چین: کرونا کا مرکز، ووہان شہر نارمل، دکانیں کھل گئیں

چین: کرونا کا مرکز، ووہان شہر نارمل، دکانیں کھل گئیں

16 days ago.

٭ کرونا 180 ممالک میں پہنچ چکا ہے۔ دنیا بھر میں ہر قسم کی کاروباری سرگرمیاں، طیاروں کی پروازیں، ہم سایہ ملکوں کے ساتھ سرحدیں بند ہیں۔ پورے بھارت میں آج لاک ڈائون ہو رہا ہے۔ پاکستان میں 34 ٹرینیں بند کی جا رہی ہیں۔ بھارت میں آج 2700 ٹرینیں بند رہیں گی۔ ایک ارب سے زیادہ بھارتی شہری گھروں میں بند رہیں گے۔ کوئی طیارہ نہیں اڑے گا۔ برطانیہ کی ملکہ الزبتھ نے اپنی پوتی بیٹرس کی شادی میں شرکت سے انکار کر دیا ہے۔ ملکہ نے اپنے ناراض بیٹے ہیری اور اس کی بیوی میگھن کو واپس بلانے کا فیصلہ کیا ہے۔ دونوں کینیڈا میں ’’آئسو لیشن‘‘ میں ہیں۔ سندھ میں تین دن کا لاک آئوٹ شروع ہو گیا ہے۔ وزیراعظم پاکستان نے ملک میں 14 دن کا لاک آئوٹ نامنظور کر دیا ہے۔ دنیا بھر سے ہر ملک کی ایک جیسی خبریں آ رہی ہیں۔ اٹلی اور ایران میں سب سے زیادہ خراب حالت ہے سینکڑوں ہلاک ہزاروں ہسپتالوں میں پڑے ہیں۔ اٹلی میں ایک روز میں 650 ہلاکتیں ہوئیں! یہ ساری خبریں روح فرسا ہیں۔ ٹیلی ویژنوں اور اخبارات میں تفصیل آ رہی ہے۔ انہیں دہرانے کا کوئی فائدہ نہیں۔ البتہ یہ کہ چین کے جس شہر ووہان سے کرونا شروع ہوا، وہ نارمل ہو گیا ہے اور دکانیں کھل گئی ہیں۔