05:21 pm
ایبٹ آباد آپریشن ہمارے لئے شرم کا مقام تھا، عمران خان

ایبٹ آباد آپریشن ہمارے لئے شرم کا مقام تھا، عمران خان

05:21 pm

واشنگٹن (مانیٹرنگ ڈیسک) وزیراعظم پاکستان عمران خان کہتےہیں کہ امریکی امداد کی ضرورت نہیں۔ ہم صرف یہ چاہتے ہیں کہ امریکہ ہماری بات کو سمجھے۔امریکن انسٹی ٹیوٹ آف پیس میں سوالات کے سیشن کے دوران جوابات دیتے ہوئے عمران خان کا کہنا تھا کہ جس طرح اسامہ بن لادن کے وقت امریکہ نے پاکستان میں کارروائی کی ہم ایسی صورتحال دوبارہ نہیں چاہتے ۔عمران خان کا کہنا تھا کہ انہیں اس بات سے نفرت ہے کہ کسی سے امداد مانگی جائے کیونکہ ماضی میں امریکی امداد پاکستان کیلئے سب سے بڑی لعنت تھی، یہ بہت ہی شرمناک ہے
کیونکہ کوئی بھی ملک خود داری کی بنا پر اوپر اٹھتا ہے، کوئی ملک امداد اور بھیک سے آگے نہیں جاسکتا۔انہوں نے کہا کہ انہیں اس وقت اپنی زندگی میں سب سے زیادہ شرمندگی کا سامنا کرنا پڑا جب اسامہ بن لادن کو امریکہ نے پاکستان میں گھس کر مارا۔ بطور اتحادی ہر پاکستانی کیلئے یہ شرم کا مقام تھا کہ اس کا اتحادی اس پر اعتماد کرنے کو تیار نہیں ہے، ہم دوبارہ ایسی صورتحال نہیں چاہتے ، ہم چاہتے ہیں کہ برابری کی سطح پر باوقار تعلقات ہوں۔