کراچی (ویب ڈیسک) مقبول اداکار درفشاں سلیم کی مختصر ویڈیو وائرل ہونے کے بعد اداکارہ کے مداحوں اور سوشل میڈیا صارفین نے اداکارہ کی پرائیویسی کا خیال نہ رکھنے پر برہمی کا اظہار کیا۔
درفشاں سلیم کی وائرل ہونے والی ویڈیو میں اداکارہ کو برطانوی شہر لندن میں پینٹ شرٹ میں دیکھا جا سکتا ہے۔
ویڈیو میں دیکھا جا سکتا ہے کہ درفشاں سلیم لندن کے ایک اسکوائر پر آتے ہیں جہاں ایک گلوکار اپنے مقبول ڈرامے عشق مرشد کا گانا گا رہا ہے اور اداکارہ اس کی مختصر ویڈیو بنانے کے بعد اپنے دوستوں کے ساتھ وہاں سے چلی جاتی ہیں۔
ویڈیو میں نظر نہ آنے والا شخص مسلسل درفشاں سلیم کا پیچھا کر رہا ہے اور ان کی فلم بندی کر رہا ہے اور ایسا لگتا ہے کہ اداکارہ کو اس بات کا علم ہی نہیں کہ انہیں فلمایا جا رہا ہے۔
منٹوں کی یہ ویڈیو یوٹیوب اور انسٹاگرام سمیت دیگر پلیٹ فارمز پر وائرل ہوئی جس میں درفشاں سلیم کو دوستوں کے ساتھ لندن کی سڑکوں اور شاپنگ سینٹرز میں گھومتے ہوئے دیکھا جاسکتا ہے۔
ویڈیو میں درفشاں سلیم اور ان کے دوستوں کو ایسے دیکھا جا سکتا ہے جیسے انہیں خبر ہی نہیں کہ انہیں فلمایا جا رہا ہے۔
View this post on Instagram
تاہم کچھ سوشل میڈیا صارفین نے نشاندہی کی کہ یہ محض اتفاق نہیں ہو سکتا کہ در فشاں سلیم کے ڈرامے کا گانا گایا جا رہا ہو اور اداکارہ وہاں پہنچیں اور کوئی ان کے پیچھے چل کر ویڈیو بناتا رہے۔
لیکن زیادہ تر صارفین نے ویڈیو بنانے والے پر طنز کرتے ہوئے لکھا کہ ویڈیو بنانے والوں کو شرم آنی چاہیے، دوسروں کی پرائیویسی اور نجی زندگی کا خیال رکھنا چاہیے۔
جہاں لوگوں نےدرفشاں سلیم کی لاپرواہی کی ویڈیو کو تنقید کا نشانہ بنایا وہیں کچھ مداحوں نے اداکار کے کپڑوں اور وزن پر بھی تبصرہ کرتے ہوئے ان کے کپڑوں کو نامناسب قرار دیا اور کچھ صارفین نے انہیں وزن کم کرنے کا مشورہ بھی دیا۔
