12:33 pm
اے مرے درد کے مارے لوگو

اے مرے درد کے مارے لوگو

12:33 pm

اپنے گردونواح میں پائی جانے والی بے چینی‘ بے یقینی اور تذبذب کے پیش نظر‘ راقم بھی مضطرب تھا کہ وہ کون سا ایسا مسئلہ ہے جس نے ہمارے معاشرے‘ معیشت اور امور حکومت و ریاست کو ’’آسیب زدہ‘‘ کر رکھا ہے … انتشار اور تعصب کی اس بو میںخوشبو اور امید کی خواہش دل میں لئے راقم انسانی رویوں کے درست ہونے کا منتظر تھا جبکہ ساتھ ہی ساتھ یہ بات بھی میرے لئے ایک معمہ بنی ہوئی تھی کہ دراصل ریاستی اور قومی سطح پر ہمارا مسئلہ ہے کیا؟
’’سیاسی نادہندگان‘‘ کا تندوتیز مزاج ایک دوسرے پر الفاظ کے تیر اور نیچا دکھانے کی مہم‘ الزام تراشیاں اور بہت کچھ … قارئین کرام بار بار رہ رہ کر راقم بے چینی اور اضطراب کی کیفیت میں اصل قومی مسئلہ کی تلاش میں تھا کہ اچانک گزشتہ شام کا ’’معمہ‘‘ حل ہوگیا … اس سے قبل یہ کہا جارہا تھا کہ وطن عزیز کا سب سے بڑا مسئلہ معیشت ہے کچھ لوگ قیادت کے فقدان کو ملکی ترقی میں رکاوٹ سمجھتے تھے‘ مجھ جیسے کم علم لوگوں کا خیال تھا کہ قوم سازی اور جمہوری روایات کا فقدان مسائل کی جڑ ہے غرض یہ کہ ہر کوئی اپنے اپنے مشاہدے‘ علم اور معلومات کی بنیاد پر ریاست پاکستان کے اصل مسئلے کی نشاندہی میں مصروف تھا کہ اچانک یہ معمہ حل ہوگیا … حالیہ ریاستی اور سیاسی عدم استحکام اور ’’سونامی‘‘ کی اصل وجہ باالفاظ دیگر ہمارے قومی مسئلہ کے معمے سے ہمارے سابق وزیراعظم عمران خان نے پردہ اٹھا ہی دیا …لیجئے قارئین کرام ! سپہ سالار کی تعیناتی‘ یہ تھا اور ہے ہمارا قومی و ریاستی مسئلہ اور اس کاتعلق بھی تعیناتی کے طریقہ کار یا قانونی تقاضوں سے نہیں ہے بلکہ یہ ’’قومی مسئلہ‘‘ بھی افراد کے ’’چنائو‘‘ کے گرد گھوم رہا ہے ‘ ایک سیاسی جماعت کسی ایک فرد کو سپہ سالار بنانے کی خواہش مند ہے اور دوسرا سیاسی جتھہ اس کی مخالفت پر بضد ہے … واہ کیا خوب نشاندہی کی گئی ہے ‘ ہم خوا مخواہ بیرونی طاقتوں کو بذریعہ سازش حکومتیں بدلنے کا الزام دے رہے تھے ‘ ہمیں کیا معلوم تھا کہ اغیار کو ہمارے خلاف سازش کرنے کی کیا ضرورت ہے اس ’’نیک‘‘ اور ’’بابرکت‘‘ قومی فریضہ کو پایہ تکمیل تک پہنچانے کے لئے ہم خود ہی اتنے قابل اور ذہین ہیں کہ ہمیں کسی بیرونی سازش یا مداخلت کی ضرورت نہیں ہے ۔ میری بستی سے پرے بھی مرے دشمن ہوں گے پر یہاں کب کوئی اغیار کا لشکر اترا آشنا ہاتھ بھی اکثر میری جانب لپکے میرے سینے میں میرا اپنا ہی خنجر اترا خدارا ہوش کے ناخن لیں … کہیں اقتدار اور انائوں کی جنگ میں ایسا نہ ہو کہ زخم بنے زخم ناتواں اور چاہو بھی تم تو مداوا نہ ہوسکے … میرا قلم وہ الفاظ بھی کاغذ کے سپرد کرنے کی ہمت نہیں رکھتا جو ہمارے اس رویئے اور اجتماعی جرم کے نتیجے میں کسی قومی سانحے کا سبب بن سکتا ہے… کاش ہم نے نظام کو چلنے دیا ہوتا… ماضی قریب میں حکومتیں گرانے اور بنانے کی ’’مہم جوئی‘‘ کے مرتکب نہ ہوئے ہوتے … یقین جانیئے اس ’’گھنائونے‘‘ عمل میں شریک کردار آج دل میں کف افسوس مل رہے ہوں گے کہ کاش ہم اس ’’گندے کھیل‘‘ کاحصہ نہ بنے ہوتے جس نے ہمارے قومی اور ریاستی ڈھانچے کی جڑوں کو ہلا کر رکھ دیا … دراصل جب انسان عقل کل بننے کی ناکام کوشش کرتا ہے تو پھر قدرت کا قانون حرکت میں آجاتا ہے … تاریخ کا بے رحم باب پھر اسے اس بات کا سبق دیتا ہے کہ اقتدار اور اختیار کے نشے میں کی جانے والی ’’حرکتیں‘‘ دراصل ایسے قومی اور ریاستی جرم ہوا کرتے ہیں جن کا خمیازہ نسلیں بھگتا کرتی ہیں ۔ مذکورہ بالا خیالات کے باوجود ’’امید‘‘ ایک ایسے چراغ کی مانند ہے جو نحیف ضرور ہے مگر جہالت‘ ذہنی پسماندگی‘ کج روی‘ انا پرستی اور حکمت سے خالی‘ گھپ اندھیرے میں امید کی ایک کرن بھی ہے … نفرت سے بھری آگ نے آج میرے مادر وطن کے درو دیوار کو اپنی لپیٹ میں لیا ہوا ہے ۔ پھر وہی آگ در آئی ہے مری گلیوں میں پھر سے تو کون میں کون آپس میں سوال؟ پھر وہی عام ہوئیں اہل ریا کی باتیں نعرہ حب وطن مال تجارت کی طرح اس سے پہلے بھی تو ایسی ہی گھڑی آئی تھی صبح وحشت کی طرح شام غریباں کی طرح آج ایسا نہیں ہونے دینا اے مرے سوختہ جانو مرے پیارے لوگو میرے دل گیر مرے درد کے مارے لوگو کسی غاصب کسی ظالم کسی قاتل کیلئے خود کو تقسیم نہ کرنا مرے سارے لوگو

