04:30 pm
فیس بک کا ٹپکتا تعصب اور مہنگائی ہی مہنگائی

فیس بک کا ٹپکتا تعصب اور مہنگائی ہی مہنگائی

04:30 pm

نوبل انعام یافتہ صحافی ماریا دیسا نے کہا ہے کہ فیس بک جمہوریت کے لئے خطرہ اور تعصب کا شکارہے،فیس بک نفرت انگیزی اورغلط معلومات کے پھیلائو کو روکنے میں ناکام رہی ہے،فلپائنی صحافی کے مطابق فیس بک حقائق کے حوالے سے تعصب سے کام لیتی ہے۔
جمہوریت کے بارے میں توپتہ نہیں لیکن فیس بک اورمارک ذکربرگ کی اسلام دشمنی تو کسی بھی باشعورانسان سے ڈھکی چھپی نہیں، قرآن پاک میں موجود اللہ رب العزت کے حکم جہاد، عقیدہ ختم نبوتؐ،افغان طالبان،کشمیری مجاہدین ،فلسطین کےمظلوم مسلمانوں،مولاناخادم رضوی مرحوم،ملا محمدعمر مجاہد مرحوم اور ان جیسے دیگرمسلمان راہنمائوں کے ناموں سے تو ’’فیس بک‘‘ کی لگی ’’دوڑیں‘‘ دیکھ کرتو ایسے محسوس ہوتاہے کہ جیسے مارک ذکر برگ کے پیٹ میں مروڑاٹھ رہے ہوں،تعصب زدہ چہرے دنیا میں بہت سے ہیں،لیکن’’فیس بک‘‘کا اسلام اور مسلمانوں سے انتہائی متعصبانہ امتیازی سلوک دیکھ کر یہ بات بڑی احتیاط کے ساتھ لکھی جاسکتی ہے اس کا مقابلہ دنیا میں شائد ہی کوئی دوسرا گورا یا کالا کافر کرسکتا ہو؟ ویسے تو یروشلم سے لے کر فرانس تک،یہودی اور گورے اسلام فوبیا کی بیماری میں مبتلا ہیں،تاہم مارک زکر برگ کی فیس بکی حرکتیں دیکھ کر یہ کہا جاسکتا ہے کہ فیس بک،واٹس ایپ،انسٹا گرام وہ دجالی ہتھیار ہیں کہ جن کے ذریعے دین اسلام اوراسلامی تعلیمات،اسلامی شخصیات پربڑھ چڑھ کر حملے کئےجاتے ہیں۔
افلاطونی جمہوریت گئی تیل لینے،میرااس سے کچھ لینا دینانہیں،لیکن جس فیس بک سے 92 سالہ کشمیری بزرگ سیدعلی شاہ گیلانی کا نام اور ان کی تعریف بھی ہضم نہ ہو،اس فیس بک کے بارے  یہ لکھا جاسکتا ہے کہ فیس بک کہیں ہندوشدت پسندانہ تعصب کا شکارہے،کہیں یہودی تعصب کا مظاہرہ کرتی ہے اورکہیں صلیبی تعصب کی بدہضمی کی اسیر ہے،مارک زکر برگ اور اس کی متعصب ٹیم کوسوشل میڈیاکےذریعے قادیانیت،توہین صحابہؓ،توہین اہل بیتؓ،توہین اسلام ،توہین علماء کرام توقبول ہے،لیکن تحفظ ختم نبوتؐ، تحفظ جہاد،تحفظ اسلام،دفاع صحابہؓ و اہل بیتؓ قطعاً قبول نہیں تو کیوں؟
گزشتہ دنوں  دنیابھر میں سوشل میڈیا (فیس بک،واٹس ایپ،انسٹاگرام وغیرہ) کی سروسز بالکل اچانک ہی بند ہوگئیں اس دوران پتہ چلا کہ فیس بک کے متاثرین کی دنیا بھر میں تعداد  ساڑھے تین ارب کے لگ بھگ ہے،سوشل میڈیا کی سات گھنٹے بندش کی وجہ سے فیس بک کے مالک مارک زکر برگ کو تقریباً7 ارب ڈالرکا نقصان ہوا۔
