دوسری طرف اسرائیل نے اپنے ایک بیان میں سعودی عرب اور ایران کےمابین تعلقات کی بحالی کی مذمت ہے اور کہاہے کہ ان ملکوں کے درمیان تعلقات کی بحالی اسرائیل کی خارجہ پالیسی کی ناکامی ہے۔ اسرائیل اس ضمن میں امریکہ سےرجوع کرے گاتاکہ چین کے کردار پر بڑی تفصیل سے بات کرکے اس معاہدے کےحقائق معلوم کئےجاسکیں نیزاسرائیل کی یہ کوشش ہوگی کہ ایران اورامریکہ کےدرمیان ایٹمی ہتھیاروں کےسلسلے میں جومذاکرات ہورہے ہیں‘ ان میں رکاوٹ ڈالی جائے تاکہ یہ مذاکرات کامیاب نہ ہوسکیں حالانکہ حقیقت یہ ہے کہ امریکہ ایران کےدرمیان ایٹمی ہتھیاروں سےمتعلق مذاکرات کو کامیاب کراناچاہتاہےتاکہ امریکہ کسی حد تک ایران میں اپنااثرورسوخ برقراررکھ سکےحالانکہ ایران میں اس وقت ایک کردلڑکی کے قتل کے سلسلے میں احتجاج جاری ہیں جس میں اب تک سینکڑوں افراد اپنی جان دے چکے ہیں۔ ایرانی حکومت ایران میں ہونے والے احتجاج سے متعلق امریکہ پر الزام عائد کررہے ہیں تاہم سعودی عرب اورایران کےدرمیان ہونےوالے معاہدے سے عوامی جمہوریہ چین کی سفارتی اورسیاسی قوت میں بے پناہ اضافہ ہواہےنیز اس خطے کے عوام یہ سمجھ رہے ہیں کہ چین کا یہ کردار آئندہ بھی جاری رہے گا۔ چند ماہ بعدفلسطین کےمسئلے کوبھی چین اپنے پرامن سفارتی ذرائع سےحل کرانےکی کوشش کرےگاتاکہ فلسطینیوں کو انکا حق مل سکے۔ فلسطینی عوام کشمیری عوام کی طرح اپنے سیاسی اور آئینی حقوق کے لئےبے پناہ قربانیاں دےرہے ہیں۔ مشرق وسطیٰ میں اس وقت چین مظلوم عوام کی ایک امید بن کر ابھرا ہے اور اس کی سفارتی کوششوں سے مشرق وسطیٰ کے مختلف ملکوں کے درمیان اختلافات کوختم کرانے میں چین اپناکردارادا کررہاہے۔ ویسے بھی چین کسی بھی ملک میں جنگ کا حمایتی نہیں ہے۔ وہ پرامن طریقے سے اپنی معیشت کو غیرمعمولی ترقی دےرہاہےاوریہی طریقہ کاروہ دوسرے ملکوں کو بھی اختیارکرنے کامشورہ دے رہا ہے۔ سعودی عرب اور ایران کے درمیان سفارتی و سیاسی تعلقات کی بحالی سے متحدہ عرب امارات‘ بحرین اور عمان کی قیادت بھی بہت خوش ہیں،بعدمیں ان کےدرمیان تجارت کےفروغ میں غیرمعمولی اضافہ ہوسکتاہے۔اس معاہدے سےچین ایشیا میں امن کا سب سے بڑاپیامبر بن کرابھرا ہے۔شکریہ چین۔سعودی عرب اور ایران دوستی زندہ باد۔