تازہ ترین خبریں

ڈالر کی قدر بڑھنے سے  ملک میں مہنگائی کا طوفان  آئے گا ، شوکت ترین

ڈالر کی قدر بڑھنے سے ملک میں مہنگائی کا طوفان آئے گا ، شوکت ترین

ملک کو تباہ کرنے والوں کا محاسبہ انتہائی ضروری ہے ، اسحاق ڈار نے تجویز دیدی

ملک کو تباہ کرنے والوں کا محاسبہ انتہائی ضروری ہے ، اسحاق ڈار نے تجویز دیدی

صوبے، پاکستان ریلوے کی زمین  واپس کریں،خواجہ سعد رفیق کی اپیل

صوبے، پاکستان ریلوے کی زمین واپس کریں،خواجہ سعد رفیق کی اپیل

فواد کی پیشی پر پولیس اہلکاروں سے کوئی تکرار نہیں ہوئی ،حبہ چوہدری کا بیان آگیا

فواد کی پیشی پر پولیس اہلکاروں سے کوئی تکرار نہیں ہوئی ،حبہ چوہدری کا بیان آگیا

بھارتی اداکار انو کپور کو سینے میں شدید تکلیف ، اسپتال داخل

بھارتی اداکار انو کپور کو سینے میں شدید تکلیف ، اسپتال داخل

آئی ایم ایف  معاہدہ  اسی ہفتے طے پا جائے گا، جلد  مشکل حالات سے باہر نکلیں گے، شہباز شریف

آئی ایم ایف معاہدہ اسی ہفتے طے پا جائے گا، جلد مشکل حالات سے باہر نکلیں گے، شہباز شریف

پرویز الٰہی کا فیصل چوہدری کوفون، فواد کی گرفتاری سے متعلق بیان پر معذرت کرلی

پرویز الٰہی کا فیصل چوہدری کوفون، فواد کی گرفتاری سے متعلق بیان پر معذرت کرلی

وزیراعظم شہبازشریف نے گرین لائن ٹرین سروس کا افتتاح کردیا

وزیراعظم شہبازشریف نے گرین لائن ٹرین سروس کا افتتاح کردیا

مفتاح اسماعیل نے بھی فواد چوہدری گرفتاری کی مخالفت کردی

مفتاح اسماعیل نے بھی فواد چوہدری گرفتاری کی مخالفت کردی

لال حویلی کو آج ہی واگزار کرایا جائے گا،ڈپٹی ایڈمنسٹریٹر وقف املاک بورڈ

لال حویلی کو آج ہی واگزار کرایا جائے گا،ڈپٹی ایڈمنسٹریٹر وقف املاک بورڈ

آصف  زرداری نے عمران خان کو قتل کرنے کی سازش کر رکھی ہے ،ثبوت موجود ہیں، شیخ رشید

آصف زرداری نے عمران خان کو قتل کرنے کی سازش کر رکھی ہے ،ثبوت موجود ہیں، شیخ رشید

نگراں وزیراعلیٰ پنجاب کو  کام سے روکا جائے ، پی ٹی آئی نے تعیناتی سپریم کورٹ میں چیلنج  کردی

نگراں وزیراعلیٰ پنجاب کو کام سے روکا جائے ، پی ٹی آئی نے تعیناتی سپریم کورٹ میں چیلنج کردی

فرخ حبیب کیخلاف مقدمہ درج، ایف آئی آر کو بہت ہی ماٹھی کہانی  قرار دیدیا

فرخ حبیب کیخلاف مقدمہ درج، ایف آئی آر کو بہت ہی ماٹھی کہانی قرار دیدیا

بتائیں کس قانون کے تحت عمران خان کو گرفتار کیا جائے گا؟  اسد عمر 

بتائیں کس قانون کے تحت عمران خان کو گرفتار کیا جائے گا؟  اسد عمر