نئی دہلی کے مسلمان قتل عام پر عالمی ردعمل

نئی دہلی کے مسلمان قتل عام پر عالمی ردعمل

a month ago.

صدر ٹرمپ کے بھارتی دورہ کے نتیجے میں ہندتوا فلسفہ کی بی جے پی، بجرنگ دل نے مل کر دہلی میں 27مسلمانوں کا قتل عام کیا ہے۔ہم اسے مسلمان ہندو فسادات نہیں کہہ سکتے کیونکہ یکطرفہ طور پر وزیر سمیت بی جے پی کے 4رہنمائوں نے ہندوئوں کو مسلمانوں پر حملوں کے لئے اکسایا، دہلی ہائی کورٹ کا حکم ہے کہ ان سب کو مقدمے میں نامزد کیا جائےمگر افسوس کہ بھارتی عدلیہ مکمل طور پر ہندوتوا عدلیہ بنی ہوئی ہے۔ مسلمانوں کی تین طلاق کے مسئلے پر ، بابری مسجد کے مسئلے پر، کشمیر کے حوالے سے، شہریت قانون کے حوالے سے، بھارتی عدلیہ عدل و انصاف فراہم کرنے کی بجائے ہندوتوا عدلیہ بنی ہوئی ہے۔ اخباری اطلاعات کے مطابق مسلمانوں کو چن چن کر مارا گیا ہے۔ 200سے زائد شدید زخمی ہوگئے جبکہ ہسپتال زخمیوں سے بھر گئے۔ اب نئی دہلی بھی مقبوضہ کشمیر کا منظر پیش کرتا ہے۔ اروند کیجرال وزیراعلیٰ پنجاب نے وفاقی حکومت سے مطالبہ کیا کہ نیو دہلی کو فوج کے سپرد کیا جائے مگر وزیر داخلہ امیت شا نے فوج بلوانے سے انکار کر دیا ہے۔ سونیا گاندھی نے وزیر داخلہ امیت شا کے استعفیٰ کا مطالبہ کیا ہے مگر امیت شا نے مستعفی ہونے اور منصب چھوڑنے سے انکار کر دیا ہے۔

اردوان‘ انتونیو پاکستانی فتح اور بھارتی شکست کے کھلاڑی

اردوان‘ انتونیو پاکستانی فتح اور بھارتی شکست کے کھلاڑی

2 months ago.

ذرا نعمت اور نحوست میں فرق دیکھئے۔ پاکستان پر اللہ تعالیٰ کا کرم اور مہربانی ہوئی کہ صدر ٹرمپ کے انڈیا کے متوقع دورے سے پہلے سیکرٹری جنرل اقوام متحدہ پرتگال کے سابق وزیراعظم‘ انسانیت دوست انتونیو گوتریس کو پاکستان کے چار روزہ دورے پر بھیج دیا۔ اسلام آباد میں انہوں نے تاریخی افغان مہاجرین کانفرنس میں بھرپور شرکت کی۔ انہوں نے افغان مہاجرین کی چالیس سالہ پاکستانی میزبانی کو تمغہ خدمت و امتنان پیش کیا۔ افغان مہاجرین دو ممالک پاکستان اور ایران میں ہیں۔ ایرانی مندوب بھی اس کانفرنس میں شریک تھے۔ افغان نائب صدر بھی موجود تھے۔ وزیراعظم عمران خان خود پٹھان ہیں۔ ان کا ماضی کا قلبی جھکائو افغانوں کی طرف رہا ہے۔ پشتونوں کے حوالے سے وہ ماضی میں بہت عمدہ کتاب بھی لکھ چکے ہیں۔ صدر مملکت‘ وزیراعظم عمران خان‘ وزیر خارجہ شاہ محمود قریشی اور آرمی چیف جنرل باجوہ کے ساتھ سیکرٹری جنرل کی انفرادی ملاقاتیں بھی ہوئیں۔ حکومت اور ریاست  ساتھ ہیں۔ یہ سب کچھ انتونیو گوتریس کی اسلام آباد میں موجودگی میں دکھائی دیا ہے پاک فوج کی اقوام متحدہ کی امن فوج میں تاریخی اہمیت کو بھی سیکرٹری جنرل کی اسلام آباد میں موجودگی سے قوت اظہار و بیان ملی ہے۔ عالمی امن کے لئے یوں پاکستانی کردار اور خدمات کا اعتراف بھی عالمی ادارے کے نمائندے کی طرف سے ہوچکا ہے۔

سمجھوتہ ایکسپریس سازش

سمجھوتہ ایکسپریس سازش

2 months ago.

13برس پہلے پاکستان اور بھارت میں چلنے والی سمجھوتہ ایکسپریس پر ہندو غنڈوں کے حملے کو 13سال ہوگئے ہیں۔ ہندو  غنڈوں کے حملوں سے 68مسافر لقمہ اجل بنے تھے۔ ان میں 43 پاکستانی بھی تھے۔ سمجھوتہ ایکسپریس بھارتی اسٹیبلشمنٹ کی پس پردہ سرپرستی سے ہندو غنڈوں کی اسی طرح کی کارروائی تھی جس طرح افضل گرو کو ایک ناکردہ گناہ میں ملوث کرنے کی سازش  ہوچکی اسٹیبلشمنٹ نے تیار کی اور اس پر عمل کرتے ہوئے افضل گرو کو ایسے جرم میں سزا دے دی گئی جو جرم اس نے کیا ہی نہیں تھا۔ بھارتی ملٹری انٹیلی جنس کا ایک حاضر سروس کرنل پاکستان کو بدنام کرنے کی کارروائیوں اور پاکستان کو غیر ذمہ دار اور دہشت گرد ثابت کرکے افعال اور اعمال کا موجد تھا۔ سمجھوتہ ایکسپریس میں جو آگ لگائی گئی وہ بھی دراصل پاکستان کو اس المیے اور حادثے میں ملوث کرنے کی سازش تھی۔ مگر سوال  ہے کہ پاکستان ایسی  ٹرین  میں آگ لگوانے کا باعث کیسے ہوسکتا تھا جس میں خود پاکستانی شہری محو سفر تھے۔ کیا دنیا سمجھوتہ ایکسپریس کے المیے اور حادثے کے پیچھے جو ہندو اسٹیبلشمنٹ کی سازش تھی اس کا معاملہ زیر غور لاسکے گی؟ ہرگز نہیں کیونکہ بھارت بڑی منڈی ہے اور وہاں پاکستان سے زیادہ ہتھیار فروخت ہوتے ہیں۔ پڑوسیوں پر جنگی فوقیت دلوانا اسلحہ فروخت کرنے والوں کے لئے بھی بھارت ہی اولیت رکھتا ہے۔