12:59 pm
پاکستان بھارت تعلقات کیسے اچھے ہوسکتے ہیں؟

پاکستان بھارت تعلقات کیسے اچھے ہوسکتے ہیں؟

12:59 pm

پاکستان کے نوعمر وزیرخارجہ بلاول بھٹو نے بھار ت اور پاکستان کے درمیان تعلقات میں بہتر ی لانے کا عندیہ دیاہے۔ بلکہ کہاہے کہ ان دونوں ملکوں کے درمیان اچھے ہمسائیگی کے تعلقات ہونے چاہئیں۔ بلاول بھٹو کا بھارت کے ساتھ تعلقات بہتر بنانے کے سلسلے میں یہ کوئی نئی بات نہیں ہے۔ اس سے قبل ماضی کی حکومتیں بھارت کے ساتھ خوشگوار تعلقات قائم کرنے چاہتی تھیں‘ لیکن بھارت کا اس سلسلے میں مزاج دوسرا ہے۔ حالانکہ کسی زمانے میں( ماضی بعید میں) جنرل ایوب خان نے بھارت کے ساتھ جنگ نہ لڑے No War pact کاخیال ظاہر کیاتھا‘ لیکن وہ خواہش بھی پوری نہیں وہسکی‘ بلکہ یہ کہا جائے تو غلط نہ ہوگا کہ بات آگے نہ بڑھ سکی۔ پھر1965 ء میں بھارت نے رات کی تاریکی میں لاہور پرحملہ کردیا‘ اس حملے کو لاہور کے عوام اور پاکستان کی فوج نے باہم مل کر روکا اور بھارت کو نہ صرف پسپا ہونے پر مجبور کیا بلکہ اس کی فوج کوزبردست نقصان سے بھی دوچار کیا تھا۔
لیکن اب کیا حالات میں ایسی کوئی تبدیلی رونما پذیر ہوگئی ہے کہ جناب بلاول بھٹو بھارت کے ساتھ عہد تجدید وفا کرناچاہتے ہیں؟ میرے خیال کے مطابق اس وقت بھارت کے ساتھ کسی بھی قسم کے سیاسی ومعاشی تعلقات پاکستان کے مفاد میں نہیں ہیں‘ بھارت نے ایک بار پھر پاکستان کے اندر دہشت گرد وں کو بھیجنا شرو ع کردیاہے (بلکہ روکا کب تھا) نیز بھارت کی ریاست راجستھان میں باقاعدہ پاکستان دشمن عناصر کو دہشت گردی کرنے کی تربیت دی جاتی ہے جس میں بھارتی فوج کے حاضر اور ریٹائرڈ افسر شامل ہیں ۔ مزید براں بھارت کی موجودہ حکومت بی جے پی نے بھارت کے 24کروڑ مسلمانوں کی زندگی اجیرن کردی ہے‘ اتنی بڑی اقلیت نریندر مودی کی مسلمان دشمن پالیسیوں کی وجہ سے خوف کی زندگی بسر کرنے پرمجبور ہے۔ دوسری طرف مقبوضہ کشمیر میں صرف ان دو ہفتوں کے دوران 13کشمیریوں نوجوانوں کو شہید کیاہے۔ اس کے علاوہ جب سے نریندرمودی نے مقبوضہ کشمیر سے متعلق آزاد اسٹیٹس یعنی370اور35A ختم کیاہے۔ وہاں اس نے بھارت کے مختلف علاقوں سے ہندوئوںکو کشمیر میں آباد کرناشروع کردیاہے اب تک 45000 ہزار ہندوئوں کو باہر سے لاکر مقبوضہ کشمیر میں آباد کیا گیاہے۔ اس کاواضح مطلب یہ ہے کہ بھارت کی موجودہ حکومت مقبوضہ کشمیر میں آبادی کا تناسب ختم کرکے وہاں ہندو اکثریت کاعلاقے قرار دینے کی کوشش کررہی ہے۔ اس وقت مقبوضہ کشمیر میں مسلمانوں کی کل تعداد90لاکھ ہے یعنی یہ واحد علاقہ ہے جہاں اس وقت بھی مسلمان اکثریت میں ہیں‘ ماضی میں بھی اکثریت میں تھے‘ ڈوگر اراج بھی مسلمانوں کی اکثریت کوختم نہیں کرسکاتھا۔ چنانچہ ان حالات میں جبکہ بھارت سامراج کے ساتھ مل کر جنوبی ایشیاء میں اپنی بالادستی قائم کرناچاہتاہے‘ تواس صورت میں بھارت کے ساتھ کس طرح اور کیوں کر اچھے ہمسائیگی کے تعلقات فروغ پاسکتے ہیں؟ بلاول بھٹو کو یہ بات یادرکھنی چاہیے کہ بھارت اس خطے میں اپنی فوج کے لئے سب سے زیادہ مہلک ہتھیار خرید رہاہے‘ ماضی میں یہ مہلک ہتھیار روس (سوویت یونین) سے خریدے جاتے تھے‘ لیکن اب زیادہ تر جدید مہلک ہتھیار امریکہ‘ فرانس اور برطانیہ سے حاصل کئے جارہے ہیں۔ اسرائیل بھی بھارت کو جدید فوجی ہتھیار سپلائی کررہاہے۔ اس کے مقابلے میں پاکستان کے پاس اتنے ذرائع نہیں ہیں کہ وہ بڑی مقدار میں فوجی ہتھیار خرید سکے۔ جب بھارت سے یہ سوال کیاجاتاہے کہ وہ کیوں جدید فوجی ہتھیار جمع کررہاہے تواس کا ایک ہی جواب ہے کہ ہماری یہ فوجی تیاریاں چین کے خلاف ہیں۔ حالانکہ فوجی اور معاشی اعتبار سے بھارت کا چین سے کوئی مقابلہ نہیں ہے۔ بھارت میں نام نہاد جمہوریت بھارتی عوام کے معاشی ومعاشرتی مسائل حل کرنے میں ناکام نظر آرہی ہے۔ نیز جس طرح بھارت میں اقلیتوں کوہراساں کیاجارہاہے‘ خاص کر کے مسلمانوں کو اس سے یہ اندازہ لگایاجاسکتاہے کہ بھارت کے عزائم کیاہیں؟ بی جے پی کی انتہا پسند تنظیم آر ایس ایس پاکستان کو بھارت میں ضم کرناچاہتی ہے جس کے لئے وہ پاکستان کے بعض سیاستدانوں اور نام نہاد دانشوروں کو اپنا ہم خیال بنانے کی مذموم کوشش کررہی ہے۔ سابق وزیراعظم نوازشریف کااس ناپاک خیال میں بھارت کا ہمنوا ہے۔ چنانچہ ان معروزی حالات کی روشنی میں کیا بھارت کے ساتھ دوستی اور مفاہمت ہوسکتی ہے؟ خارجی امور سے متعلق کوئی بھی شخص موجودہ حالات میں بھارت کے ساتھ خوشگوار تعلقات کاسوچ نہیں سکتا۔ ہاں یہ دوسری بات ہے کہ اس خطے میں بھارت کی بالادستی قبول کرلی جائے جو ایک سامراجی ایجنڈا ہے(جیسا کہ میں نے بالائی سطور میں لکھاہے) پاکستان کی یہ بدقسمتی ہے کہ اس وقت ایسے کرپٹ حکمران پاکستان کے عوام پر مسلط کردیئے گئے ہیں جو نہ تو عوام دوست ہیں‘ اور نہ ہی پاکستان دوست ‘ ہوسکتاہے کہ بلاول بھٹو کو میرا یہ تجزیہ پسند نہ آئے۔ لیکن حقائق سے کوئی انکار نہیں کرسکتاہے پاکستان اس وقت انتہائی ناگفتہ بہ حالات میں گھرا ہوا ہے‘ جبکہ گورننس نام کی کوئی چیز بھی نظرنہیں آرہی ہے۔ ان حالات کے پیش نظر بھارت کے ساتھ تجارتی‘ سفارتی اور سیاسی تعلقات بڑھانا دانشمندی نہیں ہے۔ تاہم خواہشات پرکون پابندی لگاسکتاہے؟ ذرا سوچیئے!

