Lenovo ایک بار پھر اسمارٹ فون مارکیٹ میں واپسی کی تیاری کر رہا ہے اور کمپنی اپنا نیا فلیگ شپ فون لینووو لیجن وائی 70 2026 19 مئی کو متعارف کرانے جا رہی ہے۔ یہ نیا ڈیوائس گیمنگ صارفین کے لیے خاص طور پر تیار کیا گیا ہے اور اس کے نمایاں فیچرز پہلے ہی صارفین کی توجہ حاصل کر چکے ہیں۔
لینووو لیجن وائی 70 2026 میں Qualcomm کا جدید اسنیپ ڈریگن 8 جن 5 پروسیسر دیا جائے گا، جو تیز رفتار کارکردگی اور گیمنگ کے لیے بہترین سمجھا جا رہا ہے۔ اس کے ساتھ LPDDR5X الٹرا ریم اور UFS 4.1 اسٹوریج بھی شامل ہوگی، جس سے فون کی رفتار مزید بہتر ہو جائے گی۔
کمپنی نے فون میں 5500 مربع ملی میٹر ویپر چیمبر کولنگ سسٹم بھی شامل کیا ہے، جس کا مقصد لمبے وقت تک گیمنگ کے دوران فون کو زیادہ گرم ہونے سے بچانا ہے۔
ڈسپلے کی بات کریں تو اس فون میں 2K ریزولوشن کے ساتھ Q10 AMOLED LTPO اسکرین دی جائے گی، جو 144Hz ریفریش ریٹ سپورٹ کرے گی۔ اس کے علاوہ 360Hz ٹچ سیمپلنگ ریٹ، 7000 نٹس تک برائٹنس، ڈولبی وژن اور فل ڈی سی ڈمنگ جیسی خصوصیات بھی شامل ہوں گی۔
کیمرہ سیٹ اپ میں 50 میگا پکسل مین کیمرہ دیا گیا ہے، جو Sony کے LYT-710 سینسر پر مشتمل ہوگا اور آپٹیکل امیج اسٹیبلائزیشن کی سہولت بھی فراہم کرے گا۔ اس کے ساتھ 8 میگا پکسل الٹرا وائیڈ کیمرہ اور اضافی سینسر شامل ہوگا، جبکہ فرنٹ پر 32 میگا پکسل سیلفی کیمرہ دیا جائے گا۔
فون کی سب سے بڑی خاصیت اس کی 8000mAh بڑی بیٹری ہے، جو 90 واٹ فاسٹ چارجنگ سپورٹ کرے گی۔ اس میں بائی پاس چارجنگ فیچر بھی موجود ہوگا، جو گیمنگ کے دوران بیٹری کو زیادہ گرم ہونے سے بچاتا ہے۔
مزید برآں، یہ فون IP66، IP68 اور IP69 واٹر اور ڈسٹ ریزسٹنس کے ساتھ آئے گا۔ اس کے علاوہ ڈوئل eSIM سپورٹ، بہتر وائی فائی اور مضبوط نیٹ ورک کنیکٹیویٹی بھی اس کا حصہ ہوں گے۔ یہ ڈیوائس کاربن بلیک اور آئس سول وائٹ رنگوں میں دستیاب ہوگی۔
