مدینہ منورہ (انٹرنیشنل ڈیسک) معروف گلوکار علی عظمت اور ان کے بھائی مصطفیٰ زاہد نے مدینہ منورہ میں نعت پیش کی جس کی ویڈیو سوشل میڈیا پر وائرل ہوگئی۔
پاکستان کے مشہور گلوکار علی عظمت جو اپنے مشہور قومی گانوں ’جذبہ جون‘ اور ’سیونی‘ کی وجہ سے لوگوں کے دلوں میں خاص مقام رکھتے ہیں، نے پہلی بار عمرہ ادا کیا ہے۔
اس کے ساتھ ساتھ انہوں نے اپنے بھائی مصطفیٰ زاہد کے ساتھ مدینہ کے روشن ماحول میں عقیدت کے ساتھ نعت رسول مقبول ﷺ پیش کی جس کی ویڈیو سوشل میڈیا پر وائرل ہوگئی۔ ویڈیو میں دونوں بھائی چہل قدمی کر رہے ہیں اور دلکش انداز میں نعت شاہ مدینہ پڑھ رہے ہیں۔
معروف سنگر علی عظمت اور مصطفیٰ زاہد کی مسجد نبوی ﷺ میں نعت پڑھنے کی ویڈیو وائرل pic.twitter.com/tQE6dRztEG
— Rizwan Ghilzai (Remembering Arshad Sharif) (@rizwanghilzai) January 29, 2026
گلوکار نے چند روز قبل اپنے عمرہ سفر کے بارے میں اپنے جذبات کا اظہار بھی کیا تھا جس میں انہوں نے کہا تھا کہ الفاظ اس روحانی تجربے کو پوری طرح بیان نہیں کر سکتے اور یہ لمحہ ان کے لیے عاجزانہ اور زندگی بدل دینے والا تھا۔
مزید پڑھیں:مسافر طیارہ گر کر تباہ، جانی نقصان کی اطلاعات
