کراچی(ویب ڈیسک) سندھ اور بلوچستان میں گیس فراہم کرنے والی سوئی سدرن گیس کمپنی نے گیس کی بندش سے متعلق نیا اعلان کیا ہے۔
اے آر وائی نیوز کے مطابق سوئی سدرن گیس کمپنی (ایس ایس جی سی) جو کراچی سمیت سندھ اور بلوچستان میں گیس فراہم کرتی ہے۔ ایس ایس جی سی نے گیس کی بندش سے متعلق اہم اعلان کیا ہے۔
ترجمان ایس ایس جی سی کے مطابق اتوار 2 نومبر کو مرمتی کام کے سلسلے میں گیس کی فراہمی بند رہے گی۔
جن علاقوں میں گیس بند رہے گی، ان میں کوئٹہ کے علاقے ہزار گنجی، سریاب، خروٹ آباد، حاجی کیمپ، نورزئی چوک، پشتون باغ کے علاقے شامل ہیں۔
ان کے علاوہ اختر آباد، مغربی بائی پاس، خیزنی، نوحصار، سمنگلی، کلی برات، جی او آر کالونی، ایئرپورٹ روڈ، پشین، کچلاک، بوستان، زیارت، مستونگ اور قلات میں بھی گیس کی فراہمی بند رہے گی۔
مزیدپڑھیں:وزیراعلیٰ خیبرپختونخوا کے حالیہ بیانات ملکی سلامتی کے منافی ہیں، خواجہ آصف
