اسلام آباد (نیوز ڈیسک)وفاقی دارالحکومت اسلام آباد میں قائم امریکی سفارتخانے اور قونصل خانوں نے پاکستان میں ویزوں کی اپائنٹمنٹس منسوخ کر دی ہیں۔
ایران پر اسرائیلی اور امریکی حملے اور اس میں سپریم لیڈر آیت اللہ خامنہ کی شہادت کے خلاف اسلام آباد میں امریکی سفارتخانے اور دیگر شہروں میں امریکی قونصلیٹ کے باہر احتجاج کے بعد امریکی سفارتخانے کا بڑا فیصلہ سامنے آیا ہے۔
امریکی سفارتخانے سمیت ملک میں موجود تمام قونصل خانوں نے آج ویزوں کی اپائنٹمنٹس اور امریکی شہریوں کی خدمات کے لیے تمام تقرریاں معطل کر دی ہیں۔
UPDATE: All appointments for U.S. visas and American Citizen Services are canceled for today, March 2 at the U.S. Embassy in Islamabad and the U.S. Consulates General in Karachi and Lahore. For more info: https://t.co/LLRbFcy7bZ
— U.S. Embassy Islamabad (@usembislamabad) March 2, 2026
اس کا اعلان اسلام آباد میں امریکی سفارتخانے نے اپنے آفیشل ایکس اکاؤنٹ کے ذریعہ کیا ہے۔
اس سے قبل امریکی سفارتخانے نے ایک ٹویٹ کی تھی، جس میں کہا گیا تھا کہ ہم کراچی اور لاہور میں امریکی قونصلیٹ جنرلز میں جاری مظاہروں کی رپورٹس دیکھ رہے ہیں۔
We are monitoring reports of ongoing demonstrations at the U.S. Consulates General in Karachi and Lahore, as well as calls for additional demonstrations at U.S. Embassy Islamabad and Consulate General Peshawar. We advise U.S. citizens in Pakistan to monitor local news and…
— U.S. Embassy Islamabad (@usembislamabad) March 1, 2026
ٹویٹ میں مزید کہا گیا ہے کہ ہم پاکستان میں امریکی شہریوں کو مشورہ دیتے ہیں کہ وہ مقامی خبروں کی مانیٹرنگ کے ساتھ ذاتی حفاظت کے طریقوں کا مشاہدہ کریں۔ اپنے اردگرد کے ماحول اور بڑے مجمع میں جانے سے گریز کریں۔
اس اعلامیہ میں امریکی حکومت کے اہلکاروں کو ہدایت کی گئی ہے کہ وہ اگلے نوٹس تک اپنی نقل و حرکت محدود رکھیں۔
مزیدپڑھیں:تعلیمی اداروں میں سیکیورٹی ہائی الرٹ، بڑی پابندی عائد
