آئی سی سی کی سہ ماہی میٹنگز جاری، ورلڈ ٹیسٹ چیمپئن شپ میں ٹیموں کی تعداد بڑھانے پر غور

دوحہ/دبئی(اوصاف نیوز) International Cricket Council (آئی سی سی) کی سہ ماہی میٹنگز کا سلسلہ جاری ہے، جن میں کرکٹ کے اہم معاملات اور مستقبل کے بڑے ایونٹس پر غور کیا جا رہا ہے۔

ذرائع کے مطابق کچھ میٹنگز آن لائن منعقد ہو چکی ہیں جبکہ چند اہم اجلاس ابھی باقی ہیں۔ مشرق وسطیٰ میں کشیدگی کے باعث شیڈول میں تبدیلی کی گئی، کیونکہ یہ میٹنگز 25 سے 27 مارچ تک دوحہ میں ہونا تھیں۔

میٹنگز میں ICC World Test Championship کے مستقبل پر تفصیلی بات چیت کی گئی۔ ذرائع کا کہنا ہے کہ چیمپئن شپ میں ٹیموں کی تعداد 9 سے بڑھا کر 12 کرنے کی تجاویز زیر غور ہیں، جس پر جلد اہم فیصلہ متوقع ہے۔

ذرائع کے مطابق آئی سی سی بورڈ میٹنگز میں Los Angeles Olympics 2028 میں کرکٹ ٹیموں کی شرکت کے طریقہ کار پر بھی غور کیا جا رہا ہے۔تجاویز کے مطابق اولمپکس میں:6 مردوں کی ٹیمیں6 خواتین کی ٹیمیں

کوالیفائی کریں گی، جبکہ ان کے انتخاب کے طریقہ کار کو حتمی شکل دی جا رہی ہے۔ذرائع کا کہنا ہے کہ آئی سی سی کی ان میٹنگز میں عالمی کرکٹ کے ڈھانچے، مقابلوں کی بہتری اور نئی ٹیموں کی شمولیت جیسے اہم فیصلے کیے جا سکتے ہیں، جو مستقبل میں کھیل کے فروغ کے لیے اہم ثابت ہوں گے۔
مزید پڑھیں:جڑواں شہروں میں میٹرو بس سروس محدود، اہم روٹس عارضی طور پر بند