01:14 pm
کینیڈا کا برطانوی سمندری اتحاد میں شمولیت سے انکار

کینیڈا کا برطانوی سمندری اتحاد میں شمولیت سے انکار

01:14 pm

اوٹاوا(آن لائن)کینیڈا کی وزارت دفاع کے ترجمان نے کہا ہے کہ اوٹاوا کا آبنائے ہرمز میں بحری بیڑے بھیجنے اور برطانیہ کے مجوزہ سمندری اتحاد میں شامل ہونے کا کوئی ارادہ نہیں۔ غیر ملکی میڈیا کے مطابق برطانیہ کی جانب سے آبنائے ہرمز کی سیکورٹی کے نام پر سمندری اتحاد کے قیام سے متعلق خبروں کے درمیان کینیڈا کے وزیر دفاع ہرجیت سجن نے کہا ہے کہ ان کے ملک کو تاحال ایسے کسی بھی اتحاد میں شمولیت کی کوئی درخواست نہیں ملی
۔ہرجیت سجن نے جو خود بھی ایک ریٹائرڈ فوجی افسر ہیں، کہا کہ کینیڈا سے فوجیں بھیجنے کی درخواست نہ کرنا کوئی بری بات نہیں۔ایران ٹی وی کے مطابق حکومت کینیڈا کا خیال ہے کہ خلیج فارس میں پیدا ہونے والی کشیدگی کو سفارتی طریقے سے حل کیا جا سکتا ہے جبکہ علاقے میں مزید فوجیں بھیجنے سے خطے کی کشیدگی میں اضافہ ہی ہو گا