اسلام آباد(نیوزڈیسک) پاکستان مسلم لیگ نواز (پی ایم ایل این) کے سینیٹر عرفان صدیقی نے اکتوبر کے پہلے یا دوسرے ہفتے میں آئینی ترامیم دوبارہ لانے کے منصوبے کا اعلان کیا ہے۔مسلم لیگ ن کے سینیٹر کا کہنا ہے کہ حکومت آئینی ترمیم دوبارہ اسمبلی میں پیش کرنے کا ارادہ رکھتی ہے۔
نجی نیوز چینل سے بات کرتے ہوئے صدیقی نے ملک کے سیاسی منظر نامے کے لیے ان ترامیم کی اہمیت پر زور دیا۔پاکستان تحریک انصاف کے ساتھ جاری کشیدگی پر عرفان صدیقی نے مظاہروں کے دوران پی ٹی آئی کے حامیوں کو نقصان پہنچانے کے واقعات کا حوالہ دیتے ہوئے، تحریک انصاف ی کے ٹریک ریکارڈ پر تنقید کی۔
انہوں نے کہا کہ اگرچہ پرامن جمہوری مظاہروں میں کوئی رکاوٹ نہیں ہے،پی ٹی آئی کی تاریخ تشویش کا باعث ہے۔چیف جسٹس کی آئندہ تقرری سے متعلق سوال کے جواب میں صدیقی نے تصدیق کی کہ موجودہ قانونی دفعات کے مطابق جسٹس منصور علی شاہ پاکستان کے اگلے چیف جسٹس ہوں گے۔