سوال یہ ہے کہ ان ساڑھے تین ارب میں مسلمان صارفین کی تعداد کتنی ہے؟ اور وہ کروڑوں، اربوں ڈالر جو مارک زکر برگ اور اس کی کمپنی کما رہی ہے ان میں مسلمانوں کی جیبوں سے نکلنے والے ڈالر کتنےہوںگے؟ اس پر بھی تحقیقاتی رپورٹ منظر عام پرلانا ضروری ہے،مارک زکر برگ کن سکولوں، کالجوں اوریونیورسٹیوں کا فارغ التحصیل ہے؟ مارک زکر برگ اور اس کی ٹیم نے بچپن سے لے کرجوانی تک کون سا نصاب تعلیم پڑھا؟ یہ جاننا بھی ضروری ہے تاکہ ان کے اندر اسلام دشمنی کا جو عنصرموجود ہے وہ ان کے اندر کہاں سے در آیا؟سوشل میڈیا کو اگر ’’گستاخ‘‘ اپنے لئے جنت قرار دیتے ہیں،فیس بک کے ذریعے جس طرح فحاشی اورعریانی عام کی جاتی ہے،دینی شخصیات،دینی اداروں اور اسلامی مقدسات کی جس طرح سےسوشل میڈیا کے ذریعے توہین کی جاتی ہے،ان کا راستہ روکنا کس کی ذمہ داری ہے؟ میری اپنے مسلمان نوجوانوں سے بھی اپیل ہے کہ وہ اگر اپنے کاروبار یا رابطوں کے مقاصد کیلئےسوشل میڈیاکے استعمال کو ضروری سمجھتے ہیں توضرور استعمال کریں، لیکن خدارا سوشل میڈیا کی غلامی سے صرف اپنے آپ کو ہی نہیں بلکہ اپنے اہل و عیال،دوستوں اور رشتہ داروں کو بھی بچانے کی کوشش کیا کریں، ہمیں سوشل میڈیا کاجائزاستعمال توکرنا ہے،لیکن سوشل میڈیا کی ذہنی غلامی سے بھی بچنااوردوسروں کو بچانا بھی ہے، مارک زکر برگ، اس کی ٹیم اورفیس بک تعصب کے سمندر اچھلتے، کودتے،پھدکتے مینڈکوں کی طرح ہیں کہ جن سے صرف جمہوریت کو ہی خطرہ نہیں بلکہ ان حملوں سے دین اسلام اوردینی مقدسات بھی محفوظ نہیں۔
اب بڑھتے ہیں دوسرے موضوع کی طرف، ایک خبر یہ ہے کہ سردیوں میں گیس کا شدید بحران پیدا ہونے والا ہے جبکہ دوسری خبر کے مطابق پٹرولیم مصنوعات کی قیمتوں میں مزید اضافے کی حکومتی تیاریاں تقریباًمکمل ہوچکی ہیں، کہا یہ جارہاہے کہ ہماری ’’غریب‘‘ حکومت کو آئی ایم ایف سے قرض کی نئی قسط درکار ہے،اور آئی ایم ایف کا یہ مطالبہ ہے کہ گیس،بجلی،پٹرول وغیرہ کی قیمتوں میں اضافے کے ساتھ ساتھ ٹیکسوں کی شرح میں بھی اضافہ کیا جائے،اب آئی ایم ایف کے اس مطالبے کے بعدحکومت کیا قدم اٹھاتی ہے اس کا اندازہ آنے والے دنوں میں ہو جائے گا،عالمی منڈی کے رجحان کے مطابق پٹرول کی قیمت میں سات روپے اور ہائی سپیڈ ڈیزل کے نرخ میں دس روپے فی لٹر کا اضافہ متوقع ہے۔
ملک بھر میں مہنگائی کا پہلے سے ہی دور دورہ ہے ، اگر پٹرولیم مصنوعات کی قیمتوں کو پھر سے بڑھا دیا جائے گا تو غریب عوام کا کیابنے گا؟ یہ سوچ کر ہی جھرجھری سی آجاتی ہے، موجودہ  وزیر خزانہ اور ان کی ٹیم کو چاہیے کہ وہ آئی ایم ایف کی بجائے پاکستانی قوم کے مفادات کی چوکیداری کی ذمہ داری نبھانے کی کوشش کریں، پاکستان کے عوام کو یہ بھی بتایا جارہا ہے کہ 2022ء میں مہنگائی کی شدت میں مزید اضافہ ہو جائے گا، یہ خبریں پڑھ اور سن سن کر عوام ابھی سے خوفزدہ ہوگئے ہیں، عوام سوال اٹھارہے ہیں کہ آئی ایم ایف کے مفادات کی نگہبانی تو حکومت کی ذمہ داری ہے مگر عوام کے مفادات کا تحفظ کس کی ذمہ داری ہے؟ عوام کو مہنگائی کے عذاب سے بچانے کی ذمہ داری کس کی ہے؟ آخر کسی کو تو راستہ نکالنا پڑے گا کہ عوام کو مہنگائی کے اثرات سے بچایا جاسکے، مہنگائی کی شدت نے عوام کی خوشیاں چھین لی ہیں،لوگ نفسیاتی مریض بنتےجارہے ہیں، گھروں کے اندربے چینی کا مرض بھی شدت اختیارکرتاجارہا ہے،عوام سوال اٹھا رہے ہیں کہ وہ اپنی فریاد کس کے سامنے پیش کریں؟

