کراچی (اوصاف نیوز): پاک بحریہ نے ایک جامع مشق کے دوران اپنی آپریشنل تیاری، پیشہ ورانہ مہارت اور جنگی صلاحیتوں کا بھرپور مظاہرہ کیا۔ اس مشق کا مقصد سمندری سرحدوں کے دفاع، کسی بھی ممکنہ خطرے سے نمٹنے اور جنگی حالات میں فوری اور مؤثر ردعمل کی صلاحیت کو جانچنا تھا۔
مشق میں جدید جنگی جہازوں، آبدوزوں، بحری ہوابازی اور خصوصی دستوں نے حصہ لیا، جہاں مختلف جنگی منظرناموں پر عملی مشقیں کی گئیں۔ پاک بحریہ کے ترجمان کے مطابق مشق نے بحری افواج کے باہمی تعاون، کمانڈ اینڈ کنٹرول اور جدید ہتھیاروں کے مؤثر استعمال کو اجاگر کیا۔
حکام کا کہنا ہے کہ اس نوعیت کی مشقیں نہ صرف بحری دفاع کو مضبوط بناتی ہیں بلکہ خطے میں امن و استحکام کے لیے پاک بحریہ کے عزم کا بھی اظہار ہیں۔ مشق کے دوران اعلیٰ بحری قیادت نے مختلف سرگرمیوں کا جائزہ لیا اور افسران و جوانوں کی پیشہ ورانہ صلاحیتوں کو سراہا۔
مزید پڑھیں: سی ایس ایس 2026 کی باقاعدہ ڈیٹ شیٹ جاری ہو گئی
—
