12:36 pm
پختونخوا ، خوش گوار خبر، متفقہ نگران وزیراعلیٰ

پختونخوا ، خوش گوار خبر، متفقہ نگران وزیراعلیٰ

12:36 pm

٭…انتہائی خوش گوار خبر! شائستہ مہذب لوگوں کی شائستگی، پختونخوا: حکومت اور اپوزیشن نے پہلی ملاقات میں ہی نہائت مہذبانہ انداز میں نگران وزیراعلیٰ اعظم خان کا انتخاب کر لیا! وَیل ڈَن!! بے حد مبارکباد!O ’’نوازشریف کی حکومت کے خلاف عمران خان، دو جرنیلوں اور دو چیف جسٹسوں نے سازش کی‘‘ مریم نواز کی واپسی پر شاندار استقبال ہو گا!، رانا ثناء اللہO پاکستان 35 فیصد تیل روس سے منگوائے گا، دوسروں سے سستا مگر قیمت خفیہ رہے گیO سعودی عرب، چار ممالک کی لڑکیوں کا فٹ بال ٹورنامنٹ، پاکستانی ٹیم دوسرے نمبر پر! افغانستان میں لڑکیوں کی تعلیم بند! اسلامی سربراہی کانفرنس کی تشویش، افغانستان کا سخت جوابO قومی اسمبلی: پی ٹی آئی کے ارکان کے9 ماہ کے رکے ہوئے استعفوں کے کشتوں کے پُشتے! ایک دن میں 80 استعفے منظور O ایف آئی اے نے وزیراعظم کے بیٹے سلمان شہباز کو منی لانڈرنگ کیس میں بے قصور قرار دے دیا!O وزیراعظم شہبازشریف کی بھارت کو مذاکرات کی پیش کش، عمران خان اور وزیراعظم آزاد کشمیر کی سخت مذمتO شہبازشریف کو اعتماد کا ووٹ لینا پڑے گا: فواد چودھریO لکڑی 1400 روپے منO بلوچستان: پھر طوفانی بارشیں، شدید برف باری، گیس بند!!
٭…ملک میں جہاں ہر طرف گالم گلوچ، ایک دوسرے کی شدید مخالفت اور مذمت کا ناگوار طوفان برپا ہے، کراچی اور پنجاب میں طوفان بدتمیزی کی انتہا ہو گئی ہے، ایک دوسرے کے خلاف شعلے اگلے جا رہے ہیں، دھمکیاں، بھبکیاں! وہاں پشاور سے نہائت خوش گوار خبریں! پنجاب کا عالم یہ کہ گورنر نے اسمبلی تحلیل کرنے کی سمری پر دستخط کرنے سے انکار کر دیا۔ پختونخوا کے گورنر حاجی غلام علی کو رات ایک بجے سمری موصول ہوئی۔ صبح اٹھتے ہی اس پر دستخط کر دیئے۔ پنجاب کے مغرور وزیراعلیٰ پرویزالٰہی نے نگران وزیراعلیٰ کے لئے اپوزیشن سے ملنا بھی پسند نہ کیا اور اس کے پیش کردہ نام مسترد کر دیئے اور اپنے ناموں پر اصرار کیا۔ پہلا مرحلہ ناکام ہونے پر سپیکر کی مقرر کردہ پارلیمانی کمیٹی کا اجلاس بھی ناکام، معاملہ الیکشن کمیشن کے پاس جا رہا ہے تو وزیراعلیٰ نے اعلان کر دیا کہ کمیشن کا مقرر کردہ نگران وزیراعلیٰ تسلیم نہیں کروں گا (نہ کرو، وہ تو آ رہا ہے!) ٭…اب پشاور چلئے۔ وزیراعلیٰ محمودخان نے اسمبلی تحلیل کرنے کی سمری تیار کی۔ گورنر حاجی غلام علی کو رات ایک بجے سمری ملی۔ انہوں نے صبح دفتر جا کر 9 بجے اس پر دستخط کر دیئے! (پنجاب کے گورنر کی طرح رسوائی مول نہیں لی) آغاز اچھا ہوا تو مزید خوش گوار بات کہ اسمبلی تحلیل ہونے کے بعد آئین کے مطابق وزیراعلیٰ محمود خان اور اپوزیشن لیڈر حاجی محمد اکرم درانی کے درمیان ابتدائی نشست منعقد ہوئی، کوئی جھگڑا نہیں ہوا، کوئی ٹھوں ٹھاں نہیں چند لمحوں میں دونوں فریقوں نے نہائت شائستہ اور مہذبانہ انداز میں صوبہ کے سابق چیف سیکرٹری اعظم خان کے نام پر اتفاق کر لیا۔ ایک دوسرے کو مبارکباد دی اور اتفاق رائے سے ایک سمری پر دستخط کرکے بیرونی یونیورسٹیوں کے اعلیٰ تعلیم یافتہ گورنر حاجی غلام علی کو بھیج دی، گورنر نے سمری پر فوراً دستخط کر کے اعظم خان کو نگران وزیراعلیٰ مقرر کر دیا۔ انتہائی قابل تحسین بات کہ وزیراعلیٰ اور اپوزیشن لیڈر نے ایک دوسرے کا بے حد احترام کیا، بڑے تپاک سے مصافحہ کیا، بڑے شائستہ انداز میں بات چیت کی اور اعظم خان کے نام پر اتفاق کا اظہار کر دیا! میں خود کو کسی ایک صوبے کا نہیں پورے پاکستان کا شہری قرار دیتا ہوں۔ رہتا لاہور میں ہوں، پنجاب کی حکومت اور اپوزیشن سمیت گورنر کے رویوں پر شرم سار ہو رہا ہوں اور پختونخوا کے نہائت محترم مہذب لوگوں کے لئے سراپا تحسین ہوں۔ مجھے کوئٹہ میں طویل قیام کے دوران وہاں پختون رہنمائوں اور عام لوگوں سے ملنے کا اتفاق ہوتا رہا، بے حد کشادہ دل، کشادہ بازو، مہمان ان کے گلے لگتے ہوا گھبراتا ہے، اتنے زور سے بغل گیر ہوتے ہیں کہ مہمان کا دم گھٹنے لگتا ہے۔ پنجاب کے لوگ بھی ہیر رانجھا، سوہنی مہینوال، مرزا صاحبہ کی رومانی فضا کے وارث اور نہائت کھلے دلوں والے لوگ ہیں مگر صد حَیف! کہ انہیں شرم ناک پاٹے خاں پھنے خاں قیادتیں گھیرے رہتی ہیں۔ پختونخوا زندہ باد!! ٭…پختونخوا کی بات ذرا لمبی ہو گئی مگر جہاں بے حد فضول باتوں پر روزانہ پورا کالم ضائع کرتا ہوں، وہاں ایک خوش گوار، رُوح افزا بات پر یہ چند سطریں بھی کم ہیں۔ چلئے اب فضول باتیں: ٭…عمران خان کہتا ہے کہ اس کی حکومت کے خلاف جنرل باجوہ، نوازشریف، شہبازشریف نے سازش کی۔ اور اب ن لیگ کی نئی ’صدر‘ مریم نواز کے روبرو سربسجدہ وزیرداخلہ رانا ثناء اللہ کا نیا ’’نوبال‘‘ کیا ہے کہ نوازشریف کی حکومت کے خلاف پانچ لوگوں نے سازش کی۔ ان میں عمران خان، جنرل باجوہ، جنرل فیض، سابق چیف جسٹس ثاقب نثار اور آصف سعید کھوسہ شامل تھے۔ گویا جنرل باجوہ عمران اور نوازشریف دونوں کے ’محسن‘ ٹھہرے! رانا ثناء اللہ کے بیانات پہلے کون سے سنجیدہ ہوتے ہیں؟یہ بیان بھی اسی طرح کا ہے۔ چلئے جرنیلوں کی بات چھوڑیں وہ تو لیاقت علی خان کے زمانے سے ہی سیاست کا لبادہ اوڑھے چلے آ رہے ہیں، مگر یہ بتائوء رانا ثناء اللہ! کہ سپریم کورٹ کے دو چیف جسٹس حضرات کو نوازشریف کے ساتھ کیا عداوت تھی؟ ٭…مخالف کی ہر بات کی مخالفت عام رویہ بن چکا ہے۔ وزیراعظم شہبازشریف نے ایک عام سادہ بات کہی کہ خطے میں امن کے قیام اور دہشت گردی کے انسداد کے لئے پاکستان اور بھارت میں مذاکرات ضروری ہیں۔ یہ محض رسمی بیان ہے۔ بھارت کے وزیر دفاع و داخلہ بار بار پاکستان کو دہشت گرد قرار دے رہے ہیںاور کہہ رہے ہیںکہ پاکستان کوکسی قسم کے مذاکرات سے پہلے بھارت کے خلاف دہشت گردی ختم کرنی ہو گی! پاکستان واضح الزام لگا چکا ہے کہ کشمیر، بلوچستان، پختونخوا اور پاکستان کے دوسرے علاقوں میں بھارت دہشت گردی کرا رہا ہے۔ ایک دوسرے کے خلاف ایسے انتہا پسندانہ ناموں میں مذاکرات کا ذکر مضحکہ خیز لگتا ہے مگر پھر امن کیسے قائم کیا جا سکتا ہے؟ جنگ کا ذکر چھوڑیں، تین جنگوںمیں دونوں طرف بے پناہ تباہی بربادی، ہزاروں جانیں ضائع اور پھر فوجیںاور مفتوحہ علاقے واپس، پھر 1965ء کی جنگ کے بعد تاشقند میں مذاکرات ہوتے ہیں اور جنرل ایوب خاں اپنے کاندھوں پر بھارتی وزیراعظم لال بہادر شاستری کی ارتھی اٹھا کر طیارے تک پہنچاتا ہے۔ دلیری، بہادری، غیرت، حمیت، کچھ یاد نہیں رہتا! اور پھر بھٹو اندرا گاندھی، ضیاء الحق راجیو، نواز واجپائی وغیرہ کے مذاکرات! یہ رسمی کارروائیاں سہی، مگر ایک دوسرے کے قریب آنے کا یہی واحد راستہ ہے۔ دو سال قبل چین بھارت میں سخت محاذ آرائی ہوئی۔ چینی فوجیوں نے صرف لاٹھیوں سے بھارت کے 20 فوجی ہلاک کر دیئے۔ اس کے بعد مذاکرات شروع ہوئے، اب تک جاری ہیں۔ شہباز شریف نے مذاکرات کی رسمی بات کی مگر موصوف کے خاندان کے ذہنوں سے بھارت کا سابق ’جاتی عمرا‘ گائوں نکلتا ہی نہیں! ان لوگوں کی پاکستان میں فیکٹریاں بھارتی لوہے سے بنی ہیں۔ اس پس منظرکے حوالے سے ’شریف‘ افراد کے منہ سے بھارت کے ساتھ بات چیت خاص رنگ اختیار کر لیتی ہے۔ عمران خان مذاکرات کی مخالفت کریں مگر دوسرا حل بھی بتائیں! ٭…قومی اسمبلی میں استعفوں کی منڈی لگی ہوئی ہے۔ سپیکر اسمبلی کے پاس 9 ماہ تک پی ٹی آئی کے 131 استعفے پڑے سُوکھتے رہے۔ پی ٹی آئی شورمچاتی رہی کہ استعفے منظور کرو، اب سپیکر نے اچانک ان استعفوںکے کشتوں کے پُشتے لگا دیئے ہیں۔ 24 گھنٹوں میں اک دم 80 استعفے منظور، ابھی مزید بھی سُولی چڑھنے والے ہیں۔ ان کی جلد منظوری کے مطالبہ والی تحریک انصاف اب چیخ رہی ہے کہ استعفے کیوں منطور کئے ہیں؟ اور پی ٹی آئی کو بار بار اسمبلی میں واپس آنے کی دعوت پر اصرار کرنے والے، سپیکر، خواجہ آصف وغیرہ الٹ قلابازیاں لگا کر دھمکیاں دے رہے ہیں کہ پی ٹی آئی کو اسمبلی میں گھسنے نہیں دیں گے۔ دونوں طرف ایک ہی جیسے لوگ!! صُبح ایک بیان،دوپہر کو یُوٹرن! الاماں! الاماں! ٭…قارئین کرام! پلیز میرے ساتھ تھوڑی سی ہمدردی! مجھے ہمیشہ سردیوں کی بارشیں بہت اچھی لگتی ہیں، اندر گرم لحاف میں کھڑکی کے باہر بوندا باندی کی ٹپ ٹپ آوازیں بہت مسحور کرتی ہیں۔ گزشتہ روز بہت طویل عرصہ کے بعد ہلکی بارش ہوئی۔ میں سویا ہوا تھا، پتہ ہی نہیں چلا! افسوس!


