خطے میں کشیدگی میں اضافہ، بحرین میں سائرن بجا دیے گئے

بحرین(نیوز ڈیسک)ایرن کی طرف سے حالیہ حملوں کے خطرے کے پیش نظر بحرین میں سائرن کی آوازیں گونجنے لگیں۔

بحرین کی وزارتِ داخلہ کا کہنا ہے اس نے ملک میں فضائی حملے کے خطرے کے سائرن بجائے ہیں، اس سے قبل بحرین نے آج ہی کے روز دعویٰ کیا تھا کہ اس نے ایران کی جانب سے داغے گئے متعدد حملوں کو ناکام بنایا ہے۔

بحرین کی وزارتِ داخلہ کا سوشل میڈیا پر جاری ایک بیان میں کہنا تھا کہ خطرے کا سائرن بجا دیا گیا ہے، شہریوں اور رہائشیوں سے درخواست ہے کہ پُرسکون رہیں اور قریب ترین محفوظ مقام پر چلے جائیں۔

ایرانی خبر رساں ادارے فارس نیوز ایجنسی نے ایک ویڈیو شائع کرتے ہوئے لکھا ہے کہ بحرین میں امریکی فوجی تنصیبات پر میزائلوں سے حملہ کیا گیا ہے۔

مزید پڑھیں۔گندم، آٹے، روٹی کی قیمتیں مستحکم رکھنے کیلئے پنجاب حکومت کا بڑا اقدام