تازہ ترین خبریں

ویلکم ٹو پی ٹی آئی ۔۔اداکارہ لیلیٰ زبیری پی ٹی آئی وومن ونگ کی رکن بن گئیں

ویلکم ٹو پی ٹی آئی ۔۔اداکارہ لیلیٰ زبیری پی ٹی آئی وومن ونگ کی رکن بن گئیں

پورا ہفتہ بارشیں، آئندہ سات دن کہاں کہاں برسات ہو گی؟ تفصیلی پیشنگوئی آگئی

پورا ہفتہ بارشیں، آئندہ سات دن کہاں کہاں برسات ہو گی؟ تفصیلی پیشنگوئی آگئی

عمران خان کا تگڑا سیاسی یارکر، پیپلزپارٹی رہنما کی وکٹ اڑا لی

عمران خان کا تگڑا سیاسی یارکر، پیپلزپارٹی رہنما کی وکٹ اڑا لی

اے این پی کی حکومت سے علیحدگی، امیر حیدر خان ہوتی نے اعلان کر دیا

اے این پی کی حکومت سے علیحدگی، امیر حیدر خان ہوتی نے اعلان کر دیا

کیا آپکا اب بھی آرمی چیف سے رابطہ ہے؟ صحافی کے سوال پر عمران خان کا حیران کن ردِ عمل

کیا آپکا اب بھی آرمی چیف سے رابطہ ہے؟ صحافی کے سوال پر عمران خان کا حیران کن ردِ عمل

اوگرا نے کتنے روپے پیٹرول کی قیمت بڑھانے کی تجویز دی تھی؟ تہلکہ خیز انکشاف

اوگرا نے کتنے روپے پیٹرول کی قیمت بڑھانے کی تجویز دی تھی؟ تہلکہ خیز انکشاف

عنقریب صدر مملکت شہباز شریف کو اعتماد کا ووٹ لینےکا کہیں گے، شیخ رشید کی پیش گوئی

عنقریب صدر مملکت شہباز شریف کو اعتماد کا ووٹ لینےکا کہیں گے، شیخ رشید کی پیش گوئی

"  وزیر اعلیٰ پنجاب کے معاملے پر منصور علی خان نے دونوں پارٹیوں کو مشورہ دے دیا، ایسا کیوں کہا ؟ جانیں 

" وزیر اعلیٰ پنجاب کے معاملے پر منصور علی خان نے دونوں پارٹیوں کو مشورہ دے دیا، ایسا کیوں کہا ؟ جانیں 

شاہ محمود اشارے دے رہے ہیں کہ اگلی مرتبہ مجھے وزیراعلی بنایا جائے،سینئر صحافی ہارون الرشید نے بڑی خبر بریک کر دی

شاہ محمود اشارے دے رہے ہیں کہ اگلی مرتبہ مجھے وزیراعلی بنایا جائے،سینئر صحافی ہارون الرشید نے بڑی خبر بریک کر دی

لاہور ہائیکورٹ کے فیصلے کے بعد پنجاب اسمبلی میں نمبر گیم کیا ہے ؟جانیں مکمل تفصیلات

لاہور ہائیکورٹ کے فیصلے کے بعد پنجاب اسمبلی میں نمبر گیم کیا ہے ؟جانیں مکمل تفصیلات

ملک میں ذی الحج کا چاند نظر آ گیا، عید الاضحی 10 جولائی کو منائی جائے گی

ملک میں ذی الحج کا چاند نظر آ گیا، عید الاضحی 10 جولائی کو منائی جائے گی

حکومت کی عوام پر پھر سے پیٹرول بم گرانے کی تیاری ،پانچ دس روپے نہیں بلکہ کتنے روپے اضافہ ہونے والا ہے ؟ جانیں 

حکومت کی عوام پر پھر سے پیٹرول بم گرانے کی تیاری ،پانچ دس روپے نہیں بلکہ کتنے روپے اضافہ ہونے والا ہے ؟ جانیں 

ہماری زبان بندی اور ہاتھ باندھ کر کہتے الیکشن جیت کر دکھاؤ،نئے الیکشن کیلئے24 گھنٹے سے بھی کم وقت دیا گیا،ق لیگ پھٹ پڑی

ہماری زبان بندی اور ہاتھ باندھ کر کہتے الیکشن جیت کر دکھاؤ،نئے الیکشن کیلئے24 گھنٹے سے بھی کم وقت دیا گیا،ق لیگ پھٹ پڑی

پرویز مشرف اس وقت پاکستان میں موجود ہیںمیرے ایک جاننے والے ڈاکٹر مل کر آئے ہیں ،وہ کس حال میں ہیں ؟ 

پرویز مشرف اس وقت پاکستان میں موجود ہیںمیرے ایک جاننے والے ڈاکٹر مل کر آئے ہیں ،وہ کس حال میں ہیں ؟