ماحول پیدا کر رہی ہے۔قابض فورسز غیر مسلموں کی ہلاکتوں میں کشمیری مجاہدین اور پاکستان کو ذمہ دار ٹھہراتی ہے۔ٹی آر ایف نامی عسکری تنظیم نے مبینہ طور پر ان ہلاکتوں کی ذمہ داری قبول کی ہے۔قابض انتظامیہ اس تنظیم کولشکر طیبہ کی ایک ذیلی تنظیم قرار دیتی ہے۔بھارتی قابض فوج کی سرینگر میں15کور کے کمانڈرلیفٹیننٹ جنرل ڈی پی پانڈے ان ہلاکتوں کو فرقہ واریت کی سازش اورمقبوضہ جموں و کشمیر پولیس کے سربراہ دلباغ سنگھ ٹارگٹ کلنگ قرار دیتے ہیںجس کا مقصد کشمیری مسلمانوں کو بدنام کرنا ہے۔دلباغ سنگھ نے کہا کہ یہ کارروائیاں فرقہ وارانہ آگ بھڑکانے کے لئے انجام دی جا رہی ہیں تاکہ کشمیر کے دیرینہ آپسی بھائی چارے کی روایت کو نقصان پہنچایا جائے۔
بھارتی قابض فوج ہی مقبوضہ کشمیر میں ہمیشہ مسلم کش فسادات کرانے میں پیش پیش رہی ہے۔ سابق امریکی صدربل کلنٹن کے دورہ بھارت کے موقع پر قابض فورسزنے جنوبی کشمیر کے چھٹی سنگھ پورہ علاقے میں 35سکھوئوں کو قتل کر دیا ۔ کشمیر کی بھارت نواز سیاسی جماعتوں کے قائدین غیر مسلموںکی ہلاکتوں کے واقعات کی مذمت کر رہے ہیں۔مذمت کرنے والوں میں نیشنل کانفرنس کے نائب صدر اور سابق وزیر اعلی عمر عبداللہ اور پی ڈی پی کی سربراہ اور سابق وزیراعلیٰ محبوبہ مفتی بھی شامل ہیں۔محبوبہ مفتی نے الزام لگایا ہے کہ کشمیر کی بگڑتی ہوئی صورتحال انتہائی پریشان کن ہے جہاں اب اقلیتی فرقہ ہدف بن رہا ہے۔ بھارتی حکومت کے نئے کشمیر بنانے کے دعوے غلط ثابت ہوئے ہیں۔ ان کا واحد مقصد کشمیر کو اپنے سیاسی مقاصد حاصل کرنے کے لیے استعمال کرنا ہے۔یہ بات واضح ہے کہ بھارت نے ہمیشہ کشمیر کو اپنے سیاسی مقاصل حاصل کرنے کے لئے ہی استعمال کیا ہے۔ان ہلاکتوں کے بعد کشمیریوں نوجوانوں کو گرفتار کیا جا رہا ہے۔ تقریباً 500 افراد کو حراست میں لیا گیا ہے۔ نئی دہلی سے تحقیقات کے لئے انسداد دہشت گردی ٹاسک فورس کی ٹیم بھی سرینگر میں پہنچ کرنوجوانوں کو حراست میں لے رہی ہے ۔ اس نے سری نگر میں اتوار کو سکولوں کے 40 اساتذہ کو گرفتار کیا۔رواں سال اب تک نامعلوم بندوق برداروں نے 29 شہریوں کو گولی مار کر ہلاک کیا  ہے جن میں بھارت نواز سیاسی جماعتوں کے کارکن بھی شامل ہیں۔ ہلاک کئے جانے والوں میں سے 20 مسلمان تھے۔ جمعرات کو ہی قابض بھارتی فورسز نے ناکے پر نہ رکنے والے شخص کو گولی مار کر ہلاک کر دیا۔ تین دن پہلے 90 منٹ کے دوران تین مختلف واقعات میں تین شہریوں کو قتل کیا گیا ۔تازہ ہلاکتوں کے بعد اقلیتوں سے تعلق رکھنے والے لوگ فرار ہو رہے ہیں۔ہفتے کو انسانی حقوق کی عالمی تنظیم ہیومن رائٹس واچ نے مطالبہ کیا تھا کہ مبینہ حملہ آوروں اور بھارتی  فورسز جن پر ہراسانی، تشدد اور لوگوں کو ماورائے عدالت قتل کے الزامات ہیں، کا ان کے اقدامات پر محاسبہ کیا جائے۔قابض بھارتی فورسز اور ان کے ایجنٹ تحریک آزادی کو کچلنے کے لئے ریاستی دہشت گردی کرتے ہیں اور اس کا الزام کشمیری مجاہدین پر ڈال دیتے ہیں۔ غیر مسلموں کی ہلاکتوں کا مقصد بھی صرف تحریک آزادی کو بدنام کرنا ہے۔ آزادی کی جدوجہد کو دہشتگردی ثابت کرنے کے لئے بھارت تمام حربے آزماتا ہے۔ غیر مسلموں کی ہلاکتیں بھی اس کا ایک حربہ ہے جس سے دنیا کو گمراہ کرنے کی کوشش کی جا رہی ہے۔ 

