امریکا (اوصاف نیوز) بھارت میں امریکی سفارتخانے نے بھارتی شہریوں کو خبردار کیا ہے کہ اب بچے کی پیدائش کے لیے آنے والوں کے سیاحتی ویزے مسترد کر دیے جائیں گے۔
بھارتی میڈیا کے مطابق امریکی نظام کو غلط استعمال کرنے کی نیت سے سیاحتی ویزے حاصل کرنے والوں کے خلاف سخت اقدامات کیے جا رہے ہیں۔
ہندوستان میں امریکی سفارت خانے نے واضح کیا ہے کہ اگر کسی درخواست گزار کے بارے میں یہ تاثر ہے کہ وہ امریکہ میں بچے کو جنم دینے کے لیے سفر کر رہا ہے تاکہ نومولود بچے کو امریکی شہریت دی جا سکے، تو اس کی ویزا درخواست منظور نہیں کی جائے گی۔
U.S. consular officers will deny tourist visa applications if they believe the primary purpose of travel is to give birth in the United States to obtain U.S. citizenship for the child. This is not permitted. pic.twitter.com/Xyq4lkK6V8
— U.S. Embassy India (@USAndIndia) December 11, 2025
سفارتخانے نے سوشل میڈیا پلیٹ فارم ایکس پر جاری کردہ ایک بیان میں کہا کہ ‘اگر قونصلر افسر کو یقین ہو گیا کہ اس سفر کا اصل مقصد امریکہ میں بچے کو جنم دینا اور اسے امریکی شہریت دینا ہے تو سیاحتی ویزا کی درخواست مسترد کر دی جائے گی۔ اس طرز عمل کی کسی صورت اجازت نہیں دی جائے گی۔‘‘
امریکہ نے سوشل میڈیا اور آن لائن موجودگی کی اضافی جانچ کو بھی بڑھا دیا ہے، جس کا اطلاق اب H-1B خصوصی ورک ویزا ہولڈرز اور ان کے H-4 انحصار کرنے والوں پر ہوگا۔
یہ پیشرفت ایک ایسے وقت میں ہوئی ہے جب ہندوستان میں متعدد ویزا درخواست دہندگان کو مطلع کیا گیا ہے کہ ان کی ویزا اپائنٹمنٹس کو دوبارہ ترتیب دیا گیا ہے۔
غور طلب ہے کہ امریکی صدر ڈونلڈ ٹرمپ نے اپنے دوسرے دور اقتدار کے پہلے دن ہی امریکا میں پیدائش کے وقت شہریت دینے کے قانون کو منسوخ کر دیا تھا تاہم امریکی عدالتوں نے اس فیصلے پر عمل درآمد روک دیا تھا۔
9 مئی کے واقعات سے ایک سال پہلے پارٹی چھوڑ چکاتھا،فیصل واوڈامزید پڑھیں:
