04:55 pm
 خود کش حملوں کے ماسٹر مائنڈ کو گرفتار کر لیاگیا

خود کش حملوں کے ماسٹر مائنڈ کو گرفتار کر لیاگیا

04:55 pm

ہنگو(آئی این پی ) قانون نافذ کرنے والے اداروں نے ایک بڑی کامیابی حا صل کر لی ، کاؤنٹر ٹیررازم ڈیپارٹمنٹ خیبر پختونخوا نے ہنگو میں کارروائی کرتے ہوئے خود کش حملوں کے ماسٹر مائنڈ کو گرفتار کر لیا،گرفتار دہشت گرد کا نام عجب خان ہے جس کی سر کی قیمت5لاکھ روپے مقرر تھی۔ تفصیلات کے مطابق ہنگو میں محکمہ انسداد دہشت گردی کی کارروائی کی گئی ،سیکیورٹی اداروں کی جانب سے خودکش دھماکوں کا ماسٹر مائنڈ عجب خان گرفتا ہوا،
کائنٹرٹیررازم ڈیپارٹمنٹ حکام کے مطابق مطلوبہ دہشت گرد عجب خان کے سر کی قیمت5لاکھ روپے مقرر تھی، سیکیورٹی حکام کے مطابق گرفتار دہشت گرد کو نا معلوم مقام پر منتقل کر دیا گیا ہے جہاں اس سے مزید تفتیش جاری ہے اور امید ہےکہ آنے والے دنوں میں مزید دہشت گردوں کے خلاف کارروائی ہوگی جبکہ حکام کی جانب سے عجب خان کے دیگر نیٹ ورک میں شامل دہشت گردوں کے بارے میں بھی معلومات اکٹھی کی جا رہی ہے۔