تازہ ترین خبریں

حکومت کے آئی ایم ایف کو راضی کرنے کیلئے ترلے، وفاقی ترقیاتی بجٹ میں بڑی کٹوتی کا امکان

حکومت کے آئی ایم ایف کو راضی کرنے کیلئے ترلے، وفاقی ترقیاتی بجٹ میں بڑی کٹوتی کا امکان

پاکستان میں 42 فیصد بچے اسٹنٹنگ کا شکار ،اقوام متحدہ نے خطرے کی گھنٹی بجادی

پاکستان میں 42 فیصد بچے اسٹنٹنگ کا شکار ،اقوام متحدہ نے خطرے کی گھنٹی بجادی

فیس بک پر گاڑی برائے فروخت کے اشتہار نے پاکستانی پولیس افسر کی زندگی چھین لی

فیس بک پر گاڑی برائے فروخت کے اشتہار نے پاکستانی پولیس افسر کی زندگی چھین لی

سپیکر میری مانیں تو اپوزیشن لیڈر بدل لیں ، فواد چوہدری کا پرویز اشرف کو مشورہ

سپیکر میری مانیں تو اپوزیشن لیڈر بدل لیں ، فواد چوہدری کا پرویز اشرف کو مشورہ

ساڑھے 5 سال بعد سابق وزیراعظم بینظیر بھٹو قتل کیس کی اپیلیں سماعت کیلئے مقرر

ساڑھے 5 سال بعد سابق وزیراعظم بینظیر بھٹو قتل کیس کی اپیلیں سماعت کیلئے مقرر

آل پارٹیز کانفرنس کیلئے حکومتی سنجیدگی حیران کن ، شاہ محمود قریشی

آل پارٹیز کانفرنس کیلئے حکومتی سنجیدگی حیران کن ، شاہ محمود قریشی

ضمنی الیکشن،چوہدری نثار کا اپنے بیٹےتیمور علی خان کو میدان میں اتار نے کا فیصلہ

ضمنی الیکشن،چوہدری نثار کا اپنے بیٹےتیمور علی خان کو میدان میں اتار نے کا فیصلہ

میگا ایونٹ میں شریک ٹیموں ،آفیشلز کو اسٹیٹ گیسٹ کا درجہ مل گیا،غیر ملکی کمنٹیٹرز ، مبصرین وی آئی پی قرار

میگا ایونٹ میں شریک ٹیموں ،آفیشلز کو اسٹیٹ گیسٹ کا درجہ مل گیا،غیر ملکی کمنٹیٹرز ، مبصرین وی آئی پی قرار

سابق چیئرمین نیب جاوید اقبال کے گریبان پرہاتھ ڈالیں گے، شاہدخاقان عباسی کی دھمکی

سابق چیئرمین نیب جاوید اقبال کے گریبان پرہاتھ ڈالیں گے، شاہدخاقان عباسی کی دھمکی

بھارتی اداکارہ راکھی ساونت کے شوہر عادل درانی گرفتار

بھارتی اداکارہ راکھی ساونت کے شوہر عادل درانی گرفتار

لاہور ہائیکورٹ کا بڑا فیصلہ،  43پی ٹی آئی ا یم این ایز کے استعفےمنظور کرنے کا حکم معطل

لاہور ہائیکورٹ کا بڑا فیصلہ، 43پی ٹی آئی ا یم این ایز کے استعفےمنظور کرنے کا حکم معطل

ترکیہ اور شام میں تباہ کن زلزلہ، اموات آٹھ ہزار کے قریب ، بارش کے باعث امدادی سرگرمیوں میں مشکلات کا سامنا

ترکیہ اور شام میں تباہ کن زلزلہ، اموات آٹھ ہزار کے قریب ، بارش کے باعث امدادی سرگرمیوں میں مشکلات کا سامنا

آئی ایم ایف اور پی ڈی ایم حکمرانوں نے پاکستانی عوام کے حقوق پامال کرنے کی تیاری کرلی، ہیومن رائٹس واچ کا انکشاف

آئی ایم ایف اور پی ڈی ایم حکمرانوں نے پاکستانی عوام کے حقوق پامال کرنے کی تیاری کرلی، ہیومن رائٹس واچ کا انکشاف

پاکستان سے یومیہ 50لاکھ ڈالر افغانستان سمگل، بلوم برگ نے حکومتی کارکردگی کا پول کھول دیا

پاکستان سے یومیہ 50لاکھ ڈالر افغانستان سمگل، بلوم برگ نے حکومتی کارکردگی کا پول کھول دیا