اسلام آباد میں تاجر کو اس کے فارم ہاؤس میں گھس کر قتل کر دیا گیا

اسلام آباد (اوصاف نیوز) اسلام آباد میں تاجر کو اس کے فارم ہاؤس میں گھس کر قتل کر دیا گیا،تھانہ شہزادٹاؤن پولیس نےمقتول عامرصفدراعوان کی اہلیہ کی مدعیت میں مقدمہ درج کر لیا۔

سما ء ٹی وی کا بتانا ہے کہ ایف آئی آر کےمطابق عامراعوان اپنےفارم ہاؤس پربیڈ روم میں موجود تھے،اہلیہ کاکہنا ہےانکی آنکھ کھلی تودیکھا کہ تین ڈاکو انکےشوہر سےہاتھا پائی کررہےتھےجبکہ دوڈاکو اسلحہ تھامےکمرے سےباہر کھڑے تھے، اسی دوران ملزمان نے فائرنگ کرکےعامراعوان کو شدید زخمی کردیاجو اسپتال میں دوران علاج دم توڑ گئے۔

https://x.com/zulqarnainARY/status/2038583547179815093?s=20

ویڈیو دیکھیں

شیخوپورہ: معذور بھائی کے سامنے بہن زیادتی کے بعد قتل
مدعیہ کےمطابق ڈاکوانکےسیکیورٹی گارڈز سےگن اورموبائل فونز چھین کر فرار ہو گئے،اہلخانہ سامنے آنے پر ملزمان کو پہچان سکتے ہیں،سی سی ٹی وی فوٹیج میں بھی کلاشنکوف پکڑے ڈاکؤوں کو دیکھا جا سکتا ہے،وزیرمملکت داخلہ طلال چوہدری نے کہا قاتل جلد قانون کی گرفت میں ہوں گے،اس کی ڈیٹیلز ہیں وہ آپ کے سامنے رکھیں گے پہلے بھی اسلام آباد میں قتل اورڈکیتی کی وارداتوں کے 100 فیصدملزمان کوپکڑا گیا۔ اس واقعہ میں ملوث لوگوں کو بھی ان شاءاللہ تعالی جلد پکڑیں گے

پولیس کے مطابق ملزمان حفاظتی جنگلا کاٹ کر فارم ہاؤس میں داخل ہوئے۔ گرفتاری کیلئے چھاپے جاری ہیں۔صحافی ذولقرنین حیدر نے ویڈیو شیئر کرتے ہوئے لکھا کہ “وفاقی دارلحکومت میں ٹیوٹا موٹرز کے مالک عامر اعوان کو ان کے فارم ھاوس میں بیڈ روم میں قتل کیا گیا”۔
مزید پڑھیں:نویں جماعت کا بائیولوجی کا پرچہ سوشل میڈیا پر آؤٹ