ایمسٹرڈیم(انٹرنیشنل ڈیسک )سوشل میڈیا پر ان دنوں نیدرلینڈز سے تعلق رکھنے والی خاتون پائلٹ کی ویڈیو نے سوشل میڈیا صارفین کو بھی خوف میں مبتلا کر دیا ہے، کیونکہ دوران پرواز فضا میں ہی طیارے کی کینوپی اڑ گئی۔
نیدرلینڈز سے تعلق رکھنے والی خاتون نارائن ملکومجان کی جانب سے گزشتہ ہفتے ویڈیو سوشل میڈیا پر شئیر کی گئی تھی، جس میں وہ اس پُر خطر لمحات کو گزار کر آئی ہیں۔
نارائن ایکسٹرا کو اس ویڈیو میں چھوٹا طیارہ اڑاتے دیکھا جا سکتا ہے، جبکہ اچانک شیشہ کھلنے سے وہ خود بھی پریشان ہوگئی تھیں، تاہم صورتحال کو بڑے ہی سمجھداری کے ساتھ سنبھال لیا۔
حفاظتی شیشہ ہٹنے کے باعث خاتون پائلٹ کو شدید مشکلات کا سامنا بھی تھا، تاہم ویڈیو میں دیکھا جا سکتا ہے کہ نارائن نے معاملے کو سنبھال لیا۔
خاتون پائلٹ مشکل حالات کے باوجود جہاز کو لینڈ کرانے میں کامیاب ہو گئیں۔
خاتون پائلٹ کا کہنا تھا کہ یہ ایک پریشان کن تجربہ تھا، جس میں مجھے شدید سانس لینے میں تکلیف کا سامنا تھا، کانوں میں شدید آواز آ رہی تھی۔ خاتون پائلٹ کا مزید کہنا تھا کہ انہیں دکھائی دینے میں شدید مشکلات کا سامنا بھی تھا۔
وہ بتاتی ہیں کہ اس تجربے کے اثر سے انہیں نکلنے میں 28 گھنٹے لگے تھے۔
مزیدپڑھیں :کپتان روہت شرما پھر آپے سے باہر ہو گئے
