ڈالر سستا، یورو اور برطانوی پاؤنڈ مہنگے، درہم اور ریال میں کمی

کراچی (اوصاف نیوز)انٹربینک مارکیٹ میں روپے کے مقابلے میں امریکی ڈالر کی قدر میں مزید کمی ریکارڈ کی گئی۔ کاروباری ہفتے کے دوسرے روز انٹربینک میں ڈالر کی قیمت میں 3 پیسے کمی ہوئی، جس کے بعد ڈالر 279 روپے 67 پیسے پر بند ہوا۔

اوپن مارکیٹ میں بھی امریکی کرنسی کی قدر میں کمی دیکھی گئی، جہاں ڈالر 4 پیسے سستا ہو کر 280 روپے 71 پیسے کا ہو گیا۔

دوسری جانب یورپی اور برطانوی کرنسیاں مہنگی ہو گئیں۔ اوپن مارکیٹ میں یورو 1 روپے 87 پیسے اضافے کے بعد 336 روپے 23 پیسے جبکہ برطانوی پاؤنڈ 2 روپے 2 پیسے مہنگا ہو کر 386 روپے 22 پیسے کا ہو گیا۔

خلیجی کرنسیوں میں ملا جلا رجحان دیکھا گیا۔ یو اے ای درہم 2 پیسے کمی کے بعد 77 روپے 27 پیسے جبکہ سعودی ریال 1 پیسہ سستا ہو کر 75 روپے 38 پیسے پر آ گیا۔

واضح رہے کہ گزشتہ کاروباری روز انٹربینک مارکیٹ میں امریکی ڈالر 279 روپے 70 پیسے پر بند ہوا تھا۔
مزید پڑھیں:اعتکاف کے خواہشمندوں کے لیے بڑی خبر، داتا دربار میں رجسٹریشن کا آغاز