10:58 pm
مخمل بچھائیں گھر سجائیں - گھر کی آرائش

مخمل بچھائیں گھر سجائیں - گھر کی آرائش

10:58 pm

عصر حاضر کو دیکھا جائے تو ہمارے ہاں مخمل یعنی ویلویٹ کے فرش،پردے اور دبیز و گداز صوفے نظر آنے لگے ہیں۔سرد موسم میں تو ویسے بھی گھر میں مخملی انداز لئے کئی نئے آئیڈیاز پر عمل کیا جاتا ہے۔مخمل میں ٹاٹ کا پیوند تو شاید ناگوار گزرے لیکن اگر صوفوں پر یا اس کے کسی حصے کو مخمل سے ڈھانپ دیا جائے تو اس سے صوفے کی شان بڑھ جاتی ہے۔ مخمل چونکہ ایک موٹا اور بھاری کپڑا ہے،اگر یہ زمین پر بچھے تو جھلمل کرتے تالاب کی طرح نظر آتا ہے۔صوفے پر لگا ہو تو جھلملاتی تہیں سامنے لاتا ہے۔ہاتھ پھیریں تو جس طرح آپ کا ہاتھ جائے گا،اس کا شیڈ تبدیل ہوتا چلا جائے گا۔اس کا گداز پن اور ہموار پن اسے بہترین انتخاب بناتا ہے۔ مخمل،حواس پر اچھا اثر ڈالتا اور زندگی میں بھرپور رنگت لاتا ہے۔ مخمل کے بارے میں سوچیں گے تو اس کی کشش اور کثیر الجہت رنگت آپ کو اپنی جانب راغب کرے گی۔مخمل شام کے وقت اور اندھیرے میں بھی بھلا لگتا ہے۔مخمل خود پر پڑنے والی روشنی کو 90 ڈگری کے ملٹی پل زاویوں پر گھما دیتا ہے اور عجیب سی نفاست یا شان پیدا کرتا ہے،اس قسم کے اسٹائل کے لئے شوخ مخمل(Bright Velvet) مشہور ہے۔ فنکارانہ یا نقاشی والے پھولوں سے بنا وال پیپر ایک گہرے نیلے رنگ کے خوبصورت مخملی صوفے کو ایک دل آویز پس منظر فراہم کر سکتا ہے۔
اس میں مزید دلکشی پیدا کرنے کے لئے متضاد رنگ کا مخملی کشن ساتھ رکھ دیں۔آپ اس ماحول سے خوب لطف اٹھائیں گے۔اگر آپ اپنے ڈرائنگ روم کی کرسیوں کی پشت یعنی بیک سیٹ کو امبر ویلویٹ یعنی زرد رنگ کے مخملی کورز سے ڈھانپ دیں تو یہ ڈرائنگ روم کے اچھوتے اور دلکش انداز کو سامنے لائیں گے،ساتھ ہی سونے جیسے مخملی کشن سونے پر سہاگہ ثابت ہوں گے۔لگژری لُک کے لئے دیواروں اور فرنیچر پر ایک ہی رنگ کا شیڈ استعمال کریں جو نیلا یا سرمئی ہو سکتاہے۔ مخملی کپڑوں سے سجی کر سیاں اور پالش شدہ پیتل کی اشیاء ایک خوبصورت اسکیم سامنے لاتی ہیں،جنہیں دیکھ کر نہ صرف سب چونک جائیں گے بلکہ آپ کے ذوق کی بھی داد دیں گے۔اس اسکیم کو بیلنس کرنے کے لئے اگر آپ درج بالا ڈائننگ روم کی تھیم شامل کر لیں تو آپ کے گھر کو چار چاند لگ سکتے ہیں۔ آپ کے بیڈ روم میں رکھے بیڈ پر اگر زردی مائل مخمل چڑھا دیا جائے تو اس سے آپ کو نرمی اور گرمی کا احساس ہو گا۔ ویسے بھی دو متضاد رنگ خود کو تو ایک دوسرے سے جدا رکھتے ہیں،لیکن دلکش امتزاج بناتے ہوئے گھر یا کمرے کی خوبصورتی کو یکجان کر دیتے ہیں۔کمرے میں بچھا قالین بھی اگر بیڈ کور جیسا ہوتو پھر آپ ایک پرفیکٹ بیڈ روم میں بھرپور لطف اٹھا سکتے ہیں۔زردی مائل رنگ کے وال پیپرز اور کشنز اس تھیم میں اور بھی گرم جوشی پیدا کر سکتے ہیں۔ مخمل ہے کیا؟ زیادہ تر مورخین اس بات پر متفق ہیں کہ لوگوں نے تیرہویں صدی کے آس پاس مشرق بعید غالباً چین میں مخمل تیار کرنا شروع کیا۔ اس کے بعد مخمل نے ایشیا میں شاہراہ ریشم کے ساتھ مغرب کا سفر کیا یہاں تک کہ وہ اٹلی پہنچا اور اطالوی نشاة ثانیہ کے دوران عروج پر پہنچا۔سیدھے سادے بنے ہوئے کپڑے(جیسے لیلن)کے برخلاف مخمل میں بہت زیادہ سوت کا استعما ل ہوتا ہے اور بننے کے دوران یہ کئی مراحل سے گزرتا ہے۔کپڑے کی دو پرتیں(مخمل کسی بھی قسم کے سوت سے بنا ہو سکتا ہے)ڈبل ایکشن لوم پر جاتی ہیں اور اس کے دھاگے بالترتیب ایک دوسرے پر چڑھ کر سوت سے جڑ جاتے ہیں۔ جب یہ لوم سے باہر آتا ہے تو مختلف تہوں سے بنا کپڑا ہوتا ہے،جس کا بالائی حصہ نرم و گداز ہوتا ہے۔سب سے مہنگی قسم کا مخمل ریشم سے تیار کیا جاتا ہے اور یہ بہت بیش قیمت ہوتا ہے۔ریشم کی قیمت زیادہ ہونے کی وجہ سے اکثر دیگر قدرتی ریشے مخمل بنانے میں زیادہ استعمال کیے جاتے ہیں،جیسا کہ کپاس،لیلن،موہیر اور اون۔ساتھ ہی مخمل بھی پولسٹر،ویسکوز، نائیلون اور ایسیٹیٹ سے بنے ہوئے ہو سکتے ہیں۔آپ ہمیشہ وہ مخمل چنیں جو لچکدار اور قدرتی کپڑے کے مرکب سے تیار کیا گیا ہو۔

