ممبئی (سپورٹس ڈیسک) انڈین پریمیئر لیگ کی ٹیم سن رائزرز حیدرآباد کے آل راؤنڈر ابھیشیک شرما آئی پی ایل کے ایک میچ کے دوران ضابطہ اخلاق کی خلاف ورزی پر مشکل میں پڑ گئے۔
بھارتی میڈیا رپورٹس کے مطابق ایڈن گارڈنز میں سن رائزرز حیدرآباد اور کولکتہ نائٹ رائیڈرز کے درمیان کھیلے گئے میچ کے دوران ضابطہ اخلاق کی خلاف ورزی پر ابھیشیک شرما کو جرمانے اور ایک ڈیمیرٹ پوائنٹ کا سامنا کرنا پڑا ہے۔
رپورٹس کے مطابق ابھیشیک شرما نے آؤٹ ہونے کے بعد اپنے ردعمل میں ناراضگی کا اظہار کیا جس پر ان پر میچ فیس کا 25 فیصد جرمانہ اور ایک ڈیمیرٹ پوائنٹ دیا گیا۔
یہ واقعہ اس وقت پیش آیا جب ورون چکرورتی نے ابھیشیک کو بلیسنگ مزار ابانی کی گیند پر کیچ لیا، جس پر ابھیشیک کچھ دیر کریز پر رکے، اپنے جذبات کا اظہار کیا اور اشارہ کرتے ہوئے پویلین لوٹ گئے۔
آن فیلڈ ریویو کے بعد کرکٹر کی برطرفی کی تصدیق ہوگئی لیکن وہ اس فیصلے سے مطمئن نظر نہیں آئے۔
آئی پی ایل کی طرف سے جاری کردہ ایک بیان میں کہا گیا ہے کہ ابھیشیک نے آرٹیکل 2.3 کے تحت لیول 1 کے جرم کا اعتراف کیا اور میچ ریفری کے فیصلے کو قبول کیا۔
مزید پڑھیں:فیلڈ مارشل عاصم منیر کی کلیدی پالیسیاں، پاکستان کا دنیا بھر میں سر فخر سے بلند
