اسلام آباد (نیوزڈیسک)سابق وزیر خزانہ مفتاح اسماعیل کا کہنا ہے کہ آئندہ ماہ نئی سیاسی جماعت کا اعلان کیا جائے گا، ’عوام پاکستان‘ کے نام سے بننے والی جماعت کے کنوینر شاہد خاقان عباسی ہوں گے۔ مفتاح اسماعیل نے کہا کہ عوام پاکستان کا باقاعدہ اعلان 6 جولائی کو اسلام آباد میں کیا جائے گا،
سابق وزیر اعظم شاہد خاقان عباسی اور سابق وزیر خزانہ مفتاح اسماعیل جنہوں نے پاکستان مسلم لیگ نواز (پی ایم ایل این) کو چھوڑ دیا تھا نے ایک نئی سیاسی جماعت کا آغاز کیا، یہ بات پیش رفت کے قریبی ذرائع نے جمعہ کو بتائی۔ذرائع نے بتایا کہ انہوں نے اپنی پارٹی کا نام “عوام پاکستان” رکھا ہے۔ملک کے سیاسی منظر نامے پر کئی مہینوں کے غور و خوض کے بعد بالآخر انہوں نے اپنی سیاسی جماعت کا آغاز کیا۔
ذرائع نے بتایا کہ “عوام پاکستان: نظام کی تبدیلی” کی ٹیگ لائن والی ایک ویڈیو “عوام پاکستان” کے آفیشل اکاؤنٹ پر شیئر کی گئی تھی، جسے مسلم لیگ (ن) کے سابق رہنماؤں شاہد خاقان عباسی اور مفتاح اسماعیل نے دوبارہ پوسٹ کیا تھا۔
چاہتے ہیں عوام اپنے فیصلے خود کریں انہیں کام کرنے کی آزادی ہو۔مفتاح اسماعیل نے کہا کہ اپنا پیغام لے کر عوام میں جائیں گے، ملک بھر میں سیاسی لوگوں سے رابطہ ہے، نئی جماعت میں سردار مہتاب عباسی، جاوید عباسی ساتھ ہوں گے۔
انہوں نے کہا کہ نئی جماعت کے قیام کا مقصد نظام کو بدلنا ہے، ضعیم قادری اور ڈاکٹر ظفر مرزا ساتھ ہوں گے، شیخ صلاح الدین، رانا زاہد توفیق، زاہد بنوری اور انور سومرو بھی ساتھ ہوں گے۔
ٹیلی کام کمپنیوں نے نان فائلرز کی 75 فیصد کٹوتی غیرقانونی قراردیدی