تازہ ترین خبریں

لیہ،تاجروں کا منحرف رکن کو ووٹ دینے سے انکار،لیگی کارکنوں کی دھمکیاں،ویڈیوسوشل میڈیاپروائرل

لیہ،تاجروں کا منحرف رکن کو ووٹ دینے سے انکار،لیگی کارکنوں کی دھمکیاں،ویڈیوسوشل میڈیاپروائرل

اے ٹی ایم سے رقم نکلوانے والے ہوجائیں تیار،چارجز میں اضافہ کردیاگیا،اب 18روپے کی بجائے کتنے روپے وصول کیے جائیں گے

اے ٹی ایم سے رقم نکلوانے والے ہوجائیں تیار،چارجز میں اضافہ کردیاگیا،اب 18روپے کی بجائے کتنے روپے وصول کیے جائیں گے

ایک سے ڈیڑھ ہفتہ۔۔۔وزیرپٹرولیم مصدق ملک نے بڑاانکشاف کرڈالا

ایک سے ڈیڑھ ہفتہ۔۔۔وزیرپٹرولیم مصدق ملک نے بڑاانکشاف کرڈالا

﷽ کا خاص وظیفہ جو آپ کی ہر مشکل پریشانی کو دور کردے گا

﷽ کا خاص وظیفہ جو آپ کی ہر مشکل پریشانی کو دور کردے گا

جتنی بھی بڑی مشکل ہو اللہ پاک کے 2 نام پڑھنا شروع کر دیں،مشکلات منٹوں میں حل ہوجائیں گی

جتنی بھی بڑی مشکل ہو اللہ پاک کے 2 نام پڑھنا شروع کر دیں،مشکلات منٹوں میں حل ہوجائیں گی

ماہر نفسیات کا کہنا ہے کہ دو قسم کے شوہر بیوی کو کبھی بھی خوش نہیں رکھ سکتے ، بیوی ساری عمر پچھتاتی ہے

ماہر نفسیات کا کہنا ہے کہ دو قسم کے شوہر بیوی کو کبھی بھی خوش نہیں رکھ سکتے ، بیوی ساری عمر پچھتاتی ہے

نالہ کورنگ میں چار بچوں کو بچانے کیلئے چھلانگ لگانے والے نوجوان بارے انتہائی افسوسناک خبرآگئی

نالہ کورنگ میں چار بچوں کو بچانے کیلئے چھلانگ لگانے والے نوجوان بارے انتہائی افسوسناک خبرآگئی

سعودی عرب میں موجود پاکستانی بغیراجازت حج پر نہ جائیں ورنہ۔۔پاکستانیوں کوخبردارکردیاگیا

سعودی عرب میں موجود پاکستانی بغیراجازت حج پر نہ جائیں ورنہ۔۔پاکستانیوں کوخبردارکردیاگیا

حکومت نے گھٹنے ٹیک دئیے۔۔۔ لگژری اشیاء کی درآمد پر پابندی ختم

حکومت نے گھٹنے ٹیک دئیے۔۔۔ لگژری اشیاء کی درآمد پر پابندی ختم

نالہ کورنگ میں چار بچوں کو بچانے کیلئے چھلانگ لگانے والے نوجوان بارے انتہائی افسوسناک خبرآگئی

نالہ کورنگ میں چار بچوں کو بچانے کیلئے چھلانگ لگانے والے نوجوان بارے انتہائی افسوسناک خبرآگئی

وزیراعلیٰ پنجاب کاانتخاب۔۔اسپیکرچوہدری پرویز الٰہی نے بڑااقدام اٹھالیا

وزیراعلیٰ پنجاب کاانتخاب۔۔اسپیکرچوہدری پرویز الٰہی نے بڑااقدام اٹھالیا

ملک میں سوناایک مرتبہ پھرمہنگا۔۔فی تولہ قیمت میں اچانک اتنااضافہ ہوگیاکہ جان کرآپ کے اوسان خطا ہوجائیں گے

ملک میں سوناایک مرتبہ پھرمہنگا۔۔فی تولہ قیمت میں اچانک اتنااضافہ ہوگیاکہ جان کرآپ کے اوسان خطا ہوجائیں گے

کیازمانہ آخرقریب آگیا۔۔افریقی ملک نے مہنگائی سے تنگ آکرکاغذی کرنسی کاخاتمہ کردیا،تجارت کےلیے سونے کے سکے استعمال ہوں گے

کیازمانہ آخرقریب آگیا۔۔افریقی ملک نے مہنگائی سے تنگ آکرکاغذی کرنسی کاخاتمہ کردیا،تجارت کےلیے سونے کے سکے استعمال ہوں گے

دوست کی بیوہ سے شادی کی خواہش، خاتون کے انکار پر شہری نے خوفناک اقدام اٹھالیا

دوست کی بیوہ سے شادی کی خواہش، خاتون کے انکار پر شہری نے خوفناک اقدام اٹھالیا