تازہ ترین خبریں

وزارت اعلیٰ پنجاب کیلئے دوبارہ ووٹنگ، لاہور ہائیکورٹ نے حمزہ شہباز کیلئے خطرے کی گھنٹی بجادی

وزارت اعلیٰ پنجاب کیلئے دوبارہ ووٹنگ، لاہور ہائیکورٹ نے حمزہ شہباز کیلئے خطرے کی گھنٹی بجادی

چئیرمین نیب کی تعیناتی کے حوالے سے دو ناموں کی تجویز آگئی

چئیرمین نیب کی تعیناتی کے حوالے سے دو ناموں کی تجویز آگئی

 نمبر گیم تبدیل ہوگئی، حمزہ شہباز کی حکومت برقرار نہیں رہ پائے گی، ماہر قانون کا دعویٰ

 نمبر گیم تبدیل ہوگئی، حمزہ شہباز کی حکومت برقرار نہیں رہ پائے گی، ماہر قانون کا دعویٰ

حمزہ شہباز سے ملاقات کے بعد لوگ نظرانداز کرنے لگے:گولڈن مین کا شکوہ

حمزہ شہباز سے ملاقات کے بعد لوگ نظرانداز کرنے لگے:گولڈن مین کا شکوہ

گاڑی مالکان کے لیے خوشخبری، ٹیکس میں بڑی کمی کردی گئی

گاڑی مالکان کے لیے خوشخبری، ٹیکس میں بڑی کمی کردی گئی

اہم شخصیت کا استعفیٰ منظور، بڑی خبر آگئی

اہم شخصیت کا استعفیٰ منظور، بڑی خبر آگئی

سونے کی قیمت میں بڑا اضافہ۔ صارفین پریشان

سونے کی قیمت میں بڑا اضافہ۔ صارفین پریشان

وفاقی وزیر خورشید شاہ عالمی وبا کورونا وائرس کا شکار ،حالت کیسی ہے ،تفصیلات جانیں اس خبرمیں

وفاقی وزیر خورشید شاہ عالمی وبا کورونا وائرس کا شکار ،حالت کیسی ہے ،تفصیلات جانیں اس خبرمیں

2 گروہوں کے درمیان فائرنگ کا تبادلہ،کتنے افرادجان سے ہاتھ دھوبیٹھے ،پنجاب کے بڑے شہر سے انتہائی افسوسناک خبرآگئی

2 گروہوں کے درمیان فائرنگ کا تبادلہ،کتنے افرادجان سے ہاتھ دھوبیٹھے ،پنجاب کے بڑے شہر سے انتہائی افسوسناک خبرآگئی

اسرائیل نے دنیابھرکے امن پسند ممالک کے لیے خطرے کی گھنٹی بجادی ،خوفناک ہتھیار تیار

اسرائیل نے دنیابھرکے امن پسند ممالک کے لیے خطرے کی گھنٹی بجادی ،خوفناک ہتھیار تیار

عمران خان نفرت کا سوداگر، اداروں کو مخالفین کیخلاف استعمال کیا، خواجہ آصف

عمران خان نفرت کا سوداگر، اداروں کو مخالفین کیخلاف استعمال کیا، خواجہ آصف

پہلے ہمارے پاس تبدیلی کے لئے بڑے چکر لگتے تھے، اور ہماری شکلیں بھی اچھی لگتی تھیں

پہلے ہمارے پاس تبدیلی کے لئے بڑے چکر لگتے تھے، اور ہماری شکلیں بھی اچھی لگتی تھیں

جے یو آئی (ف) کا ’زرداری بھگاؤ سندھ بچاؤ‘ تحریک شروع کرنے کا اعلان

جے یو آئی (ف) کا ’زرداری بھگاؤ سندھ بچاؤ‘ تحریک شروع کرنے کا اعلان

پاکستان تحریک انصاف کا ایسااقدام جس سے حکومت کےلیے خطرے کی گھنٹی بج گئی

پاکستان تحریک انصاف کا ایسااقدام جس سے حکومت کےلیے خطرے کی گھنٹی بج گئی