پروٹین شیشہ بار سعودی عرب میں متعارف کرانے کا اعلان کیا گیا ہے، جو فٹنس اور سماجی طرزِ زندگی کو یکجا کرے گا۔ یہ منفرد منصوبہ جم نیشن کی جانب سے پیش کیا گیا ہے۔
یہ پروٹین شیشہ بار 2026 میں شروع کیا جائے گا۔ ابتدائی طور پر اسے سعودی عرب میں لانچ کیا جائے گا، جس کے بعد متحدہ عرب امارات اور بحرین میں بھی متعارف کرایا جائے گا۔
روایتی شیشہ کے برعکس، اس نئے پروٹین شیشہ بار میں تمباکو یا نکوٹین شامل نہیں ہوگی۔ اس کے بجائے جڑی بوٹیوں پر مبنی مرکب استعمال کیا جائے گا جس میں ویہے پروٹین، کریٹین اور بی سی اے اے جیسے سپلیمنٹس شامل ہوں گے۔
جم نیشن کے مطابق اس منصوبے کا مقصد جم کلچر اور شیشہ کلچر کو صحت مند انداز میں یکجا کرنا ہے۔ کمپنی کا کہنا ہے کہ یہ نیا رجحان فٹنس شوقین افراد کو اپنی جانب متوجہ کرے گا۔
جم کے اندر یا اس کے قریب خصوصی ریکوری لاؤنجز قائم کیے جائیں گے۔ یہاں ممبران ورزش کے بعد آرام کر سکیں گے اور سماجی روابط کو فروغ دے سکیں گے۔
ہر سیشن تقریباً 45 منٹ پر مشتمل ہوگا۔ کمپنی کا دعویٰ ہے کہ اس دوران تقریباً 25 گرام خوشبو کے ذریعے حاصل ہونے والا پروٹین فراہم کیا جا سکتا ہے، جو عضلات کی بحالی میں مدد دے سکتا ہے۔
مینو میں منفرد ذائقے شامل ہوں گے جیسے “وہے کلاؤڈ”، “میکرو مسٹ” اور “بی سی اے اے بریز” جو اسپورٹس نیوٹریشن سے متاثر ہیں۔
ابتدائی آغاز ریاض میں کیا جائے گا، جس کے بعد دبئی، ابوظہبی، جدہ اور بحرین تک توسیع کی جائے گی۔