تازہ ترین خبریں

اداکارہ اقرا عزیز کو شوٹنگ سے پہلے بسمہ اللہ نہ پڑھنے کا کیوں کہا گیا؟

اداکارہ اقرا عزیز کو شوٹنگ سے پہلے بسمہ اللہ نہ پڑھنے کا کیوں کہا گیا؟

مولی کھانے کے بعد یہ چیزیں ہر گز نہ کھائیں ورنہ خطرناک بیماری بھی ہوسکتی ہے۔۔ جانیں مولی کو کون سی 3 چیزوں کے ساتھ نہیں کھانا چاہیے؟

مولی کھانے کے بعد یہ چیزیں ہر گز نہ کھائیں ورنہ خطرناک بیماری بھی ہوسکتی ہے۔۔ جانیں مولی کو کون سی 3 چیزوں کے ساتھ نہیں کھانا چاہیے؟

آپ کا انگوٹھا ان میں سے کس شکل کا ہے ۔۔ سیدھے انگوٹھے والے ہو جائیں خبردار، جانیے آپ کی شخصیت کے بارے میں کون سے راز بتاتے ہیں

آپ کا انگوٹھا ان میں سے کس شکل کا ہے ۔۔ سیدھے انگوٹھے والے ہو جائیں خبردار، جانیے آپ کی شخصیت کے بارے میں کون سے راز بتاتے ہیں

محمد ﷺ کے شہر میں موجود انجن کی کہانی ۔۔ جانیں ان مختلف مقامات کے بارے میں، جن کی حقیقت آپ کو بھی حیران کر دے گی

محمد ﷺ کے شہر میں موجود انجن کی کہانی ۔۔ جانیں ان مختلف مقامات کے بارے میں، جن کی حقیقت آپ کو بھی حیران کر دے گی

جب والدہ کو دوبارہ زندہ دیکھا تو جان میں جان آئی ۔۔ وہ خوش قسمت بیٹا، جس نے اپنا جگر والدہ کو دے دیا

جب والدہ کو دوبارہ زندہ دیکھا تو جان میں جان آئی ۔۔ وہ خوش قسمت بیٹا، جس نے اپنا جگر والدہ کو دے دیا

آئی فون نے برف میں پھنس جانے والے ایک شخص کی زندگی بچالی

آئی فون نے برف میں پھنس جانے والے ایک شخص کی زندگی بچالی

والدہ کی بیماری میں مدد کرنے پر جڑواں بہنوں نے ایک ہی لڑکے سے شادی کرلی

والدہ کی بیماری میں مدد کرنے پر جڑواں بہنوں نے ایک ہی لڑکے سے شادی کرلی

کیا آپ کو معلوم ہے یہ کریم بالوں کے لئے ہوتی ہے؟ اگر آپ بھی اسے اب تک ہونٹوں یا جسم میں لگانے کے لئے استعمال کرتے ہیں

کیا آپ کو معلوم ہے یہ کریم بالوں کے لئے ہوتی ہے؟ اگر آپ بھی اسے اب تک ہونٹوں یا جسم میں لگانے کے لئے استعمال کرتے ہیں

کسی کو دیکھ کر اپنا کھیل تبدیل نہیں کرسکتے، ہمارا ریکارڈ ۔۔قومی ٹیم کے ہیڈ کوچ محمد یوسف نے بڑی بات کہہ دی

کسی کو دیکھ کر اپنا کھیل تبدیل نہیں کرسکتے، ہمارا ریکارڈ ۔۔قومی ٹیم کے ہیڈ کوچ محمد یوسف نے بڑی بات کہہ دی

حکمران تھے مگر بیٹی کی فیس لیٹ جمع کراتے تھے ۔۔ 2 مشہور سیاست دانوں کی اپنے بچوں سے محبت

حکمران تھے مگر بیٹی کی فیس لیٹ جمع کراتے تھے ۔۔ 2 مشہور سیاست دانوں کی اپنے بچوں سے محبت

بارش کب ہو گی ؟ محکمہ موسمیات نے اہم پیش گوئی کردی

بارش کب ہو گی ؟ محکمہ موسمیات نے اہم پیش گوئی کردی

خبردار،شہری ہوشیار رہیں،خطرے کی گھٹنی بج گئی  

خبردار،شہری ہوشیار رہیں،خطرے کی گھٹنی بج گئی  

کراچی پولیس نے اپنی کارکردگی دکھانے کے لیے کون سا کام کرناشروع کردیا،جان کرآپ کے ہوش اڑ جائیں گے

کراچی پولیس نے اپنی کارکردگی دکھانے کے لیے کون سا کام کرناشروع کردیا،جان کرآپ کے ہوش اڑ جائیں گے

پی پی رہنما نے بھی ملک کے دیوالیہ ہونے کا خدشہ ظاہر کردیا

پی پی رہنما نے بھی ملک کے دیوالیہ ہونے کا خدشہ ظاہر کردیا