(اوصاف نیوز) یمن کے حوثی باغیوں کے رہنما نے خبردار کیا ہے کہ مزید لڑائی “آنے والی ہے”، چاہے امریکا اور ایران کے درمیان جنگ بندی برقرار ہی کیوں نہ رہے۔
ٹیلی ویژن پر نشر ہونے والی ایک تقریر میں عبدالملک الحوثی نے کہا کہ خطے میں کشیدگی میں اضافہ “کافی ممکن” ہے کیونکہ “نازک” جنگ بندی اپنے اختتام کے قریب ہے۔
انہوں نے کہا، “اس میں کوئی شک نہیں کہ لڑائی کے مزید مراحل آئیں گے کیونکہ یہ ایک مسلسل تنازع میں محض عارضی جنگ بندی ہے۔”
خیال رہے کہ گزشتہ ماہ اسرائیل پر حوثیوں کے میزائل حملے کے بعد خدشہ پیدا ہوا کہ ایران کے اتحادی یمن میں ایک بار پھر بحیرہ احمر کے بحری راستوں کو بند کرنے کی کوشش کر سکتے ہیں، جیسا کہ وہ غزہ کی جنگ کے دوران کر چکے ہیں۔
باب المندب:
32 کلومیٹر (20 میل) چوڑی یہ آبنائے بحرِ ہند سے بحیرہ احمر کا واحد داخلی راستہ ہے، جو نہر سویز کے ذریعے بحیرہ روم سے جڑتی ہے۔ دنیا کی تقریباً 12 فیصد تجارت روزانہ اس راستے سے گزرتی ہے۔ اگر یہ راستہ بند ہو جائے تو جہازوں کو افریقہ کے گرد لمبا چکر لگانا پڑتا ہے، جس سے ترسیل میں 10 سے 14 دن کی تاخیر ہو جاتی ہے۔
مزید پڑھیں:عمران خان کو رہا کرکے سیاسی کردار ادا کرنے کا موقع دیا جائے ، سربراہ جے یو آئی
