نیا موٹروے بنانے کا فیصلہ

کراچی (نیوز ڈیسک)وفاقی حکومت نے کراچی اور حیدرآباد کے درمیان نیا موٹروے بنانے کا فیصلہ کر لیا۔

وزیر اعلیٰ سندھ مراد علی شاہ سے وفاقی وزیر مواصلات علیم خان کی وفد کے ہمراہ ملاقات ہوا جس میں ایم 6 موٹروے کی تعمیر اور ایم 10 موٹروے پر بات چیت کی گئی۔

مراد علی شاہ نے کہا کہ حیدرآباد تا سکھر ایم 6 موٹروے کافی عرصے سے نظر انداز کیا جا رہا ہے، اب وفاقی حکومت نے ایم 6 حیدرآباد سکھر سیکشن کی منظوری دی ہے جس پر شکر گزار ہیں۔

اس پر علیم خان نے کہا کہ ایم 6 موٹروے حیدرآباد سکھر سیکشن 363 بلین روپے کی لاگت سے تعمیر ہو رہا ہے، نیشنل ہائی وے اتھارٹی موٹروے کی تعمیر کرے گی۔

انہوں نے بتایا کہ موٹروے کو 4 سیکشن میں تقسیم کیا گیا ہے جس میں نوشہرو فیروز تا رانی پور، رانی پور تا سکھر، حیدرآباد تا ٹنڈو آدم اور ٹنڈو آدم تا نواب شاہ شامل ہے۔

وزیر اعلیٰ سندھ نے کہا کہ ایم 6 پر جلد کام شروع کیا جائے تاکہ عوام اور پورٹ ٹریفک کو سہولت ہو۔

ملاقات میں طے ہوا کہ ایم 6 موٹروے پر کام جلد شروع کیا جائے گا۔ اس دوران بریفنگ دی گئی کہ ایم 10 کراچی تا حیدرآباد نئے موٹروے کا منصوبہ ہے جو 168 کلومیٹر طویل ہوگا، نیا ایم 10 موٹروے 6 رویہ اور 10 انٹر چینج پر مشتمل ہوگا، اس کے دو حصے ہوں گے نئے موٹروے کے سروے پر کام شروع ہو چکا ہے۔

اس دوران کراچی اور حیدرآباد کے درمیان نیا موٹروے بنانے کا فیصلہ بھی کیا گیا۔ پاکستان پیپلز پارٹی نے کہا کہ

کراچی حیدرآباد سپر ہائی وے کو چوڑا کر کے موٹروے کا نام دیا گیا تھا، اس کے درمیان علیحدہ نیا موٹروے بنانے کا فیصلہ خوش آئند ہے۔
مزیدپڑھیں:امید کرتے ہیں کہ سازش سے متعلق ٹرمپ نے طنزیہ انداز میں بیان دیا ہو، کریملن